Ore i mexü̃ ga Luca ümatüxü̃ 17:1 - Tupanaarü Ore

¹ Rü Ngechuchu rü norü ngúexü̃güxü̃ ñanagürü: —Rü guxü̃gutáma nangẽxma i ta̱xacü i duü̃xü̃güxü̃ pecaduã̱xẽẽxü̃. Natürü wüxi i ngechaü̃ nixĩ tümaca̱x ya yíxema duü̃xẽ ya togüxü̃ pecadugu yixexẽ́xẽ.

Ore i mexü̃ ga Luca ümatüxü̃ 17:1 Referans Kwoze

Ore i mexü̃ ga Matéu ümatüxü̃ 18:7

Wüxi i taxü̃ i ngechaü̃ nixĩ nax ñoma i naanewa nangẽxmaxü̃ i muxü̃ma i chixexü̃gü i duü̃xü̃güxü̃ chixexẽẽxü̃. Rü guxü̃gutáma nangẽxma i ngẽma chixexü̃gü, natürü wüxi i ngechaü̃xü̃chi nixĩ naxca̱x i ngẽma yatü i toguegüxü̃ pecadugu yixẽẽxü̃.

1 Corintios 8:13

Rü ngẽmaca̱x i ngẽxguma ngẽma namachi i changṍxü̃gagu chixexü̃gu chananguxẽẽgu i chauenexẽ, rü narümemae nixĩ i tama ngẽma namachi i tupananetachicüna̱xãgüca̱x daixü̃ changõ̱x nax tama pecadugu chananguxẽẽxü̃ca̱x i ngẽma chauenexẽ.

Romanos 14:13

Rü ngẽmaca̱x, Pa Chauenexẽgüx, rü tama name nax tamücügüxü̃ ixuechaxü̃. Rü narümemae nixĩ i nüxü̃ perüxoe i guxü̃ma i chixexü̃ i peenexẽgüxü̃ pecadugu yixẽẽxü̃ rü ẽ̱xna norü õxü̃ chixexẽẽxü̃.

1 Corintios 11:19

Choma rü nüxü̃ chacua̱x nax woetama aixcüma yixĩxü̃ nax pegü pitoyexü̃ nax ngẽmawa nüxü̃ icuáxü̃ca̱x nax texégü tixĩxü̃ ya yíxema aixcüma Cristuarü duü̃xü̃gü ixĩgüxe.

Romanos 16:17

Pa Chauenexẽgüx, pexü̃ chaca̱a̱xü̃ nax pegüna pedaugüxü̃ca̱x nüxna i ngẽma duü̃xü̃gü i pexü̃ itoyechaü̃xü̃ rü chixexü̃gu pexü̃ yixẽẽchaü̃xü̃. Erü ngẽma duü̃xü̃güarü ngu̱xẽẽtae rü tama namaxã nawüxigu i ngẽma ngu̱xẽẽtae ga noxri peyauxgüxü̃ ga yexguma noxri peyaxõgügu. Rü name nixĩ i noxtacüma nüxna pixĩgachi i ngẽma duü̃xü̃gü rü tama natanügu pexãgü.

Ore i mexü̃ ga Matéu ümatüxü̃ 16:23

Natürü ga Ngechuchu rü Pedruca̱x nadauegu, rü ñanagürü nüxü̃: —¡Choxna ixũgachi, Pa Chatanáx, erü chixexü̃gu choxü̃ cungu̱xẽẽchaü̃! Rü tama Tupana nagu rüxĩnüxü̃gu curüxĩnü, rü yatügü nagu rüxĩnüxü̃gumare curüxĩnü i cumax —ñanagürü.

1 Corintios 10:32

Rü tama name i penaxü i ta̱xacü i togüxü̃ chixexü̃gu yixẽẽxü̃, rü woo Yudíugü yixĩgügu rü ẽ̱xna tama Yudíugü yixĩgügu, rü ẽ̱xna yaxõgüxü̃ yixĩgügu.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:14

Natürü nangẽxma i ta̱xacü icuxüxü̃ i tama chorü me ixĩxü̃. Rü ngẽma nixĩ nax cugüxü̃tawa cunangexmagüxẽẽxü̃ i ñuxre i curü duü̃xü̃gü i tama nüxü̃ rüxoexü̃ ga gumá nũxcümaü̃cü ga Balaáü̃arü ngu̱xẽẽtae. Rü nüma ga Balaáü̃ rü Baláxü̃ naxuxcu̱xẽ nax pecadugu nayixẽẽãxü̃ca̱x ga Iraétanüxü̃gü. Rü nüma ga Baláx rü yema Iraétanüxü̃güaxü̃́ nanangúchaü̃xẽxẽ nax nangõ̱xgüãxü̃ca̱x ga õna ga namaxã tupananetachicüna̱xãgüxü̃ yacua̱xüü̃güxü̃. Rü yexgumarüxü̃ ta nüxü̃́ nanangúchaü̃xẽxẽ nax ngexü̃gü i naxü̃nemaxã taxexü̃gümaxã namaxẽxü̃ca̱x ga Yudíugü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:20

Natürü nangẽxma i wüxi i cuxüxü̃ i tama chorü me ixĩxü̃. Rü ngẽma nixĩ nax ngéma cunangexmaxẽẽechaü̃ i ngẽma ngexü̃ i Yechabé i nügü ixuxü̃ nax Tupanaarü orearü uruxü̃ nax yixĩxü̃. Natürü norü ngu̱xẽẽtaemaxã chorü duü̃xü̃güxü̃ nawomüxẽxẽ, rü nüxü̃́ nangũchaü̃xẽxẽ nax ngexü̃gü i naxü̃nemaxã taxexü̃maxã namaxẽxü̃ca̱x, rü nangõ̱xgüãxü̃ca̱x i ngẽma õnagü i tupananetachicüna̱xãgüca̱x daixü̃.

Ore i mexü̃ ga Luca ümatüxü̃ 16:31

Natürü Abraáü̃, rü ñanagürü nüxü̃: “Ngẽxguma tama naga naxĩnüegu ga yema ore ga Moiché ümatüxü̃ rü yema ore ga nũxcümaü̃güxü̃ ga Tupanaarü orearü uruü̃gü ümatüxü̃, rü woo chi wüxi i marü yuwa írüdaxü̃ i duü̃xü̃ ngéma ũxgu, rü namaxã nüxü̃ yanaxuxgu i ore, rü taxũchima nüxü̃́ nayaxõgü” —ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:1

Tupanaãxẽ ya Üünecü rü meama nüxü̃ nixu rü ngẽxguma yangaicagu nax nagúxchaü̃xü̃ i naane rü nümaxü̃ i duü̃xü̃gü rü tá nüxü̃ narüxoe nax yaxõgüãxü̃. Rü tá nawe narüxĩ i duü̃xü̃gü i nawomüxẽẽgüxü̃ i Chatanáarü ngu̱xẽẽtae nangúexẽẽxü̃.