Ore i mexü̃ ga Luca ümatüxü̃ 16:25 - Tupanaarü Ore

²⁵ Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Ore i mexü̃ ga Luca ümatüxü̃ 16:25 Referans Kwoze

Ore i mexü̃ ga Luca ümatüxü̃ 6:24

Natürü wüxi i ngechaü̃ tá nixĩ i pexca̱x i pema ya muarü diẽruã̱xgüxe, erü ñoma i naanewa rü marü pexü̃́ nangẽxma i perü taãxẽ.

Nüxíraxü̃xü̃ ga popera ga Cuáü̃ ümatüxü̃ 2:15

¡Taxṹ i pexü̃́ nangúchaü̃xü̃ i ñoma i naane rü norü ngẽmaxü̃gü! Ngẽxguma chi texéaxü̃́ nangúchaü̃gu i ñoma i naane rü tama Tanatü ya Tupanaxü̃ tangechaü̃.

Wiyaegü 17:14

Pa Corix ¡curü poramaxã choxü̃ ínanguxuchixẽxẽ naxme̱xwa i ngẽma duü̃xü̃gü i chixexü̃! ¡Rü ñoma i naanewa ínawoxü̃! Rü ngẽma nixĩ i nüxna üxü̃ i ñoma i naanewa nax namaxẽxü̃. Rü nüetama nixĩ nax namuarü ngẽmaxü̃ã̱xgüxü̃. Rü nüetama nixĩ nax naxacügü rü meama nachibüexü̃. Rü nüetama nixĩ nax nataagüca̱x íyaxüxü̃ i õna.

Ore i mexü̃ ga Márcu ümatüxü̃ 9:45

Rü ngẽxguma chi wüxi ya cucutü pecadugu cuxü̃ nguxẽẽgu, rü name nixĩ i noxtacüma ícunadae. Erü narümemae nixĩ i cubocutüãcüma cunayaxu i curü maxü̃, rü tama guxü̃ne ya cucutü ya mexü̃nemaxã nawa quita̱xcuchixü̃ca̱x ya yimá üxü ya taguma ixoxü̃ne.

Romanos 8:7

Rü yíxema tümaxü̃nearü ngúchaü̃ca̱x daugüxe rü Tupanamaxã tarüxuanügü. Erü tama Tupanaarü mugüga taxĩnüe rü tama tayanguxẽxẽ.

Filipenses 3:19

Natürü ngẽma duü̃xü̃gü rü tá napoxcue. Rü ngẽma naxü̃nearü ngúchaü̃ nixĩ i namaxã natupanaã̱xgüxü̃. Rü woo nüxü̃ nacua̱xchire̱x nax wüxi i ãne nax yixĩxü̃ i ngẽma chixexü̃ i naxügüxü̃, natürü nügü namaxã nicua̱xüü̃gü. Rü ñoma i naanearü ngẽmaxü̃guxicatama narüxĩnüe.

Ngechuchuarü ngúexü̃gü ga yamugüxü̃arü puracüchiga 14:22

Rü gumá ĩanegüwa rü yema yaxõgüxü̃xü̃ nixucu̱xẽgü, rü nüxü̃́ nanangúchaü̃xẽẽgü nax guxü̃guma mea yaxõgüãxü̃ca̱x. Rü namaxã nüxü̃ nixugüe, rü ñanagürügü: —Ngẽma Tupana ãẽ̱xgacü ixĩxü̃wa nax ixücuxü̃ca̱x, rü tanaxwa̱xe i muxü̃ma i guxchaxü̃gümaxã yáxna taxĩnüexü̃ i ñoma i naanewa —ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.

Ore i mexü̃ ga Cuáü̃ ümatüxü̃ 16:33

Rü guxü̃ma i ñaa ore rü pemaxã nüxü̃ chixu nax chaugagu petaãẽgüxü̃ca̱x. Rü ñoma i naanewa rü tá ngúxü̃ pinge. ¡Natürü peporae! Erü choma rü marü nüxü̃ charüyexera i guxü̃ma i ñoma i naane —ñanagürü.

