Ore i mexü̃ ga Luca ümatüxü̃ 15:22 - Tupanaarü Ore

²² Natürü tüma ga nanatü rü tümaarü duü̃xü̃güxü̃ ñatarügü: “¡Paxa nua penange i naxchiru i mexẽchixü̃ rü peyacuxcuchix! ¡Rü wüxi i ãnera ta naxme̱xwa ngĩxü̃ pinga̱xcuchi! ¡Rü chapatu rü ta nua penge, rü peyacuaixcuchi!

Ore i mexü̃ ga Luca ümatüxü̃ 15:22 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 6:11

Rü ñu̱xũchi wüxichigü ga yema duü̃xü̃güna nanaxã ga naxchiru ga máxü̃ rü cómüxü̃. Rü yema duü̃xü̃güãẽgüxü̃ ñanagürü: “¡Paxaãchi iperüngüe ñu̱xmatáta yangu i norü mu i ngẽma peenexẽgü i pexrüxü̃ Cristuarü puracüca̱x nada̱i̱xü̃!” ñanagürü.

Ester 8:2

Rü yexguma ga nüma ga ãẽ̱xgacü rü ngĩxü̃ ínangoxochi ga norü ãnera ga Amáü̃na ngĩxü̃ nayaxu̱xcü. Rü Maduquéuna ngĩxü̃ naxã. Rü ngĩma ga Ité rü Maduquéuxü̃ ixuneta nax namaxã inacuáxü̃ca̱x ga yema yemaxü̃gü ga Amáü̃arüchire̱x ixĩxü̃.

Naanearü ügüchiga 41:42

Rü yexguma yema ñaxgu ga Faraóü̃ rü nügüme̱xẽwa ngĩxü̃ nanangoxochi ga norü ãnera ga cua̱xruxü̃ ngĩwa yexmacü, rü Yúcheme̱xẽwa ngĩxü̃ ningucuchi. Rü ñu̱xũchi norü duü̃xü̃güxü̃ namu nax mexẽchixü̃ ga naxchirugu yacu̱xẽẽgüaxü̃ca̱x, rü úirumaxã naxüchagügüãxü̃ca̱x.

Ichaía 61:10

Choma rü Tupanamaxã chataãxẽ. Rü aixcüma poraãcü namaxã chataãxẽ i chorü Tupana erü nüma choxü̃ ínanguxuchixẽxẽ rü pora choxna naxã nax nüxü̃ charüporamaexü̃ca̱x i chorü uanügü. Rü ñoma wüxi i ãxma̱xchaü̃xü̃rüxü̃ chamexchiruxüchi rü ñoma wüxi i ãtechaü̃xü̃rüxü̃ chaugü changa̱xãẽ.

Ester 3:10

Rü yexguma ga nüma ga ãẽ̱xgacü rü ñanagürü nüxü̃: —¡Rü ngẽma diẽru rü cuxrütama yixĩ! ¡Rü ngẽma Yudíugü rü namaxã naxü i ta̱xacü i cuma cunaxwa̱xexü̃! —ñanagürü. Rü ñu̱xũchi nügüme̱xẽwa ngĩxü̃ nayaxu ga norü ãnera rü Amáü̃na ngĩxü̃ naxã nax yemaacü ãẽ̱xgacüéga nawa ngóxü̃ca̱x ga yema mu ga Amáü̃ unagüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:8

Rü ngẽma tá namaxã naxãmücüxü̃na nanaxã i mexẽchixü̃ rü cómüxü̃ rü iya̱u̱xracüüxü̃ i naxchiru nax namaxã yaxãxchiruxü̃”, ñanagürügü. Rü ngẽma naxchiru i mexẽchixü̃ rü ngẽma nixĩ i ngẽma duü̃xü̃güarü maxü̃ i mexü̃chiga.

Yema Cuáü̃ nüxü̃ dauxü̃ i yixcüra tá ngupetüxü̃chiga 7:9

Rü yemawena ichadawenü, rü nüxü̃ chadau ga muxũchixü̃ma ga naguxü̃raü̃xü̃ ga nachixü̃anecüã̱x, rü naguxü̃raü̃xü̃ ga duü̃xü̃gütücumü, rü naguxü̃raü̃xü̃ ga ĩanegücüã̱x, rü naguxü̃raü̃xü̃ ga duü̃xü̃gü ga to ga nagawa idexagüxü̃. Rü yema tochicaxü̃pe̱xegu rü gumá Carneruxacüpe̱xegu nachigü. Rü yema nax namuxũchixü̃ rü taxucürüwa texé tayaxugü nax ñuxre yixĩxü̃. Rü naxchiru ga icómüxü̃ rü imáxü̃maxã nixãxchiru. Rü naxme̱xwa nanangegü ga wairaatügü.

