Ore i mexü̃ ga Luca ümatüxü̃ 15:9 - Tupanaarü Ore

⁹ Rü ngẽxguma ngĩxü̃ iyangauxgu, rü inangutaque̱xexẽxẽ i ngĩmücügü i ngexü̃gü rü ngĩtanüxü̃ i ngĩrü ngaicamagu pegüxü̃, rü nüxü̃ ngĩgürügü: “¡Wüxigu chomaxã petaãxẽgü, Pa Chomücügüx! Erü marü ngĩxü̃ ichayangau i ngẽma chorü diẽru ga iyarütaxu̱xcü”, ngĩgürügü.

Ore i mexü̃ ga Luca ümatüxü̃ 15:9 Referans Kwoze

Ore i mexü̃ ga Luca ümatüxü̃ 1:58

Rü yexguma nüxü̃ nacua̱xgügu nax Tupana ngĩmaxã mecümaxü̃, rü ngĩrü ngaicamagu pegüxü̃ ga duü̃xü̃gü rü ngĩtanüxü̃ rü ngĩxü̃ ínayadaugü, rü ngĩxü̃ narümoxẽgü rü ngĩxü̃ nayataãẽgüxẽxẽ.

Ore i mexü̃ ga Luca ümatüxü̃ 15:8

Rü ngẽxguma chi wüxi i ngecüaxü̃́ nangẽxmagu i 10 tachinü i diẽru i tatanüxü̃, rü wüxi ngĩxü̃́ iyarütaxu̱xgu, ¿rü taux ẽ̱xna i omüwa nangĩxichiãxü̃ rü nabixichiãxü̃ ya ngĩpata, rü meama ngĩxca̱x nadauxü̃ ñu̱xmata ngĩxü̃ iyangau?

Ore i mexü̃ ga Luca ümatüxü̃ 15:10

Rü pemaxã nüxü̃ chixu rü ngẽxgumarüxü̃ ta nataãẽgü i daxũcüã̱x i Tupanaarü orearü ngeruü̃gü i ngẽxguma wüxi i duü̃xü̃ i pecaduã́xü̃ nüxü̃ rüxoxgu i nacüma i chixexü̃ rü Tupanaaxü̃́ yaxõõgu —ñanagürü ga Ngechuchu.