Ore i mexü̃ ga Luca ümatüxü̃ 17:21 - Tupanaarü Ore

²¹ Rü taxuacüma ñaperügügü: “Daa nixĩ”, rüe̱xna “Gua nixĩ”, ñaperügügü. Erü marü petanüwa nangu ya Tupana nax ãẽ̱xgacü yixĩxü̃ca̱x —ñanagürü.

Ore i mexü̃ ga Luca ümatüxü̃ 17:21 Referans Kwoze

Ore i mexü̃ ga Matéu ümatüxü̃ 12:28

Natürü pemaxã nüxü̃ chixu rü aixcüma Tupanaãxẽ i Üünexü̃arü poramaxã nixĩ i íchanawoxü̃xü̃ i ngo̱xogü. Rü ngẽmawa pexü̃ nüxü̃ chacua̱xẽxẽ nax marü núma petanüwa nanguxü̃ ya Tupana, nax perü ãẽ̱xgacü yixĩxü̃ca̱x.

Romanos 14:17

Rü ngẽma Tupanape̱xewa nax imexü̃ca̱x rü tama ta̱xacürü õna nax ingṍxü̃ rüe̱xna ta̱xacürü axexü̃ nax ixaxüxü̃gagu nixĩ. Natürü Tupanape̱xewa nax imexü̃ca̱x rü tanaxwa̱xe i Naãxẽ ya Üünexü̃arü ngü̃xẽẽmaxã tayanguxẽxẽ i ngẽma Tupana naxwa̱xexü̃, rü yigü tangechaü̃gü, rü aixcüma tataãẽgü nape̱xewa ya Tupana.

Ore i mexü̃ ga Márcu ümatüxü̃ 13:21

Rü ngẽxguma texé pexü̃ ñagügu: “Dücax, daa nixĩ ya Cristu”, ñagügu, rüe̱xna: “Gua nixĩ ya Cristu”, ñagügu, ¡rü taxṹ i nüxü̃́ peyaxõgüxü̃!

Ore i mexü̃ ga Luca ümatüxü̃ 21:8

Rü Ngechuchu rü ñanagürü: —¡Pexũãxẽgü nax taxuxü̃táma pexü̃ womüxẽẽxü̃ca̱x! Erü muxũchixü̃ tá chauégagu ínangugü rü ñanagürügü tá: “Choma nixĩ i Cristu, rü paxa tá nagu̱x i naane”, ñanagürügü tá. ¡Natürü taxũtáma nüxü̃́ peyaxõgü!

Ore i mexü̃ ga Luca ümatüxü̃ 17:23

Rü duü̃xü̃gü rü tá ñanagürügü pexü̃: “Daa nixĩ ya Cristu”, rüe̱xna, “Gua nixĩ ya Cristu”, ñanagürügü tá. Natürü i pemax ¡rü taxũtáma nüxü̃́ peyaxõgü, rü taxũtáma nawe perüxĩ!

Ore i mexü̃ ga Cuáü̃ ümatüxü̃ 1:26

Rü Cuáü̃ nanangãxü̃ rü ñanagürü: —Choma rü dexáwamare íchanabaiü̃xẽxẽ i duü̃xü̃gü. Natürü petanüwa nangẽxma ya yimá tama nüxü̃ pecuácü ya choweama ne ũcü. Rü choma rü nape̱xewa rü taxuwama chame, rü bai i norü chapatucunügüarü wẽgüwa chame —ñanagürü ga Cuáü̃.

Ore i mexü̃ ga Cuáü̃ ümatüxü̃ 18:36

Rü yexguma ga Ngechuchu rü nanangãxü̃, rü ñanagürü: —Choma rü tama ñoma i naanewa ãẽ̱xgacü chixĩ. Rü ngẽxguma chi ñoma i naanewa ãẽ̱xgacü chixĩxgu, rü chorü duü̃xü̃gü rü chi Yudíugüarü ãẽ̱xgacügümaxã nügü nadai rü taxũchima choxü̃ niyauxgü i ngẽxguma. Natürü tama ñoma i naanewa ãẽ̱xgacü chixĩ —ñanagürü.