Ore i mexü̃ ga Luca ümatüxü̃ 16:16 - Tupanaarü Ore

¹⁶ Rü yexguma ga Ngechuchu rü ñanagürü: —Tupana duü̃xü̃güna nanaxã ga norü mugü ga Moiché namaxã ngúexẽxẽtaexü̃, rü ñu̱xũchi norü orearü uruü̃güarü mugü nax nagu naxĩxü̃ca̱x ga duü̃xü̃gü ñu̱xmata ínangu ga Cuáü̃ ga baiü̃ẽẽruxü̃. Rü yemawena nixĩ ga naxunagüxü̃ i ore i taãẽxẽẽruxü̃ nax nüma ya Tupana rü ãẽ̱xgacü yixĩxü̃. Rü ñu̱xma rü guxü̃ma i duü̃xü̃gü rü poraãcü nügü naporaexẽxẽ nax yachocuxü̃ca̱x i nüma ínangexmaxü̃wa.

Ore i mexü̃ ga Luca ümatüxü̃ 16:16 Referans Kwoze

Ore i mexü̃ ga Matéu ümatüxü̃ 21:32

Yerü Cuáü̃ ga báiü̃xẽẽruxü̃ rü núma naxũ nax pemaxã nüxü̃ yaxuxü̃ca̱x nax ñuxãcü tá pemaxẽxü̃, natürü ga pema rü tama nüxü̃́ peyaxõgü. Natürü ga yema yatügü ga Rómaarü ãẽ̱xgacüca̱x diẽru ngĩxü̃ dexü̃ rü yema ngexü̃gü ga naxü̃nemaxã taxexgüxü̃ rü Cuáü̃axü̃́ nayaxõgü. Natürü ga pema rü woo nüxü̃ nax pedaugüxü̃ nax yaxõgüãxü̃, rü tama nüxü̃ perüxoechaü̃ i pecüma i chixexü̃ nax peyaxõgüxü̃ca̱x —ñanagürü.

Ore i mexü̃ ga Cuáü̃ ümatüxü̃ 1:45

Rü Ferípe rü Natanaéca̱x nayadau, rü ñanagürü nüxü̃: —Marü nüxü̃ itayangau ya yimá Cristu ga Moiché nachiga naxümatücü ga mugüarü poperawa, rü nũxcümaü̃güxü̃ ga Tupanaarü Orearü uruü̃gü ta nachiga naxümatügücü. Yimá nixĩ ya Yúche nane ya Ngechuchu ya Nacharétucüã̱x —ñanagürü.

Ore i mexü̃ ga Luca ümatüxü̃ 16:31

Natürü Abraáü̃, rü ñanagürü nüxü̃: “Ngẽxguma tama naga naxĩnüegu ga yema ore ga Moiché ümatüxü̃ rü yema ore ga nũxcümaü̃güxü̃ ga Tupanaarü orearü uruü̃gü ümatüxü̃, rü woo chi wüxi i marü yuwa írüdaxü̃ i duü̃xü̃ ngéma ũxgu, rü namaxã nüxü̃ yanaxuxgu i ore, rü taxũchima nüxü̃́ nayaxõgü” —ñanagürü.

Ore i mexü̃ ga Matéu ümatüxü̃ 3:2

Rü duü̃xü̃gümaxã nüxü̃ nixu rü ñanagürü: —¡Nüxü̃ perüxoe i pecüma i chixexü̃! Erü Tupana ya dauxü̃wa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Ngechuchuarü ngúexü̃gü ga yamugüxü̃arü puracüchiga 3:18

Natürü ga Tupana rü yemaacü nayanguxẽxẽ ga yema uneta ga nũxcüma nümatama nüxü̃ yaxuxü̃ nawa ga guxü̃ma ga norü orearü uruü̃gü. Yerü yema norü ore ga ümatüxü̃wa rü ñanagürü: “Cristu rü tá ngúxü̃ ninge”, ñanagürü.

Ore i mexü̃ ga Luca ümatüxü̃ 16:29

Natürü ga Abraáü̃ rü ñanagürü nüxü̃: “Cuenexẽgü nüxü̃́ nangẽxma i Tupanaarü mugü ga Moiché ümatüxü̃ rü yema ore ga nũxcümaü̃güxü̃ ga Tupanaarü orearü uruü̃gü ümatüxü̃. Rü name nixĩ i ngẽma orega nax naxĩnüexü̃”, ñanagürü.

Ore i mexü̃ ga Luca ümatüxü̃ 10:11

“Rü woo ñaa perü ĩanearü üxaxü̃ i tocutüwa yaxũxü̃, rü itanapagü, nax ngẽmawa nüxü̃ pecuáxü̃ca̱x nax Tupana rü tama pemaxã nataãẽxü̃. ¡Natürü tama nüxü̃ ipeyarüngümae nax marü pexna nangaicamachiréxü̃ ya Tupana nax perü ãẽ̱xgacü yixĩxü̃”, ñaperügügü tá nüxü̃ i ngẽma ĩanecüã̱x!

