Ore i mexü̃ ga Luca ümatüxü̃ 16:1 - Tupanaarü Ore

¹ Rü ñanagürü ta ga Ngechuchu norü ngúexü̃güxü̃: —Nayexma ga wüxi ga cori ga muarü diẽruã̱xü̃chixü̃. Rü nüxü̃́ nayexma ga wüxi ga norü duü̃xü̃ ga norü yemaxü̃arü dauruxü̃. Natürü togü ga duü̃xü̃gü rü norü corimaxã nüxü̃ nixugü nax yema norü duü̃xü̃ rü chixri norü yemaxü̃na nax nadauxü̃.

Ore i mexü̃ ga Luca ümatüxü̃ 16:1 Referans Kwoze

Nüxíraxü̃xü̃ ga popera ga Pedru ümatüxü̃ 4:10

Rü wüxichigü i pemax, rü Tupana pexna nanaxã i perü cua̱x. Rü ngẽma cua̱x ya Tupana pexna ãxü̃maxã rü name nixĩ i wüxichigü pegü perüngü̃xẽẽgü.

Ore i mexü̃ ga Luca ümatüxü̃ 12:42

Rü ñanagürü ga Cori ga Ngechuchu: —¿Rü texé tixĩxü̃ ya yíxema tümaarü coriarü duü̃xẽ ya mea yanguxexẽ́xẽ i tümaarü puracü rü mea tümaãẽxü̃ cuáxe rü tümaarü cori tüxna ãgaxe nax mea nüxna tadauxü̃ca̱x i norü duü̃xü̃gü rü mea oragu tanachibüexẽẽxü̃ca̱x?

Popera ga Chantiágu ümatüxü̃ 4:3

Rü ngẽxguma naxca̱x ípecaxgu, rü tama penayaxu, erü naxca̱x ípeca i ngẽma tama Tupana pexü̃́ naxwa̱xexü̃. Rü ngẽma pematama penaxwa̱xexü̃ nixĩ i naxca̱x ípecaxü̃ nax namaxã pegütama petaãẽxẽẽmarexü̃ca̱x.

Popera ga Títoca̱x naxümatüxü̃ ga Pauru 1:7

Erü yíxema yaxõgüxü̃arü ãẽ̱xgacü ixĩxẽ, rü Tupanaarü puracümaxã nixĩ i tacuáxü̃. Rü ngẽmaca̱x tanaxwa̱xe i aixcüma mea tamaxü̃. Rü tama name i wüxi i yatü i chixecümaxü̃ tixĩ rü chixexü̃gu rüxĩnüxü̃ tixĩ. Rü tama name nax tangãxü̃xü̃, rü nuca̱x tadauxü̃, rü duü̃xü̃güxü̃ tawomüxẽẽxü̃ norü diẽruca̱x.

Ore i mexü̃ ga Luca ümatüxü̃ 15:30

Natürü ñu̱xma nax ínanguxü̃ i ngẽma cune i chixri curü diẽru ngĩxü̃ gu̱xẽẽxü̃ nagu i ngexü̃gü i naxü̃nemaxã taxexü̃, rü naxca̱x cuyama̱x i ngẽma wocaxacü i rüngü̃maexü̃”, ñanagürü.

Ore i mexü̃ ga Luca ümatüxü̃ 15:13

Rü ñuxre ga ngunexü̃guwena rü gumá nane ga rübumaecü rü nananutaque̱xe ga guxü̃ma ga norü yemaxü̃gü rü namaxã nataxe. Rü yema diẽrumaxã to ga nachixü̃anewa naxũ. Rü chixri yéma namaxü̃, rü yemaacü ngĩxü̃ nagu̱xẽxẽ ga guxcüma ga norü diẽru.

Ore i mexü̃ ga Luca ümatüxü̃ 19:20

Rü yéma nangu ga to ga norü duü̃xü̃ rü ñanagürü nüxü̃: “Pa Corix, ñaa iyixĩ i curü diẽru. Rü wüxi ya dechugu ngĩxü̃ chanuque, rü ngẽmaãcü ngĩmaxã changuxü̃.

Ucu̱xẽgüchiga 18:9

Rü ngẽma duü̃xü̃gü i oexü̃ rü ngẽma duü̃xü̃gü i chixexü̃ ügüxü̃ rü nügüenexẽ nügü nixĩgüxẽxẽ.

Ore i mexü̃ ga Luca ümatüxü̃ 16:19

Nayexma ga wüxi ga yatü ga diẽruã̱xü̃chixü̃ ga guxü̃guma mexẽchixü̃ ga naxchirugu icúxü̃. Rü guxü̃ ga ngunexü̃gu rü taxü̃ma ga õna naxü rü napetaexü̃.

Ore i mexü̃ ga Luca ümatüxü̃ 8:3

Rü yéma iyexma ta ga Cuána ga Cúchu naxma̱x. Rü Cúchu nixĩ ga ãẽ̱xgacü ga Eródearü ngü̃xẽẽruxü̃. Rü yéma iyexmagü ta ga Chuchána rü mucüma ga náigü ga ngecügü ga ngĩrü diẽrumaxã Ngechuchuxü̃ rüngü̃xẽẽgücü.

Ochéa 2:8

Natürü nümagü i ngẽma Iraétanüxü̃ rü ngẽma ngeruxü̃ nixĩgü nax tama nüxü̃ nacua̱xgüégaxü̃ nax choma yixĩxü̃ ga nüxna chanaxãxü̃ i trigu rü bínu rü chíxü̃ rü diẽru rü úiru. Natürü nümagü rü yema diẽrumaxã rü úirumaxã nanaxügü ga norü tupananetagü ga Baáchicüna̱xãgü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 28:1

Rü nüma ga Dabí rü Yerucharéü̃gu nanangutaque̱xexẽxẽ ga guxü̃ma ga Iraéanearü ãẽ̱xgacügü. Rü yematanüwa nayexma ga norü ãẽ̱xgacügü ga yema 12 ga Iraétücumügümaxã icua̱xgüxü̃, rü ãẽ̱xgacügü ga Dabíarü churaragümaxã icua̱xgüxü̃, rü yema churaragüarü comaü̃dáü̃tegü rü capitáü̃gü, rü yema ãẽ̱xgacügü ga Dabíarü rü nanegüarü naanegümaxã rü naxü̃nagümaxã icua̱xgüxü̃, rü guxü̃ma ga yema togü ga ãẽ̱xgacügü ga itaxégatanücüüxü̃ ga Iraéanewa, rü guxü̃ma ga yema churaragü ga tama muü̃wa̱xegüxü̃.

Naanearü ügüchiga 43:19

Rü yexguma gumá Yúchepataarü ĩã̱xwa nangugügu, rü yema yatü ga napatamaxã icuáxü̃maxã nidexagü, rü ñanagürügü nüxü̃:

Naanearü ügüchiga 15:2

Natürü ga Abráü̃ rü Cori ya Tupanaxü̃ nangãxü̃ rü ñanagürü nüxü̃: —¿Ta̱xacüwa choxü̃́ name i ngẽma ngü̃xẽxẽ i chomaxã nüxü̃ quixuxü̃? Erü meama nüxü̃ cucua̱x nax nataxuxü̃ma ya chaune. Rü ngẽmaca̱x i ngẽma tá chowena nayaxuxü̃ i chorü ngẽmaxü̃gü rü yimá chorü ngü̃xẽẽruxü̃ ya Eriéche ya Damácucüã̱x tá nixĩ —ñanagürü.

Ore i mexü̃ ga Matéu ümatüxü̃ 20:8

Rü yexguma marü nachütagu rü yema úbanecüarü yora, rü naxca̱x naca ga norü puracütanüxü̃arü dauruxü̃, rü ñanagürü nüxü̃: “¡Naxca̱x naca i ngẽma puracütanüxü̃. Rü nüxíra nüxü̃́ naxütanü i ngẽma wixwena ngéma ĩxü̃, rü nawa tá icuyacua̱xẽxẽ i ngẽma nüxíra ngéma puracüexü̃!” ñanagürü.

Ore i mexü̃ ga Luca ümatüxü̃ 16:2

Rü yexguma ga yema cori rü yema norü duü̃xü̃ca̱x naca, rü ñanagürü nüxü̃: “Dücax, cuchigaxü̃ chomaxã nixugügü i duü̃xü̃gü. ¿Rü ta̱xacü nixĩ i ngẽma? ¡Rü chomaxã nüxü̃ ixu rü ñuxãcü nixĩ i curü puracü, erü marü taxũtáma chorü ngẽmaxü̃arü dauruü̃xü̃ cuxü̃ chixĩxẽxẽ!” ñanagürü nüxü̃.