Ore i mexü̃ ga Luca ümatüxü̃ 15:18 - Tupanaarü Ore

¹⁸ Rü chaunatüca̱x tá chataegu, rü ñachagürü tá tüxü̃: ‘Pa Papax, marü chixexü̃ Tupanape̱xewa chaxü rü cupe̱xewa rü ta.

Ore i mexü̃ ga Luca ümatüxü̃ 15:18 Referans Kwoze

Auxexü̃chiga 3:40

Rü ngẽmaca̱x ¡ngĩxã aixcüma nagu tarüxĩnüe i tacüma, rü name rüe̱xna nachixe! ¡Rü ngĩxã Cori ya Tupanaca̱x tawoegu rü aixcüma naga taxĩnüe!

Ore i mexü̃ ga Luca ümatüxü̃ 15:21

Rü yexguma ga nüma ga tümane rü ñanagürü tüxü̃: “Pa Papax, marü chixexü̃ Tupanape̱xewa chaxü, rü cupe̱xewa rü ta. Rü ngẽmaca̱x marü tama name nax ‘chaune’, ñacuxü̃ choxü̃”, ñanagürü.

Ore i mexü̃ ga Luca ümatüxü̃ 18:13

Natürü ga gumá yatü ga Rómaarü ãẽ̱xgacüca̱x diẽru ngĩxü̃ decü, rü yáxü̃gu narüxã̱ũ̱x. Rü namuü̃ ga daxũ nax nadawenüxü̃, rü yema norü ngechaü̃maxã nügü napaxremü, rü ñanagürü: “Pa Tupanax, ¡Cuxü̃́ changechaü̃tümüxü̃! Erü wüxi i pecaduã́xü̃ chixĩ”, ñanagürü ga gumá yatü.

Ore i mexü̃ ga Matéu ümatüxü̃ 6:14

Rü ngẽxguma pema nüxü̃́ nüxü̃ perüngümagu i ngẽma chixexü̃ i togü pemaxã ügüxü̃, rü Penatü ya daxũgucü rü tá ta pexü̃́ nüxü̃ inarüngüma i perü pecadugü.

Yeremía 3:19

Pa Iraétanüxü̃x, choma rü ñoma chaunegüãcüma pexü̃ chayaxu, rü ñu̱xũchi wüxi ga naane ga mexẽchixü̃ pexna chaxã. Rü yema rü guxü̃ ga naanexü̃ rümemaexü̃ nixĩ. Rü choma nüxü̃ chacua̱xgu rü yemaca̱x chi: “Tonatü”, ñaperügü choxü̃, rü ñu̱xũchi taguchima choxna pixĩgachi.

Wiyaegü 25:11

Pa Cori Pa Tupanax, nata i chorü chixexü̃ i cupe̱xewa chaxüxü̃ ¡Rü choxü̃́ nüxü̃ irüngüma i ngẽma nax taxúema chixri cuchiga idexaxü̃ca̱x!

Ore i mexü̃ ga Matéu ümatüxü̃ 6:9

Rü ngẽmaca̱x rü ñaãcü tá peyumüxẽgü i pemax: ‘Pa Tonatü ya Daxũgucüx, üünecü nixĩ i cuéga.

Ore i mexü̃ ga Matéu ümatüxü̃ 3:6

Rü guxema duü̃xẽgü ga nüxü̃ ixugüxe ga tümaarü pecadugü, rü Cuáü̃ rü tüxü̃ ínabaiü̃xẽxẽ ga natü ga Yudáü̃wa.

Yeremía 31:20

Rü Cori ya Tupana rü ñanagürü: —Ngẽma Efraíü̃tanüxü̃gü̃ rü chaunegü i nüxü̃ changechaü̃güxü̃ nixĩgü. Rü ngẽma nixĩ i chaunegü i yexera nüxü̃ changechaü̃güxü̃. Rü woo yexguma chanapoxcuegu, rü taguma nüxü̃ charüchau nax nüxna chacua̱xãchixü̃. Rü chorü maxü̃newa rü naxca̱x changechaü̃ rü poraãcü choxü̃́ nangechaü̃tümüxü̃gü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ichaía 63:16

Rü cuma nixĩ i tonatü quixĩxü̃. Rü woo Abraáü̃ rü tama toxü̃ cua̱xgu, rü torü o̱xi i Iraé rü tama toxna nacua̱xãchigu, natürü cumax, Pa Cori Pa Tupanax, rü tonatü quixĩ. Rü cuma nixĩ i guxü̃guma torü ngü̃xẽẽruxü̃ quixĩxü̃.