Ore i mexü̃ ga Luca ümatüxü̃ 10:9

¡Rü penameexẽxẽ i ngẽma ida̱xaweexü̃ ya yima ĩanewa ngẽxmagüxü̃! ¡Rü namaxã nüxü̃ pixu rü ñapegügü nüxü̃: “Tupana ya Ãẽ̱xgacü ixĩcü rü marü pexna nangaicama”, ñapegügü nüxü̃!

Ore i mexü̃ ga Matéu ümatüxü̃ 4:17

Rü yexguma nixĩ ga inaxügüãxü̃ ga Ngechuchu nax nüxü̃ yaxuxü̃ ga ore ga ñaxü̃: —¡Nüxü̃ perüxoe i pecüma i chixexü̃! Erü Tupana ya daxũwa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Ore i mexü̃ ga Luca ümatüxü̃ 9:2

Rü nayamugü nax duü̃xü̃gümaxã nüxü̃ yaxugüexü̃ca̱x ga ore ga mexü̃ nax ñuxãcü ãẽ̱xgacü yixĩxü̃ ya Tupana, rü nax nameexẽẽãxü̃ca̱x ga duü̃xü̃gü ga ida̱xaweexü̃.

Ore i mexü̃ ga Márcu ümatüxü̃ 1:14

Rü nawena nax Cuáü̃xü̃ napoxcugüxü̃, rü Gariréaanewa naxũ ga Ngechuchu nax yéma nüxü̃ yanaxuxü̃ca̱x ga Tupanaarü ore i mexü̃.

Ore i mexü̃ ga Matéu ümatüxü̃ 10:7

¡Rü ngéma natanüwa nüxü̃ peyarüxu nax marü yangaicaxü̃ nax norü ãẽ̱xgacü yixĩxü̃ ya Tupana ya daxũwa ãẽ̱xgacü ixĩcü!

Ore i mexü̃ ga Cuáü̃ ümatüxü̃ 12:19

Natürü ga yema Parichéugü rü nügümaxã ñanagürügü: —Marü nüxü̃ pedauxü̃ i ñu̱xma nax taxucürüwama ta̱xacü namaxã ixüxü̃. ¡Rü dücax, guxü̃ma i duü̃xü̃gü rü nawe narüxĩ! —ñanagürügü.

Ore i mexü̃ ga Cuáü̃ ümatüxü̃ 11:48

Ngẽxguma chi tama yayauxgügu, rü guxü̃táma i duü̃xü̃gü rü tá nüxü̃́ nayaxõgü, rü Rómacüã̱xgüarü churaragü rü núma chi naxĩ rü nagu napogüe ya tórü Tupanapata ya taxü̃ne, rü nayanaxoxẽxẽ i tachiü̃ane —ñanagürügü.

Ore i mexü̃ ga Márcu ümatüxü̃ 1:45

Natürü nüma ga gumá yatü rü ínixũ rü inanaxügü nax guxãmaama nüxü̃ yaxuxü̃ ga yema nüxü̃ ngupetüxü̃. Rü yemaca̱x ga Ngechuchu rü marü taxucürüwa ngóxü̃wama duü̃xü̃güpe̱xewa ĩanegügu naxücu. Natürü chianexü̃gu i duü̃xü̃gü ítaxuxü̃gu narüxã̱ũ̱x. Rü woo chianexü̃gu nax naxã́ũxü̃ natürü yéma naxca̱x naxĩĩxü̃ãma ga duü̃xü̃gü ga guxü̃anewa ne ĩxü̃.

Ore i mexü̃ ga Matéu ümatüxü̃ 4:23

Rü guxü̃ ga Gariréaanegu nixũgüchigü ga Ngechuchu. Rü wüxichigü ga ĩanewa, rü duü̃xü̃güarü ngutaque̱xepataü̃wa ningu̱xẽẽtaechigü. Rü duü̃xü̃gümaxã nüxü̃ nixuchigü ga ore ga mexü̃ nax ãẽ̱xgacü yixĩxü̃ ya Tupana. Rü yema duü̃xü̃gü ga ida̱xaweexü̃ rü nanameexẽxẽ nawa ga guxü̃ma ga norü da̱xawegü rü norü ngu̱xunegü.

Ore i mexü̃ ga Matéu ümatüxü̃ 15:11

Ngẽma õna i duü̃xü̃gü ngṍxü̃ rü tama ngẽma nixĩ i napecaduã̱xẽẽgüxü̃. Natürü ngẽma ore i chixexü̃ i nüxü̃ yaxugüxü̃, rü ngẽmawaxi nixĩ i napecaduã̱xü̃ —ñanagürü.

Ore i mexü̃ ga Cuáü̃ ümatüxü̃ 5:4

Yerü ñuxguacü rü gumá puchugu ínarüxĩĩxü̃ ga wüxi ga daxũcüã̱x ga Tupanaarü orearü ngeruxü̃, rü nayaxĩã̱xchíücüüxẽẽxü̃. Rü guxema tüxíra tügü yéma táexe nachiü̃wa ga gumá puchu ga yexguma yaxĩã̱xchíücüügu, rü tümaca̱x nitaane woo ga ngexü̃rüüxü̃mare ga da̱xawe tüxü̃́ yexmaxẽ.