Ore i mexü̃ ga Luca ümatüxü̃ 16:19 - Tupanaarü Ore

¹⁹ Nayexma ga wüxi ga yatü ga diẽruã̱xü̃chixü̃ ga guxü̃guma mexẽchixü̃ ga naxchirugu icúxü̃. Rü guxü̃ ga ngunexü̃gu rü taxü̃ma ga õna naxü rü napetaexü̃.

Ore i mexü̃ ga Luca ümatüxü̃ 16:19 Referans Kwoze

Echequié 16:49

Rü ñaa nixĩ ga yema cueya̱x ga Chodómaarü chixexü̃: Rü guma ĩane rü ñu̱xũchi norü ĩanexacügü rü nügü ínarütagü yerü imuarü õnaã̱xgü rü taxuxü̃ma nüxü̃́ nataxu. Natürü taguma tüxü̃ narüngü̃xẽẽgü ga guxema ingearü diẽruã̱xgüxe, rü ñu̱xũchi guxema tüxü̃́ nataxúxe.

Echequié 27:7

Rü ngẽma cuxü̃ ixũxẽẽxü̃ i línutachinü i meama nga̱xãẽxü̃ rü Equítuwaü̃xü̃ nixĩ. Rü ngẽma línutachinü rü curü wonera nixĩ. Rü ngẽma curü tüétüruxü̃ rü naxchiru i daucharaxü̃ rü wẽxracharaxü̃ i Ericháarü capaxũwa ne naxü̃ nixĩ.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:16

Rü ñanagürügü tá: “Nangechaü̃tümüxü̃, nangechaü̃tümüxü̃ ya yima ĩane ya itaxü̃ne. Erü noxri i curü duü̃xü̃gü rü mexẽchixü̃ i naxchiru i dauxracharaxü̃ rü dauxcharaxü̃maxã nixãxchiru, rü úirumaxã rü nga̱xãẽruü̃gü i perlamaxã rü nutaxacügü ya mexẽchicümaxã ninga̱xãẽgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:7

¡Rü ñu̱xma nax ngẽma ĩanecüã̱x nügü yacua̱xüxü̃güxü̃ rü mexẽchixü̃wa nax namaxẽxü̃, rü ngẽxgumarüxü̃ tá ta nixĩ nax ngúxü̃ nüxü̃ pingexẽxẽgüxü̃ rü ngechaü̃ nüxü̃ pingexẽxẽgüxü̃! Erü ngẽma ĩanecüã̱x rü nügüãẽwa ñanagürügü: ‘Yixema rü ñoma wüxi i ngexü̃ i nachixü̃anearü ãẽ̱xgacüma̱xrüxü̃ mexẽchixü̃wa tangexmagü. Rü tagutáma wüxi i yutexü̃rüxü̃ tangechaü̃gü’, ñanagürügü i ngẽma ĩanecüã̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 17:4

Rü yema nge rü wüxi ga naxchiru ga dauxracharaxü̃ rü dauxü̃maxã ixãxchiru. Rü úirumaxã rü nutaxacügü ga imexẽchicümaxã rü perlagümaxã ingã̱xãxẽ. Rü ngĩxme̱xwa ngĩxü̃́ nayexma ga wüxi ga copu ga úirunaxca̱x. Rü yema copu rü namaxã naxããcu ga naguxü̃raü̃xü̃ ga yema Tupanape̱xewa ãũãchixü̃ rü naguxü̃raü̃xü̃ ga chixexü̃gü ga yema nge ga ngĩxü̃nemaxã taxecü üxü̃.

Ore i mexü̃ ga Luca ümatüxü̃ 16:1

Rü ñanagürü ta ga Ngechuchu norü ngúexü̃güxü̃: —Nayexma ga wüxi ga cori ga muarü diẽruã̱xü̃chixü̃. Rü nüxü̃́ nayexma ga wüxi ga norü duü̃xü̃ ga norü yemaxü̃arü dauruxü̃. Natürü togü ga duü̃xü̃gü rü norü corimaxã nüxü̃ nixugü nax yema norü duü̃xü̃ rü chixri norü yemaxü̃na nax nadauxü̃.

Ore i mexü̃ ga Márcu ümatüxü̃ 15:17

Rü ñu̱xũchi ga yema churaragü rü wüxi ga daucharaxü̃ ga naxchiru ga máxü̃gu nayacu̱xẽẽgü. Rü naeruwa nayanga̱xcuchigü ga wüxi ga nga̱xcueruxü̃ ga chuchuxü̃wa naxügüxü̃.

