Ore i mexü̃ ga Luca ümatüxü̃ 16:23 - Tupanaarü Ore

²³ Rü ngẽma nachica ya Tupana ngo̱xogüxü̃ nagu poxcuxü̃wa naxũ ga yema yatü ga noxri diẽruã̱xü̃chixü̃ rü yéma poraãcü ngúxü̃ ninge. Rü daxũ nadau, rü yáxü̃gu Abraáü̃xü̃ nadau nax Lácharomaxã wüxiwa nayexmaxü̃.

Ore i mexü̃ ga Luca ümatüxü̃ 16:23 Referans Kwoze

Norü taxre ga popera ga Pedru ümatüxü̃ 2:4

Rü nüma ya Tupana rü tama nüxü̃́ nüxü̃ narüngüma ga norü chixexü̃gü ga yema orearü ngeruü̃gü ga daxũcüã̱x ga pecadu ügüxü̃. Rü yemaca̱x yima üxü ya taguma ixoxü̃newa nanawogü, rü ínaxẽãnexü̃gu nanapoxcue. Rü cadénamaxã nayana̱i̱xgü nax ngéma nangẽxmagüxü̃ca̱x ñu̱xmatáta nawa nangu i ngẽma ngunexü̃ i nagu Tupana nüxna ca̱xaxü̃ i duü̃xü̃gü.

Ore i mexü̃ ga Luca ümatüxü̃ 16:28

Erü ngéma nangẽxmagü ya wüxime̱e̱xpü̱x ya chauenexẽgü. Rü chanaxwa̱xe nax namaxã nüxü̃ nax yanaxuxü̃ca̱x nax tama nua ñaa poxcuchica i poraãcü choxü̃́ ínangúxü̃wa naxĩxü̃ca̱x”, ñanagürü.

Ore i mexü̃ ga Matéu ümatüxü̃ 23:33

Pa Ãxtapearü Duü̃xü̃güx, pema rü poraãcü pichixe. ¿Ñuxãcü tá naxcha̱xwa pibuxmü ya yimá üxü ya taguma ixoxü̃ne?

Ore i mexü̃ ga Matéu ümatüxü̃ 18:9

Rü ngẽxguma chi cuxetü pecadugu cuxü̃ nguxẽẽgu, rü name nixĩ i ícunacaxüchi, rü yáxü̃gu cunaña. Erü narümemae nixĩ i wüxixetümaxã nax cunayaxuxü̃ i curü maxü̃ i taguma guxü̃ nax tama guxü̃ne ya cuxetümaxã yima üxü ya taguma ixoxü̃newa quita̱xcuchixü̃ca̱x.

Wiyaegü 9:17

Rü ngẽma chixexü̃gu maxẽxü̃, rü guxü̃ma i ngẽma tama Tupanaxü̃ cua̱xgüchaü̃xü̃ rü tá nayue rü naxmaxü̃wa tá naxĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:10

Rü ngẽma ngo̱xo i ngẽma duü̃xü̃güxü̃ womüxẽẽxü̃, rü nawa tá natáe ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü yimá nixĩ ya naxtaxa ga marü nawa nawoxü̃ne ga yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃. Rü yima naxtaxawa tá nixĩ i guxü̃gutáma ngunecü rü chütacü ngúxü̃ yangegüxü̃.

Ore i mexü̃ ga Luca ümatüxü̃ 8:28

Rü yexguma Ngechuchuxü̃ nada̱u̱xgu, rü nape̱xegu nayacaxã́pü̱xü. Rü aita naxüãcüma ñanagürü: —¿Tü̱xcüü̃ nua choxü̃ cuyachixewe, Pa Ngechuchux, Pa Tupana ya Guxü̃étüwa Ngẽxmacü Nanex? Rü cuxü̃ chaca̱a̱xü̃ nax tama ngúxü̃ choxü̃ quingexẽxẽxü̃ —ñanagürü.

Ore i mexü̃ ga Matéu ümatüxü̃ 5:29

Rü ngẽxguma chi yima curü tügünexetü pecadu cuxü̃ üxẽẽgu rü ¡noxtacüma nayaxu rü yáxü̃gu naña! Erü narümemae nixĩ nax yimá cuxetüxicatama iyarütaxuxü̃ rü tama guxü̃ i cuxune nawa ita̱xcuchixü̃ca̱x ya yimá üxü ya taguma ixoxü̃ne.

Ore i mexü̃ ga Matéu ümatüxü̃ 5:22

Natürü choma rü pemaxã nüxü̃ chixu rü texé ya tümaenexẽmaxã nuxẽ, rü tá tapoxcu. Rü texé ya chixexü̃ tümaenexẽmaxã ixugüxe, rü ãẽ̱xgacügüpe̱xewa tá tüxü̃ nagagü nax tüxü̃ napoxcuxü̃ca̱x. Rü texé ya tümaenexẽmaxã naxueguxe nax tayamáxchaü̃xü̃, rü tá tapoxcu nagu ya yimá üxü ya taguma ixoxü̃ne.

