Ore i mexü̃ ga Luca ümatüxü̃ 17:18 - Tupanaarü Ore

¹⁸ ¿Rü ñaa to i nachixü̃anecüã̱x i duü̃xü̃xicatama nixĩ i taeguxü̃ nax Tupanaxü̃ yacua̱xüxü̃xü̃ca̱x? —ñanagürü.

Ore i mexü̃ ga Luca ümatüxü̃ 17:18 Referans Kwoze

Wiyaegü 50:23

Rü yíxema moxẽ choxna ãxe rü choxü̃ ticua̱xüxü̃. Rü choma rü tá tüxü̃ chamaxẽxẽ ya yíxema aixcüma chauga ĩnüxẽ —ñanagürü ya Tupana.

Wiyaegü 106:13

Natürü paxãma nüxü̃ inayarüngümaexü̃ ga yema taxü̃ ga mexü̃gü ga Tupana naxca̱x üxü̃. Rü tama ínanangu̱xẽẽgü ga yema Tupana nagu rüxĩnüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:7

Rü tagaãcü ñanagürü: “¡Nüxü̃ pemuü̃e ya Tupana rü nüxü̃ picua̱xüü̃gü! Erü marü nawa nangu nax guxü̃ma i duü̃xü̃güna naca̱xaxü̃. ¡Rü nüxü̃ picua̱xüü̃gü ya yimá naxücü i daxũguxü̃ i naane, rü ñoma i naane, rü ngẽma már, rü guxü̃ma i natüxacügü!” ñanagürü.

Ichaía 42:12

Rü pema i nachixü̃anegü i márpechinüwa maxẽxü̃ i duü̃xü̃gü ¡rü nüxü̃ picua̱xüxü̃gü rü moxẽ nüxna pexãgü!

Ore i mexü̃ ga Matéu ümatüxü̃ 20:16

Rü yíxema ñu̱xma duü̃xü̃gü wixweama tüxü̃ ügüxexẽ́xẽ, rü daxũguxü̃ i naanewa rü Tupana tá wixpe̱xewa tüxü̃ naxǘgüxẽxẽ. Rü yíxema ñu̱xma duü̃xü̃gü wixpe̱xewa tüxü̃ ügüxexẽ́xẽ rü daxũguxü̃ i naanewa rü Tupana tá wixweama tüxü̃ naxǘgüxẽxẽ. Erü Tupana rü muxũchiena naxu, natürü noxretama tixĩ ya yíxema tüxü̃ nadexe —ñanagürü ga Ngechuchu.

Ore i mexü̃ ga Matéu ümatüxü̃ 19:30

Natürü muxü̃ma i nümaxü̃ i ñoma i naanewa duü̃xü̃gü wixpe̱xewa ügüxẽẽxü̃, rü daxũguxü̃ i naanewa rü Tupana tá wixweama nanaxügüxẽxẽ. Rü muxü̃ma i nümaxü̃ i ñoma i naanewa duü̃xü̃gü wixweama ügüxẽẽxü̃, rü daxũguxü̃ i naanewa rü Tupana tá wixpe̱xewa nanaxügüxẽxẽ.

Ore i mexü̃ ga Matéu ümatüxü̃ 8:12

Natürü muxü̃ma i Iraétanüxü̃ rü taxũtáma nichocu i ngextá Tupana ãẽ̱xgacü íxĩxü̃wa. Rü ẽanexü̃wa tá nawogü. Rü ngéma tá naxauxe, rü tá nixü̃́xchapütagü —ñanagürü.

Ore i mexü̃ ga Matéu ümatüxü̃ 8:10

Rü yexguma yemaxü̃ naxĩnügu ga Ngechuchu rü naba̱i̱xãchiãxẽ. Rü ñanagürü nüxü̃ ga yema duü̃xü̃gü ga nawe rüxĩxü̃: —Aixcüma pemaxã nüxü̃ chixu rü taxuxü̃ma i Iraétanüxü̃gütanüwa nüxü̃ ichayangau i wüxi i duü̃xü̃ i ñaa yatürüxü̃ aixcüma yaxõxü̃.

Ore i mexü̃ ga Matéu ümatüxü̃ 9:8

Rü yexguma yemaxü̃ nadaugügu ga duü̃xü̃gü, rü poraãcü namuü̃e. Rü Tupanaxü̃ nicua̱xüü̃gü, rü ñanagürügü: —Moxẽ, Pa Tupanax, erü cunaporaxẽxẽ i ñaa yatü nax ngẽmaãcü mexü̃ toxca̱x naxüxü̃ca̱x —ñanagürügü.

Ore i mexü̃ ga Luca ümatüxü̃ 17:17

Rü yexguma ga Ngechuchu rü ñanagürü: —¿Taux ẽ̱xna i 10 chire̱x pixĩgüxü̃ nax pexca̱x chayataanexẽẽgüxü̃? ¿Ngexü̃gü nixĩ i ngẽma togü i 9 i yatügü?