Ore i mexü̃ ga Luca ümatüxü̃ 16:8 - Tupanaarü Ore

⁸ Rü norü cori rü nüxü̃ nicua̱xü̃ama ga yema norü duü̃xü̃ ga chixexü̃, yerü nüxü̃ nadau nax nüxü̃ nacua̱xüchixü̃ nax duü̃xü̃güaxü̃́ nangúchaü̃ẽẽãxü̃ ega ta̱xacü naxü̱xgu. Rü pemaxã nüxü̃ chixu rü ñoma i naanecüã̱x i duü̃xü̃gü, rü ngẽma yaxõgüxü̃arü yexera paxa naxca̱x nadaugü nax duü̃xü̃güaxü̃́ nangúchaü̃xẽẽãxü̃ ega ta̱xacü naxü̱xgu.

Ore i mexü̃ ga Luca ümatüxü̃ 16:8 Referans Kwoze

1 Tesalonicenses 5:5

Erü guxãma i pema rü Tupanaarü duü̃xü̃gü pixĩgü, rü ngẽmaca̱x ngóonexü̃wa pengẽxmagü. Rü yixema rü tama ẽanexü̃wa tangexmagü rü tama tanaxü i ngẽma chixexü̃ i ẽanexü̃wa üxü̃.

Efesios 5:8

Rü ü̃pa ga pema rü ẽanexü̃wa pemaxẽ, yerü tama Tupanaxü̃ pecua̱x. Natürü i ñu̱xma nax Cori ya Tupanaxü̃ pecuáxü̃, rü ngóonexü̃wa pemaxẽ. Rü ngẽmaca̱x name i duü̃xü̃gü i ngóonexü̃wa ngẽxmagüxü̃ãcü pemaxẽxü̃.

Ore i mexü̃ ga Luca ümatüxü̃ 16:10

Yíxema mea namaxã icuáxe ega woo noxretama tümame̱xẽwa ngẽxmagu, rü ngẽxguma muxü̃ma tümame̱xẽwa ngẽxmagu rü tá ta mea namaxã itacua̱x. Natürü yíxema chixri namaxã icuáxe ega noxretama tümame̱xẽwa ngẽxmagu, rü ngẽxguma muxü̃ma tümame̱xẽwa ngẽxmagu rü ngẽxgumarüxü̃ tá ta chixri namaxã itacua̱x.

Ore i mexü̃ ga Cuáü̃ ümatüxü̃ 12:36

Rü ñoma rü ta petanüwa changexma rü name nixĩ i paxa choxü̃́ peyaxõgü nax chorü ngóonexü̃wa pengẽxmagüxü̃ca̱x —ñanagürü. Rü yema ñaxguwena rü nüxna nixũgachi ga Ngechuchu. Rü na̱xcha̱xwa tóxnamana naxũ.

Nüxíraxü̃xü̃ ga popera ga Cuáü̃ ümatüxü̃ 3:10

Rü marü nüxü̃ tacua̱x nax texé tixĩgüxü̃ ya Tupanaxacügü rü texé tixĩgüxü̃ ya Chatanáxacügü. Erü yíxema tama mexü̃ ǘxe rü tama tümaenexẽxü̃ ngechaü̃xe, rü tama Tupanaxacü tixĩ.

Ore i mexü̃ ga Luca ümatüxü̃ 16:4

Rü marü nüxü̃ chacua̱x nax ta̱xacü tá chaxüxü̃ nax choxü̃́ nangẽxmaxü̃ca̱x nax texé tümapatawa choxü̃ yaxuxü̃ i ngẽxguma changearü puracüã̱xgu”, ñanagürü.

Ínachoxü̃xü̃chiga 1:10

¡Rü ngẽmaca̱x, ngĩxã naxca̱x tadaugü nax ñuxãcü íyachaxãchixẽẽxü̃ nax yamuxü̃! Erü ngẽxguma chi ngürüãchi to i nachixü̃ane tamaxã nügü daixgu, rü nüma i Iraétanüxü̃ rü tá tórü uanügütanügu naxãgü nax tüxü̃ nada̱i̱xü̃ca̱x rü ñu̱xũchi ngẽmaãcü nayoxniegü nax tüxna naxĩgüxü̃ —ñanagürü.

Naanearü ügüchiga 3:1

Rü natanüwa ga guxü̃ma ga yema naeü̃gü ga idüraexü̃ ga Cori ya Tupana üxü̃, rü yema ãxtape nixĩ ga guxü̃arü yexera womüxẽẽxü̃ cuáxü̃. Rü yema nixĩ ga ngĩxna ca̱xaxü̃ ga yema nge, rü ñanagürü ngĩxü̃: —¿Rü aixcüma yixĩxü̃ i Tupana pexna nachu̱xuxü̃ nax tama penangṍxü̃ca̱x i norü o i ngẽma nanetügü i ñaa naanewa rüxügüxü̃? —ñanagürü.

Ore i mexü̃ ga Luca ümatüxü̃ 20:34

Rü yexguma ga Ngechuchu rü nanangãxü̃ rü ñanagürü: —Ñoma i naanewa rü yatügü rü nixãma̱xgü rü ngexü̃gü rü nixãtegü.

