Ore i mexü̃ ga Luca ümatüxü̃ 15:13 - