Ore i mexü̃ ga Luca ümatüxü̃ 15:27 - Tupanaarü Ore

²⁷ Rü yema nanatüarü duü̃xü̃ rü nanangãxü̃, rü ñanagürü: “Cuenexẽ rü marü ínangu. Rü ngẽmaca̱x cunatü toxü̃ tamu nax tayamáxü̃ca̱x i ngẽma wocaxacü i rüngü̃maexü̃, erü cuenexẽ rü mecü ínangu rü tama nida̱xawe”, ñanagürü nüxü̃.

Ore i mexü̃ ga Luca ümatüxü̃ 15:27 Referans Kwoze

Popera ga Filemúü̃ca̱x naxümatüxü̃ ga Pauru 1:16

Natürü i ñu̱xma rü tama ngexü̃rüüxü̃mare i curü mugüruü̃mare nixĩ, erü wüxi i curü mugüruü̃arü yexera nixĩ i ñu̱xmax, erü taenexẽ i nüxü̃ ingechaü̃xü̃ nixĩ. Rü aixcüma poraãcü nüxü̃ changechaü̃ i chomax, natürü chanaxwae i cuma rü yexeraãcü nüxü̃ cungechaü̃. Erü ñu̱xma rü tama wüxi i curü mugüruü̃mare nixĩ, natürü wüxi i cuenexẽ i tórü Coriaxü̃́ yaxõxü̃ nixĩ i ñu̱xmax.

Ngechuchuarü ngúexü̃gü ga yamugüxü̃arü puracüchiga 22:13

Rü nüma ga Ananía rü choxü̃ ínayadau. Rü yexguma chauxü̃tawa nanguxgu rü ñanagürü choxü̃: “Pa Chauenexẽ, Pa Chaurux, ¡wenaxarü ingo̱xnaxẽtü!” ñanagürü. Rü yexgumatama wenaxarü chingo̱xnaxetü rü meama nüxü̃ chadau.

Ngechuchuarü ngúexü̃gü ga yamugüxü̃arü puracüchiga 9:17

Rü gumá ĩpata ga Chauru nawa yexmanewa naxũ ga Ananía. Rü nagu naxücu, rü Chauruétügu naxǘxme̱x, rü ñanagürü nüxü̃: —Pa Chauenexẽ, Pa Chaurux, nüma ya Cori ya Ngechuchu ga gumá namawa cuxca̱x ngócü ga yexguma núma cuxũxgu, rü núma choxü̃ namu nax wenaxarü quidauuchixü̃ca̱x, rü cuxna nanguxü̃ca̱x i Naãxẽ ya Üünecü —ñanagürü.

Ore i mexü̃ ga Luca ümatüxü̃ 15:30

Natürü ñu̱xma nax ínanguxü̃ i ngẽma cune i chixri curü diẽru ngĩxü̃ gu̱xẽẽxü̃ nagu i ngexü̃gü i naxü̃nemaxã taxexü̃, rü naxca̱x cuyama̱x i ngẽma wocaxacü i rüngü̃maexü̃”, ñanagürü.

1 Chamué 28:24

Rü yexgumayane ga ngĩma ga yema nge rü iyama̱x ga wüxi ga wocaxacü ga ingüxü̃ ga ngĩchiü̃wa yexmaxü̃. Rü iyañumü ga trigute̱xe, rü paũ ga ngearü pu̱xẽẽruü̃ã́xü̃ ixü.

Ore i mexü̃ ga Matéu ümatüxü̃ 22:4

Rü nüma ga ãẽ̱xgacü rü wenaxarü togü ga norü duü̃xü̃güxü̃ yéma namugü. Rü ñanagürü nüxü̃: “¡Ngéma pexĩ naxü̃tawa i ngẽma duü̃xü̃gü i nüxna chaxuchiréxü̃, rü namaxã nüxü̃ peyarüxu rü marü íname i chorü õna i taxü̃. Rü marü chanadai i chorü wocagü i ingüexü̃ rü guxü̃ma marü ínamemare. Rü chanaxwa̱xe i paxa nua naxĩ naxca̱x i ñaa chorü peta!” ñanagürü.

Ore i mexü̃ ga Luca ümatüxü̃ 15:26

Rü wüxi ga nanatüarü duü̃xü̃ca̱x naca, rü nüxna naca nax ta̱xacü ínaxüexü̃ ga ĩwa.

Ore i mexü̃ ga Luca ümatüxü̃ 15:28

Natürü ga gumá naenexẽ ga rüyamaẽcü rü nanu, rü tama ĩgu naxücuchaü̃. Rü yemaca̱x düxwa ga nanatü rü naxca̱x ítaxũxũ, rü nüxü̃ tayaca̱xaxü̃ nax yaxücuxü̃ca̱x.