Ore i mexü̃ ga Luca ümatüxü̃ 16:17 - Tupanaarü Ore

¹⁷ Natürü ngẽma Tupanaarü mugü rü taxucürüwama texé itayanaxoxẽxẽ rü bai i wüxi i íxraxü̃. Rü narütauxchamae nixĩ nax iyanaxoxü̃ i daxũguxü̃ i naane rü ñoma i naane.

Ore i mexü̃ ga Luca ümatüxü̃ 16:17 Referans Kwoze

Ore i mexü̃ ga Matéu ümatüxü̃ 5:18

Rü aixcüma pemaxã nüxü̃ chixu, rü ñu̱xma nax nangẽxmagüxü̃ i daxũguxü̃ i naane rü ñoma i naane rü bai i írarüwa tá naxüchicüxü i ngẽma mugü ñu̱xmatáta yangu i guxü̃ma i ngẽma mugü nüxü̃ ixuxü̃.

Ore i mexü̃ ga Luca ümatüxü̃ 21:33

Dauxü̃guxü̃ i naane rü ñoma i naane rü tá nagu̱x. Natürü chorü ore rü tagutáma inayarüxo.

Nüxíraxü̃xü̃ ga popera ga Pedru ümatüxü̃ 1:25

Natürü tórü Coriarü ore rü taguma inayarüxo”, ñanagürü i Tupanaarü orewa. Rü ngẽma Tupanaarü ore nixĩ ga pemaxã nüxü̃ yaxugüxü̃.

Ichaía 40:8

Rü ngẽma natüane rü nipá rü ngẽma putürachacu rü narüñe̱xẽxẽ. Natürü Tupanaarü ore rü guxü̃gutáma nangẽxmaecha —ñanagürü.

Romanos 3:31

Rü ñu̱xma nax Cristuaxü̃́ yaxõgüxü̃, rü bexmana nagu perüxĩnüe nax taxuwama namexü̃ i ngẽma mugü ga Moiché ümatüxü̃. Natürü tama ngẽmaãcü nixĩ. Erü ñu̱xma nax Cristuaxü̃́ yaxõgüxü̃ rü aixcüma tayanguxẽxẽ i ngẽma mugü.

Ichaía 51:6

¡Rü dücax, rü dauxü̃gu perüdaunü rü ñoma i naanegu perüdaunü! Erü guxü̃ma i ngẽma dauxü̃wa nüxü̃ pedauxü̃ rü ñoma caxixü̃rüxü̃ tá inarütaxu rü ñoma i naane rü wüxi i naxchiru i ngauxü̃rüxü̃ tá nagu̱x. Rü ngẽma duü̃xü̃gü i nawa maxẽxü̃ rü ñoma murenü yuexü̃rüxü̃ tá nayue. Natürü ngẽma maxü̃ i chorü duü̃xü̃güna chaxãxü̃ rü taguma nagu̱x. Rü ngẽma chorü ngü̃xẽxẽ rü guxü̃gutáma nangẽxmaecha.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:4

Rü nüma tá ínanapi i naxgüü̃xẽtü i guxü̃ma i ngẽma duü̃xü̃gü. Rü marü taxũtáma texé tayu, rü taxũtáma texé tümaarü ngechaü̃maxã taxaxu, rü taxũtáma texé ngúxü̃ tingegü. Erü guxü̃ma ga yema noxri yexmaxü̃ rü marü inayarüxo”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:1

Rü yemawena nüxü̃ chadau nax nayexwaca̱xü̃xü̃ ga ñoma ga naane rü nayexwaca̱xü̃xü̃ ga guxü̃ma ga ta̱xacü ga daxũwa yexmagüxü̃. Yerü yema nüxíra yexmagüxü̃ rü marü nangupetü, rü yema már rü marü nataxuma.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:11

Rü ñu̱xũchi nüxü̃ chadau ga wüxi ga taxü̃ ga tochicaxü̃ ga cómüxü̃, rü nüxü̃ chadau ga gumá nawa rütocü. Rü gumácha̱xwa nibuxmü ga ñoma ga naane rü guxü̃ma ga daxũwa nüxü̃ idauxü̃, rü inayarütauxe.

Norü taxre ga popera ga Pedru ümatüxü̃ 3:10

Natürü ngẽma ngunexü̃ i tórü Cori nagu ínguxü̃, rü ngürüãchimare tá ínangu ñoma wüxi i ngĩ́ta̱xaxü̃ ínguxü̃rüxü̃. Rü ñu̱xũchi guxü̃ma i ta̱xacü i daxũguxü̃ i naanewa ngẽxmagüxü̃ rü tá tagaãcü niwã̱ĩ̱xgü rü ngẽmaãcü tá üxüwa inayarütauxe. Rü yimá üa̱xcü rü tauemacü rü ẽxtagü rü woramacurigü rü tá nixae rü ngẽxma tá nayarüxogü. Rü ngẽxgumarüxü̃ ta i ñoma i naane rü tá nixa namaxã i guxü̃ma i ta̱xacü i nawa ngẽxmagüxü̃.