Ore i mexü̃ ga Luca ümatüxü̃ 17:17 - Tupanaarü Ore

¹⁷ Rü yexguma ga Ngechuchu rü ñanagürü: —¿Taux ẽ̱xna i 10 chire̱x pixĩgüxü̃ nax pexca̱x chayataanexẽẽgüxü̃? ¿Ngexü̃gü nixĩ i ngẽma togü i 9 i yatügü?

Ore i mexü̃ ga Luca ümatüxü̃ 17:17 Referans Kwoze

Romanos 1:21

Yerü woo nüxü̃ nacua̱xgüchire̱x nax ñuxãcü yixĩxü̃ ga Tupana, natürü tama nanayauxgüchaü̃ nax norü Tupana yixĩxü̃ca̱x, rü bai nax moxẽ nüxna naxãgüxü̃. Natürü yema taxuwama mexü̃guama narüxĩnüe, rü yemaacü naechitamare namaxẽ rü yexeraãcü chixexü̃gu narüxĩnüe.

Wiyaegü 106:13

Natürü paxãma nüxü̃ inayarüngümaexü̃ ga yema taxü̃ ga mexü̃gü ga Tupana naxca̱x üxü̃. Rü tama ínanangu̱xẽẽgü ga yema Tupana nagu rüxĩnüxü̃.

Naanearü ügüchiga 3:9

Natürü nüma ga Cori ya Tupana rü gumá yatüca̱x naca. Rü nüxna naca rü ñanagürü: —¿Ngextá cungexma? —ñanagürü.

Ore i mexü̃ ga Luca ümatüxü̃ 17:16

Rü Ngechuchupe̱xegu nanangücuchi rü moxẽ nüxna naxã. Rü yema yatü rü Chamáriaanecüã̱x nixĩ.

Ore i mexü̃ ga Luca ümatüxü̃ 17:18

¿Rü ñaa to i nachixü̃anecüã̱x i duü̃xü̃xicatama nixĩ i taeguxü̃ nax Tupanaxü̃ yacua̱xüxü̃xü̃ca̱x? —ñanagürü.