Ucu̱xẽgüchiga 23:13

¡Taxṹ i cunangexrüxü̃ nax cunaxucu̱xẽxü̃ ya ngextü̱xücü! Rü ñuxre i cua̱xi i we̱xachixẽẽruxü̃, rü taxũtáma nayama̱x. Rü ngẽxguma icuyanawe̱xãchixẽẽgu, rü yuwa tá ícunanguxuchixẽxẽ. -13-

Ore i mexü̃ ga Matéu ümatüxü̃ 7:11

Rü pema nax pichixecümachiréxü̃ rü nüxü̃ pecua̱x nax mexü̃ pexacügüna pexãxü̃. Rü Penatü ya daxũgucü rü tá perü yexera mexü̃ tüxna naxã ya yíxema nüxna naxca̱x ca̱xaxe i ngẽma mexü̃.

Norü taxre ga to ga popera ga ãẽ̱xgacügüchiga ümatüxü̃ 33:19

Rü norü yumüxẽchiga, rü norü yumüxẽarü ngãxü̃chiga, rü ñuxãcü nax chixexü̃ naxüxü̃chiga, rü ñuxãcü ma̱xpǘnegügu tupananetagüca̱x ínaxüxü̃ãxü̃ ga ngutaque̱xechicagüchiga, rü ñuxãcü yemagu yanuaxü̃ ga Acheráchicüna̱xã rü togü ga tupananetachicüna̱xãgüchiga, rü yema naxü naxü̃pa ga nax Cori ya Tupanamaxã nüxü̃ yaxuxü̃ ga norü chixexü̃ rü nape̱xegu nügü ínaxíraxü̃, rü guxü̃ma i ngẽma rü Tupanaarü orearü uruü̃gü ümatüxü̃ i poperagu naxümatü.

Ore i mexü̃ ga Luca ümatüxü̃ 11:2

Rü Ngechuchu ñanagürü nüxü̃: —Rü ngẽxguma peyumüxẽgügu rü ñaperügügü tá: “Pa Tonatü ya Dauxü̃gucüx, rü aixcüma Üünecü quixĩ i cumax. ¡Rü núma naxũ nax torü ãẽ̱xgacü quixĩxü̃ca̱x! Rü tanaxwa̱xe i curü ngúchaü̃ nax naxügüxü̃ i duü̃xü̃gü i ñoma i naanewa, ngẽma daxũguxü̃ i naanewa nax curü ngúchaü̃ ínaxügüxü̃rüxü̃.

Yoná 3:9

Rü bexmana ngẽxguma ya Tupana rü tá nüxü̃́ ingechaü̃tümüxü̃gü rü tá narüngüxmü nax tamaxã nanuxü̃, rü taxũtáma tüxü̃ nadai —ñanagürügü.

Yoná 2:4

Rü nagu charüxĩnü rü marü cugüxü̃tawa choxü̃ ícuta̱xüchi. Rü nüxü̃ chacua̱xgu rü tagutáma wena nüxü̃ chadau ya cupata ya üünene.

Danié 4:26

Rü yema dauxü̃cüã̱xarü ore nax yema nachime rü naxchúma̱xã yéma waixü̃müanewa yaxǘgüxẽẽxü̃ rü ngẽma rü nüxü̃ nixu, Pa Ãẽ̱xgacüx, nax wena táxarü cuchixü̃anemaxã icucuáxü̃ i ngẽxguma nüxna cucua̱xãchigu nax nüma ya Tupana yixĩxü̃ ya guxãétüwa ngẽxmacü.

Auxexü̃chiga 3:29

Rü name nixĩ i Cori ya Tupanape̱xegu nügü ínaxíraxü̃, rü waixü̃müanegu nayangücuchixü̃. Rü bexmana ngẽmaãcü Cori ya Tupana tá nüxü̃́ nüxü̃ narüngüma i norü chixexü̃.

Ore i mexü̃ ga Luca ümatüxü̃ 15:17

Rü yexguma naãxẽwa nagu narüxĩnü, rü ñanagürü: “¿Ñuxre i chaunatüarü puracütanüxü̃ rü nüxü̃́ nangẽxma i õna rü nüxü̃́ ínayaxü? Rü choma i nua rü taiyamaxã tá nuxma chayu.

Ore i mexü̃ ga Luca ümatüxü̃ 15:19

Rü marü tama chame nax chaune, ñacuxü̃ choxü̃. ¡Rü wüxi i curü puracütanüxü̃xü̃ choxü̃ ixĩxẽxẽ!’ ñacharügü tá tüxü̃ ya chaunatü”, ñanagürü.