Ore i mexü̃ ga Luca ümatüxü̃ 15:32 - Tupanaarü Ore

³² Natürü ñu̱xma rü name nixĩ nax ipetaãxẽgüxü̃ rü itaãẽgüxü̃ erü cuenexẽ ga gumá cha̱u̱xca̱x rü marü yucü, rü maxü̃cü taxca̱x ínangu. Rü woo tüxna inayarütaxu, rü wenaxarü taxca̱x nango̱x” —ñatarügü.

Ore i mexü̃ ga Luca ümatüxü̃ 15:32 Referans Kwoze

Ore i mexü̃ ga Luca ümatüxü̃ 15:24

Erü daa chaune rü cha̱u̱xca̱x rü marü nayu, natürü maxü̃cü cha̱u̱xca̱x ínangu. Rü marü inayarütauxchire̱x, rü wenaxarü nango̱x”, ñanagürü. Rü yexguma inanaxügüe nax napetaegüxü̃.

Wiyaegü 51:8

Rü chanaxwa̱xe nax wena choxü̃ cutaãẽxẽẽxü̃. ¡Rü choxna naxã i taãxẽ ñu̱xmata yima chauxchina̱xãgü i cuma quibuyegünewa nangu!

Romanos 3:4

Rü tama ngẽmaãcü nixĩ. Erü woo guxü̃ i duü̃xü̃gü rü yadorata̱a̱xgügu, natürü Tupana rü taguma nidora rü guxü̃guma nayanguxẽxẽ i ngẽma nüma tamaxã inaxunetaxü̃. Rü yemaca̱x norü ore ga Dabí ümatüxü̃wa rü ñanagürü: “Cumax, Pa Tupanax, rü aixcüma nixĩ i curü ore i nüxü̃ quixuxü̃. Rü ngẽxguma cuxü̃ tangugügu rü nüxü̃ tadaugü nax aixcüma cuyanguxẽẽxü̃ i ngẽma nüxü̃ quixuxü̃”, ñanagürü.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Ore i mexü̃ ga Luca ümatüxü̃ 7:34

Rü ñu̱xũchi núma naxũ ya Tupana Nane nax duü̃xü̃xü̃ ixĩcü, rü õna nangõ̱x rü bínu nayaxaxü. Rü ngẽxguma i pema rü ñaperügügü nüxü̃: “Nataanüxü̃chi rü nangãxwa̱xe, rü pecaduã̱xgüxü̃ i duü̃xü̃gümaxã naxãmücü, rü yatügü i Rómaarü ãẽ̱xgacüca̱x diẽru ngĩxü̃ ideetanüxü̃maxã naxãmücü”, ñaperügügü nüxü̃.

Ore i mexü̃ ga Luca ümatüxü̃ 15:31

Rü yexguma ga nanatü rü ñatarügü nüxü̃: “Pa Chaunex, cuma rü guxü̃guma chauxü̃tawa cungexma, rü guxü̃ma i chorü ngẽmaxü̃gü rü cuxrü nixĩ.

Romanos 11:15

Nüxü̃ tacua̱x rü ngẽma Yudíugü rü tama Cristuaxü̃́ nayaxõgüchaü̃ i ñu̱xmax. Rü ngẽmaca̱x ya Tupana rü nanade i ngẽma tama Yudíugü ixĩgüxü̃. ¿Natürü ñuxãcü tá nixĩ i ngẽxguma Tupana wena nadexgu i ngẽma Yudíugü? Rü wüxi i mexẽchixü̃ tá nixĩ, erü ñoma wüxi i duü̃xü̃ i yuxü̃ rü wenaxarü maxü̃xü̃rüxü̃ tá nixĩgü.

Ore i mexü̃ ga Matéu ümatüxü̃ 18:11

Rü Tupana Nane ya duü̃xü̃xü̃ ixĩcü rü núma naxũ nax naétüwa nachogüxü̃ca̱x i ngẽma iyarütauxexü̃.