Echequié 16:13

Rü yemaacü, Pa Yerucharéü̃x, rü cunga̱xãxẽ namaxã i úiru rü diẽrumü rü cuxchirugü ga chédanaxca̱x rü línuchi ga meama ixümatüxü̃naxca̱x. Rü yema õna ga cungṍxü̃ rü paũ ga mexü̃ ga triguwa üxü̃, rü ira, rü oribuarü chíxü̃ nixĩ. Rü yemaacü yexera cumexẽchi rü ãẽ̱xgacü naxma̱xwa cungu.

Ester 8:15

Rü yema ngunexü̃ ga nagu naxunagüxü̃ ga yema mu, rü nüma ga Maduquéu rü nagu nicu̱x ga ãẽ̱xgacüchiru ga cómüxü̃ rü yáuxü̃. Rü nügü natüãtü namaxã ga wüxi ga tüãtüruxü̃ ga línuchinaxca̱x ga dauxracharaxü̃. Rü nügüeruwa nayanga̱xcuchi ga wüxi ga nga̱xcueruxü̃ ga úirunaxca̱x. Rü yemaacü ínaxũxü̃ ga ãẽ̱xgacüpatawa. Rü guxü̃ma ga duü̃xü̃gü ga Chúchacüã̱x rü tagaãcü nüxü̃ nicua̱xüü̃gü.

Ãẽ̱xgacügü ga guxchaxü̃güarü mexẽxẽruü̃gü 8:26

Rü guxü̃ma ga ãneragü ga úirugü rü wixgutaa̱x 19 quíru nayá. Rü Yedeóü̃na nanaxãgü ta ga ngã̱xãẽruü̃gü rü naxchirugü ga dauxracharaxü̃ ga Madiáü̃tanüxü̃arü ãẽ̱xgacügü nagu icu̱xgüxü̃, rü ñu̱xũchi yema norü caméyuchagügü.

Ore i mexü̃ ga Luca ümatüxü̃ 15:13

Rü ñuxre ga ngunexü̃guwena rü gumá nane ga rübumaecü rü nananutaque̱xe ga guxü̃ma ga norü yemaxü̃gü rü namaxã nataxe. Rü yema diẽrumaxã to ga nachixü̃anewa naxũ. Rü chixri yéma namaxü̃, rü yemaacü ngĩxü̃ nagu̱xẽxẽ ga guxcüma ga norü diẽru.

Ore i mexü̃ ga Márcu ümatüxü̃ 15:20

Rü yexguma yemaacü nagu yadauxcüraxü̃güguwena, rü ínanacu̱xuchigü ga yema naxchiru ga daucharaxü̃. Rü wenaxarü naxchirugutama nayacu̱xẽẽgü. Rü ñu̱xũchi ínanagaxüchigü nax curuchawa yanapotagüãxü̃ca̱x.

Ucu̱xẽgüchiga 31:22

Ngĩmatama inaxü i düxruü̃gü. Rü mexẽchixü̃ i naxpümaxã ixãxchiru.

Ore i mexü̃ ga Luca ümatüxü̃ 16:18

Ngẽxguma wüxi ya yatü ítáma̱xgu rü nai i ngexü̃maxã naxãxma̱xgu rü Tupanape̱xewa pecadu naxü. Rü texé ya yíxema ngĩmaxã ãmaxe i wüxi i nge i ngĩte ngĩxü̃ íta̱xcü, rü Tupanape̱xewa pecadu taxü.

Ore i mexü̃ ga Luca ümatüxü̃ 16:20

Rü nayexma ta ga wüxi ga yatü ga ngearü diẽruã́cü ga rüxo̱xo̱xnecü ga Lácharogu ãégacü. Rü guxü̃guma yema diẽruã̱xü̃chixü̃pataa̱xwa nayarütooxü̃.

Ucu̱xẽgüchiga 14:24

Yimá nüxü̃ cuácüarü nga̱xcueruxü̃ nixĩ i norü cua̱x, natürü ngẽma tama naãẽxü̃ cuáxü̃arü nga̱xcueruxü̃ nixĩ nax naechitamare namaxü̃xü̃.

Ichaía 3:23

rü woruagü, rü naxpü i mexẽchixü̃, rü naxchiruchara i tüeruruxü̃, rü tüeruruxü̃ i mámüxü̃. Rü guxü̃ma i ngẽma rü tá inayarüxo.