Ore i mexü̃ ga Luca ümatüxü̃ 15:20 - Tupanaarü Ore

²⁰ Rü inaxũãchi rü nanatüpataca̱x nataegu. Rü yexguma yangaicagu ga nanatüpata, rü yáxü̃gu nüxü̃ tadau ga nanatü, rü tüxü̃́ nangechaü̃tümüxü̃. Rü naxca̱x tiña, rü nüxna tana̱i̱xãchi, rü nüxü̃ tachúxu.

Ore i mexü̃ ga Luca ümatüxü̃ 15:20 Referans Kwoze

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

Wiyaegü 86:15

Natürü i cumax, Pa Corix, rü Tupana ya mecümacü rü ngechaü̃wa̱xecü quixĩ. Rü cuma rü yáxna tomaxã cuxĩnü, rü poraãcü toxü̃ cungechaü̃, rü guxü̃guma tomaxã quixaixcüma.

Efesios 2:13

Natürü i ñu̱xma nax Ngechuchu ya Cristuaxü̃́ peyaxõgüxü̃ rü pexca̱x nagü nabaxẽẽãxü̃, rü norü duü̃xü̃gü pixĩgü. Rü pema ga noxri Tupanana peyáxü̃gugü rü ñu̱xma rü nüxna pengaicamagü.

Ichaía 49:15

Natürü nüma ya Cori ya Tupana rü ñanagürü: —¿Ẽ̱xna wüxi i mama rü tá nüxü̃ yanangümaxü̃ nax ngĩnexü̃ nangechaxü̃xü̃? Rü woo ngĩma ngĩnexü̃ nangümagu, natürü i choma rü tagutáma pexü̃ icharüngüma.

Naanearü ügüchiga 33:4

Natürü ga Echaú rü Acóbuca̱x niña rü nüxna nayana̱i̱xãchi rü nüxü̃ nachúxu. Rü nügümaxã naxauxe.

Efesios 2:17

Rü yexguma Cristu núma ũxgu, rü taxca̱x núma nanange ga ore i mexü̃ ga marü yigümaxã rü Tupanamaxã nax rüngüxmüexü̃. Rü yema ore rü toxca̱x nixĩ i toma i Yudíugü ga toxíra Tupanaxü̃ nax tacuáxü̃. Rü yema ore rü pexca̱x rü ta nixĩ ga woo tama Tupanaxü̃ nax pecua̱xgüxü̃ ga noxrix.

Yeremía 31:20

Rü Cori ya Tupana rü ñanagürü: —Ngẽma Efraíü̃tanüxü̃gü̃ rü chaunegü i nüxü̃ changechaü̃güxü̃ nixĩgü. Rü ngẽma nixĩ i chaunegü i yexera nüxü̃ changechaü̃güxü̃. Rü woo yexguma chanapoxcuegu, rü taguma nüxü̃ charüchau nax nüxna chacua̱xãchixü̃. Rü chorü maxü̃newa rü naxca̱x changechaü̃ rü poraãcü choxü̃́ nangechaü̃tümüxü̃gü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 57:18

Choma rü nüxü̃ chadau i nacüma i chixexü̃, natürü tá nüxü̃ charüngü̃xẽẽxü̃ nax nüxü̃ naxoexü̃ca̱x. Rü tá chanataãẽxẽxẽ nax tama naxoegaãẽgüxü̃ca̱x. Rü guxãma ya yíxema ngechaü̃güxe rü tá tüxü̃ chataãẽxẽxẽ.

Naanearü ügüchiga 46:29

Rü nüma ga Yúche rü norü duü̃xü̃xü̃ namu nax norü caru ga cowaru itúchigüne namexẽẽxü̃ca̱x nax Gochéü̃anewa nanatüxü̃ íyadauxü̃ca̱x. Rü yexguma tüxü̃ nada̱u̱xgu rü tüxna nana̱i̱xãchi, rü tümaãtügu yangücuchiãcüma yéma naxauxecha.

Naanearü ügüchiga 45:14

Rü yexguma ga Yúche rü naenexẽ ga Bẽyamíü̃na nana̱i̱xãchi rü naxaxu. Rü yexgumarüxü̃ ta ga Bẽyamíü̃ rü naxaxu rü Yúchena nana̱i̱xãchi.

Ngechuchuarü ngúexü̃gü ga yamugüxü̃arü puracüchiga 20:37

Rü guxü̃ma poraãcü naxauxe, rü Pauruna nanã̱ĩ̱xãchigü, rü nüxü̃ nachúxgü.

Ngechuchuarü ngúexü̃gü ga yamugüxü̃arü puracüchiga 2:39

Rü ñaa Tupanaarü uneta, rü pexca̱x nixĩ, rü pexacügüca̱x, rü guxü̃ i duü̃xü̃gü i yáxü̃wa ngẽxmagüxü̃ca̱x nixĩ. Erü guxü̃ i duü̃xü̃gü i tórü Cori ya Tupana nügüxü̃tawa naxca̱x ca̱xaxü̃ca̱x nixĩ i ngẽma uneta —ñanagürü ga Pedru.

Ochéa 11:8

Natürü taxucürüwa pexna chixũgachi, Pa Efraíü̃tanüxü̃x. Rü taxucürüwa pexü̃ íchawogü, Pa Iraéanecüã̱xgüx. Rü taxucürüwa pexü̃ chadai yexgumarüxü̃ ga yema Axmácüã̱xgüxü̃ chadaixgurüxü̃. Rü taxucürüwama pexü̃ charüxoxẽxẽ guma ĩane ga Cheboíü̃xü̃ charüxoxẽẽxü̃rüxü̃. Erü daa chorü maxü̃newa rü pexü̃ changechaü̃ rü íchamemare nax choxü̃́ pengechaü̃tümüxü̃güxü̃.

2 Chamué 14:33

Rü yexguma ga Yoá rü ãẽ̱xgacüxü̃tawa naxũ rü nüxü̃ narüxu ga Acharóü̃arü dexa. Rü nüma ga ãẽ̱xgacü rü Acharóü̃ca̱x nangema. Rü yexguma ãẽ̱xgacüpe̱xewa nanguxgu ga Acharóü̃ rü ãẽ̱xgacüpe̱xegu nayangücuchi ñu̱xmata waixü̃müwa yaxũcatü. Rü nüma ga ãẽ̱xgacü rü wüxi ga chúxumaxã nanayaxu.

Ore i mexü̃ ga Luca ümatüxü̃ 15:19

Rü marü tama chame nax chaune, ñacuxü̃ choxü̃. ¡Rü wüxi i curü puracütanüxü̃xü̃ choxü̃ ixĩxẽxẽ!’ ñacharügü tá tüxü̃ ya chaunatü”, ñanagürü.

Ore i mexü̃ ga Luca ümatüxü̃ 15:21

Rü yexguma ga nüma ga tümane rü ñanagürü tüxü̃: “Pa Papax, marü chixexü̃ Tupanape̱xewa chaxü, rü cupe̱xewa rü ta. Rü ngẽmaca̱x marü tama name nax ‘chaune’, ñacuxü̃ choxü̃”, ñanagürü.