Romanos 8:15

Yerü pema rü tama penayauxgü ga wüxi ga naãxẽ i pexü̃ muü̃ẽẽxü̃. Natürü yema Naãxẽ ga peyauxgüxü̃ rü Tupanaxacügü pexü̃ nixĩgüxẽxẽ. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax Tupanaxü̃ ñagüxü̃: “Pa Papax”, ñagüxü̃ nüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:17

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema nüxü̃ rüporamaexẽ i ngẽma chixexü̃ rü tá tüxna chanaxã i paũ i daxũcüã̱x. Rü tá tüxna chanaxã ya wüxi ya nutaxacü ya chócü i wüxi i naéga i ngexwaca̱xü̃xü̃ nagu ümatüxü̃. Rü yíxema nayaxúxexicatama tixĩ ya nüxü̃ cuáxe i ngẽma naéga’ ”, ñanagürü i Naãxẽ ya Üünexü̃.

Gálatas 3:27

Rü ñu̱xma nax Cristuégagu ípebaiü̃xü̃, rü Cristuarü pixĩgü, rü nüma rü pemaxã inacua̱x nax naxrüxü̃ pixĩgüxü̃ca̱x.

Romanos 13:14

Rü name i nacüma pexĩ i tórü Cori ya Ngechuchu ya Cristu. Rü tama name i naxca̱x pedau nax pexenearü ngúchaü̃gu pexĩxü̃.

Charumóü̃arü wiyae 7:1

Pa Ãẽ̱xgacüxacüx, yima cucutügü ya chaü̃dáriagu icuaixgǘne rü nimexẽchi. Rü ngẽma cutachinügü rü nimexẽchi. Rü ñoma ngã̱xãẽruü̃gü i úirunaxca̱x i wüxi i nüxü̃ cua̱xüchixü̃ üxü̃rüxü̃ nixĩgü.

Wiyaegü 132:9

Rü ngẽma chacherdótegü i curü puracütanüxü̃ rü tá nicómüchiru rü ngẽma curü duü̃xü̃gü rü norü taãẽmaxã tá aita naxüe.

Wiyaegü 45:13

Rü ngẽxguma yaxücugu i ngẽma pacü i meama nga̱xãẽcü, rü ngĩxchiru rü úirumaxã nanga̱xãxẽ.

Wiyaegü 18:33

Rü ngẽxguma chañaãchigu rü nüma ya Tupana nixĩ ya choxü̃ poraxẽẽcü nax ñoma cowürüxü̃ chaporaxü̃ca̱x. Rü ma̱xpǘneanewa chomaxã inacua̱x nax taxuguma chayanguxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:18

Rü ñu̱xma rü cuxü̃ chaxucu̱xẽ nax chauxü̃tawa naxca̱x cutaxexü̃ca̱x i úiru i marü üxüwa iguxü̃ i nüxicatama ixĩxü̃. Rü ngẽmaãcü tá aixcüma cuxü̃́ nangẽxma i curü ngẽmaxü̃gü. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i cuxchiru i cómüxü̃ nax ngẽmagu quicúxü̃ca̱x nax taxúema cuxü̃ dauxü̃ca̱x nax cungexchiruxü̃. Rü ngẽxgumarüxü̃ ta cuxü̃ chaxucu̱xẽ nax chauxü̃tawa naxca̱x cutaxexü̃ca̱x i curü ma̱ĩ̱xetüxü̃ nax curümexẽtüxü̃ca̱x rü wena quidauchixü̃ca̱x.

Efesios 6:15

Rü mea picua̱i̱xcuchi nax ípememarexü̃ca̱x nax nüxü̃ peyarüxugüexü̃ca̱x i ore i mexü̃ i ngüxmüxẽẽruxü̃.

Wiyaegü 132:16

Rü tá cua̱x nüxna chaxã i Iraétanüxü̃arü chacherdótegü nax natanüxü̃étüwa nachogüexü̃ca̱x i chope̱xewa. Rü ngẽma chorü duü̃xü̃gü rü norü taãẽmaxã tá aita naxüe.

Wenaxarü naxümatü ga Tupanaarü mugü 33:25

Rü perü ĩanegüarü poxeguxü̃arü chotaruxü̃gü rü fierunaxca̱x rü bróũchenaxca̱x tá nixĩgü. Rü ngẽma perü pora i pexü̃́ ngẽxmaxü̃ rü tá natai i guxü̃ma i ngẽma ngunexü̃gü i nagu pemaxẽxü̃gu —ñanagürü.

Ore i mexü̃ ga Luca ümatüxü̃ 15:21

Rü yexguma ga nüma ga tümane rü ñanagürü tüxü̃: “Pa Papax, marü chixexü̃ Tupanape̱xewa chaxü, rü cupe̱xewa rü ta. Rü ngẽmaca̱x marü tama name nax ‘chaune’, ñacuxü̃ choxü̃”, ñanagürü.

Ore i mexü̃ ga Luca ümatüxü̃ 15:23

¡Rü peyayaxu̱x i ngẽma wocaxacü i rüngü̃maexü̃, rü peyamá, rü ngĩxã namaxã tachibüe rü tapetae!