Ore i mexü̃ ga Luca ümatüxü̃ 15:23 - Tupanaarü Ore

²³ ¡Rü peyayaxu̱x i ngẽma wocaxacü i rüngü̃maexü̃, rü peyamá, rü ngĩxã namaxã tachibüe rü tapetae!

Ore i mexü̃ ga Luca ümatüxü̃ 15:23 Referans Kwoze

Ichaía 25:6

Rü nüma ya Cori ya Tupana rü ma̱xpǘne ya Chióü̃wa tá guxü̃ma i duü̃xü̃gü i ñoma i naanewa maxẽxü̃ca̱x nanaxü i wüxi i õna i taxü̃. Rü ngẽma õna rü maixcuraxü̃ i chi̱xichixü̃ rü bínu ya marü ñuxgumama ixügücü rü namachi i chíxü̃ rü bínu ya rümemaegücümaxã naxca̱x nanamexẽxẽ.

Wiyaegü 63:5

Rü choma rü cumaxã tá chataãẽxü̃chi ñoma wüxi i duü̃xü̃ i õna i taxü̃maxã taãẽxü̃rüxü̃. Rü taãẽãcü cha̱u̱a̱xmaxã tá cuxü̃ chicua̱xüxü̃.

Ucu̱xẽgüchiga 9:2

Nanadai ga wocagü nax naxüaxü̃ca̱x ga taxü̃ ga õna, rü nanaxü ga wüxi ga bínu ga mexẽchicü, rü nanamexẽxẽ ga norü mecha nax yemaétüwa inaxǘaxü̃ca̱x ga norü õna.

Naanearü ügüchiga 18:7

Rü ñu̱xũchi ga Abraáü̃ rü wocapǘxü̃wa naña. Rü naxca̱x nadau ga yema rümemaexü̃ ga wocaxacü. Rü wüxi ga norü puracütanüxü̃xü̃ namu, rü nüma rü paxa nanaxü ga yema õna.

1 Chamué 28:24

Rü yexgumayane ga ngĩma ga yema nge rü iyama̱x ga wüxi ga wocaxacü ga ingüxü̃ ga ngĩchiü̃wa yexmaxü̃. Rü iyañumü ga trigute̱xe, rü paũ ga ngearü pu̱xẽẽruü̃ã́xü̃ ixü.

Ucu̱xẽgüchiga 15:17

Taxuwama name i duü̃xü̃gü nügüchi naxaieãcüma mexü̃ i namachi nangõ̱xgü. Narümemae nixĩ i nügü nangechaü̃güãcüma berdúramare nügümaxã nangõ̱xgü.

Ore i mexü̃ ga Luca ümatüxü̃ 15:22

Natürü tüma ga nanatü rü tümaarü duü̃xü̃güxü̃ ñatarügü: “¡Paxa nua penange i naxchiru i mexẽchixü̃ rü peyacuxcuchix! ¡Rü wüxi i ãnera ta naxme̱xwa ngĩxü̃ pinga̱xcuchi! ¡Rü chapatu rü ta nua penge, rü peyacuaixcuchi!

Ore i mexü̃ ga Luca ümatüxü̃ 15:24

Erü daa chaune rü cha̱u̱xca̱x rü marü nayu, natürü maxü̃cü cha̱u̱xca̱x ínangu. Rü marü inayarütauxchire̱x, rü wenaxarü nango̱x”, ñanagürü. Rü yexguma inanaxügüe nax napetaegüxü̃.