Ore i mexü̃ ga Luca ümatüxü̃ 16:23

Rü ngẽma nachica ya Tupana ngo̱xogüxü̃ nagu poxcuxü̃wa naxũ ga yema yatü ga noxri diẽruã̱xü̃chixü̃ rü yéma poraãcü ngúxü̃ ninge. Rü daxũ nadau, rü yáxü̃gu Abraáü̃xü̃ nadau nax Lácharomaxã wüxiwa nayexmaxü̃.

Ore i mexü̃ ga Luca ümatüxü̃ 16:20

Rü nayexma ta ga wüxi ga yatü ga ngearü diẽruã́cü ga rüxo̱xo̱xnecü ga Lácharogu ãégacü. Rü guxü̃guma yema diẽruã̱xü̃chixü̃pataa̱xwa nayarütooxü̃.

Danié 5:30

Rü yema chütaxü̃gu nixĩ ga yama̱xgüãxü̃ ga Berchachá ga Babiróniaanearü ãẽ̱xgacü ixĩcü.

Auxexü̃chiga 1:7

¡Pa Yerucharéü̃x, nüxna nacua̱xãchi ga yema ngunexü̃ ga nagu curü uanügüpe̱xewa cuxica cuyexmagu rü poraãcü cungechaü̃gu! ¡Rü nüxna nacua̱xãchi ga guxü̃ma ga yema curü yemaxü̃gü ga ü̃pa cuxü̃́ yexmagüxü̃! ¡Rü nüxna nacua̱xãchi ga yexguma curü uanügüme̱xẽgu cunguxgu nax taxuxü̃ma cuxü̃ rüngü̃xẽẽxü̃! Rü yexguma curü uanügü cuxü̃ daugügu nax guxchaxü̃wa cuyexmaxü̃, rü cuxü̃ nacugüe.

Wiyaegü 49:11

Rü ngẽma diẽruã̱xgüxü̃ rü nügügu nanaxüéga i norü naane ñoma guxü̃gutáma noxrü yixĩxü̃rüxü̃. Natürü ngẽxguma nayu̱xgux rü ngẽma naxma̱xü̃ tá nixĩ i napata ixĩxü̃ i guxü̃gutáma.

Yox 22:18

Natürü nüma ya Cori ya Tupana nixĩ i nüxna naxãxü̃ i guxü̃ma i norü ngẽmaxü̃gü ya napatagü namaxã napagüne. Natürü i choma rü tama ngẽma duü̃xü̃gü i chixexü̃gu maxẽxü̃arü ĩnü choxü̃́ nangẽxma.

Wiyaegü 73:7

Rü norü ngümaxã nanayigüxetü, rü ngẽma norü chixexü̃ i nagu naxĩnüexü̃ rü nangupetüxüchiama.

Ore i mexü̃ ga Matéu ümatüxü̃ 27:63

Rü ñanagürügü nüxü̃: —Pa Corix, nüxna tacua̱xãchie ga yema yatü ga Ngechuchu ga idorata̱xáxü̃ rü yexguma namaxü̃gu rü ñanagürü tomaxã: “Ngẽxguma chayu̱xgu rü tomaepü̱x i ngunexü̃guwena rü wena táxarü ícharüda”, ñanagürü tomaxã.

Ore i mexü̃ ga Luca ümatüxü̃ 16:26

Rü ñu̱xũchi nangẽxma i wüxi i taxüchixü̃ i ãxmaxü̃ i tórü ngãxü̃wa üxü̃. Rü ngẽmaca̱x ega númacüã̱x ngéma ĩxchaü̃gu, rü taxucürüwama ngéma nangugü. Rü woo ngémacüã̱x núma ĩxchaü̃gu rü taxucürüwama núma naxĩ”, ñanagürü.

Wenaxarü naxümatü ga Tupanaarü mugü 28:17

Rü perü pexchi rü tá nangeãcu, rü ngẽma curü mecha i trigu nawa cuñucharaxü̃wa rü tá nataxuma i trigute̱xe naxca̱x i perü paũ.