Wiyaegü 17:14

Pa Corix ¡curü poramaxã choxü̃ ínanguxuchixẽxẽ naxme̱xwa i ngẽma duü̃xü̃gü i chixexü̃! ¡Rü ñoma i naanewa ínawoxü̃! Rü ngẽma nixĩ i nüxna üxü̃ i ñoma i naanewa nax namaxẽxü̃. Rü nüetama nixĩ nax namuarü ngẽmaxü̃ã̱xgüxü̃. Rü nüetama nixĩ nax naxacügü rü meama nachibüexü̃. Rü nüetama nixĩ nax nataagüca̱x íyaxüxü̃ i õna.

2 Chamué 13:3

Natürü Anóü̃ nüxü̃́ nayexma ga wüxi ga namücü ga womüxẽẽxü̃ cua̱xüchixü̃ ga Yonadágu ãégaxü̃. Rü nüma ga Yonadá rü Chimá ga Dabí naenexẽ nane nixĩ.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Filipenses 3:19

Natürü ngẽma duü̃xü̃gü rü tá napoxcue. Rü ngẽma naxü̃nearü ngúchaü̃ nixĩ i namaxã natupanaã̱xgüxü̃. Rü woo nüxü̃ nacua̱xchire̱x nax wüxi i ãne nax yixĩxü̃ i ngẽma chixexü̃ i naxügüxü̃, natürü nügü namaxã nicua̱xüü̃gü. Rü ñoma i naanearü ngẽmaxü̃guxicatama narüxĩnüe.

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

Ore i mexü̃ ga Luca ümatüxü̃ 18:6

Rü Cori ga Ngechuchu rü ñanagürü: —Yema nixĩ ga norü ore ga yema ãẽ̱xgacü ga chixexü̃.

Ore i mexü̃ ga Matéu ümatüxü̃ 17:26

Rü Pedru nanangãxü̃, rü ñanagürü: —Ngẽma togü i duü̃xü̃gütanüwa nixĩ i nayauxgüãxü̃ —ñanagürü. Rü ñu̱xũchi Ngechuchu nanangãxü̃ rü ñanagürü: —Rü ngẽxguma ngẽmaãcü yixĩxgu, rü yixema nax Tupanaarü ixĩgüxü̃ rü taxuca̱xma tanaxütanügü.

Norü taxre ga popera ga ãẽ̱xgacügüchiga 10:19

Rü ngẽmaca̱x chanaxwa̱xe nax naxca̱x peca i guxü̃ma i Baáarü orearü uruü̃gü rü ngẽma Baáxü̃ icua̱xüü̃güxü̃ rü norü chacherdótegü i Baá. Rü chanaxwa̱xe nax taxúxetáma taxuxü̃, erü Baáca̱x tá chanadai i muxũchixü̃ i naxü̃nagü nax ngẽmamaxã nüxü̃ chicua̱xüü̃xü̃ca̱x. Rü ngẽma tauxexü̃ i duü̃xü̃gü rü tá nayue —ñanagürü. Rü nüma ga Yeú rü marü ñuxgumama nagu narüxĩnü ga yema womüxẽxẽ nax yemaacü yema Baáxü̃ icua̱xüü̃güxü̃ ga duü̃xü̃güxü̃ nada̱i̱xü̃ca̱x.

Ore i mexü̃ ga Matéu ümatüxü̃ 12:32

Rü guxãma ya texé ya chixexü̃ namaxã ixugüxe ya Tupana Nane ya duü̃xü̃xü̃ ixĩcü rü Tupana tá tüxü̃́ nüxü̃ narüngüma i ngẽma. Natürü texé ya Tupanaãxẽ i Üünexü̃maxã chixexü̃ ixugüxe, rü Tupana rü tagutáma tüxü̃́ nüxü̃ narüngüma i ngẽma, rü bai i ñoma i naanewa, rü bai i daxũguxü̃ i naanewa.

Ore i mexü̃ ga Luca ümatüxü̃ 16:7

Rü yemawena rü yema to ga duü̃xü̃ ga norü coriaxü̃́ nangetanüxü̃na naca, rü ñanagürü: “¿Cuma rü ñuxre yixĩxü̃ i nüxü̃́ cungetanüxü̃ i chorü cori?” ñanagürü. Rü nüma rü nanangãxü̃, rü ñanagürü: “Nüxü̃́ chanangetanü i 100 i choca i trigu”, ñanagürü. Rü yema coriarü duü̃xü̃ rü ñanagürü nüxü̃: “Ñaa nixĩ i popera i curü ngetanü nawa ngóxü̃. ¡Rü paxa írüto rü to i popera naxü rü 80 i chocaguxicatama naxü i curü ngetanü!” ñanagürü.

Ore i mexü̃ ga Luca ümatüxü̃ 20:35

Natürü ngẽma duü̃xü̃gü i Tupanape̱xewa mexü̃ nax wena namaxẽxü̃ nax daxũguxü̃ i naanewa naxĩxü̃ca̱x rü ngéma rü taxũtáma nixãma̱xgü rü ẽ̱xna nixãtegü.

Ucu̱xẽgüchiga 12:8

Yimá yatü ya mea naãẽxü̃ cuácü, rü duü̃xü̃gü nüxü̃ nicua̱xüü̃gü naxca̱x i norü cua̱x. Natürü ngẽma yatü i tama naãẽxü̃ cuáxü̃, rü duü̃xü̃gü nüxü̃ naxoe.