Ichaía 14:15

Natürü tama ngẽma cuma nagu curüxĩnüxü̃ãcü cuxü̃́ ínanguxuchi, erü nagu curütáe i ngẽma ãxmaxü̃ i yuexü̃ nagu ta̱xgüxü̃.

Ichaía 14:9

Rü ngẽma yuexü̃ i waixü̃mütüü̃wa ngẽxmagüxü̃ rü nanaxĩ̱xãchiãẽgü cuxca̱x nax ngéma cunguchaü̃xü̃. Rü naãẽgü i ngẽma yuexü̃ rü naba̱i̱xãchie. Rü guxü̃ma i ñoma i naanearü ãẽ̱xgacügü i yuexü̃ rü ínachoxü̃ nax cuxü̃ nayauxgüxü̃ca̱x. Rü guxü̃ma i nachixü̃anegüarü ãẽ̱xgacügü i yuexü̃ rü cuxca̱x inachigü i norü tochicaxü̃wa.

1 Corintios 15:55

Rü dücax, Pa Yux, ¿ngexü̃ i curü pora i namaxã toxü̃ curüyexeraxü̃? ¿Rü ngexü̃ i ngẽma cuxne i namaxã toxü̃ cuda̱i̱xü̃?” ñanagürü i ngẽma Tupanaarü ore.

Ore i mexü̃ ga Matéu ümatüxü̃ 11:23

Rü pemax, Pa Capernáü̃cüã̱x, ¿rü pema nagu perüxĩnüegu rü daxũguxü̃ i naanewa tá pengugüxü̃? Pemaxã nüxü̃ chixu rü naanetüü̃wa i ngextá Tupana Chatanáxü̃ ípoxcuxü̃wa tá nixĩ i pewogüxü̃. Rü yexguma chi Chodómaarü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü guma ĩane ga nũxcüma norü pecadugagu iyarüxoxü̃ne rü ñu̱xma rü chita nangẽxma.

Ore i mexü̃ ga Matéu ümatüxü̃ 8:29

Rü yema taxre rü aita naxüe, rü ñanagürügü: —¿Tü̱xcüü̃ toxü̃ nua cuyachixewe, Pa Ngechuchu ya Tupana Nanex? ¿Ẽ̱xna nua cuxũ nax toxü̃ ícuyawoxü̃xü̃ca̱x tauta nawa nanguyane nax Tupana toxü̃ poxcuexü̃? —ñanagürügü.

Ucu̱xẽgüchiga 15:24

Yimá yatü ya naãẽxü̃ cuácü, rü nama i dauxü̃wa daxü̃gu nixũ, rü ngẽmaãcü nügü ínanguxuchixẽxẽ nüxna i yu.

Ucu̱xẽgüchiga 9:18

Natürü yíxema tüxna naxugüxe rü tama nüxü̃ tacua̱xgü nax yuwa taxĩxü̃.

Ucu̱xẽgüchiga 7:27

Rü ngẽxguma ngẽma nama i napatawa nadaxü̃gu quixũxgu rü yuwa nixĩ i cuxũxü̃.

Ucu̱xẽgüchiga 5:5

Rü ngẽma ngexü̃ i ngĩxü̃nearü ngúchaü̃gu maxü̃xü̃ga cuxĩnüxü̃ rü yuwa cuxü̃ naga, rü ngéma cumaxã nax íyaxũxü̃ rü curü ma̱xwa cuxü̃ naga.

Wiyaegü 86:13

Rü nataxüchi i curü ngechaü̃ i cha̱u̱xca̱x. Rü marü choxna cuyaxũgachixẽxẽ i ngẽma yu nax tama naxmaxü̃gu chixücuchixü̃ca̱x.

Wiyaegü 49:15

Natürü nüma ya Tupana tá nixĩ i yuwa choxü̃ ínanguxuchixẽẽxü̃, rü nügüxü̃tawa tá choxü̃ naga.

Wiyaegü 16:10

Erü cuma rü taxũtáma tauquewa choxü̃ cuta̱x. Rü taxũtáma wüxi i ãxmaxü̃gu nüxü̃ curüngü̃ma ya yima cumücü ixĩcü.

Ore i mexü̃ ga Luca ümatüxü̃ 16:24

Rü yexguma ga yema yatü ga noxri diẽruã̱xü̃chixü̃ rü aita naxü rü ñanagürü: “Pa O̱xi Pa Abraáü̃x, ¡cuxü̃́ changechaü̃tümüxü̃, rü nua namu ya Lácharo nax dexámaxã nügü yawaixpe̱xeme̱xẽãcüma choxü̃ yanawaixpe̱xearü conüã́xü̃ca̱x! Erü poraãcü choxü̃́ nangu̱x i nua üxüwa”, ñanagürü.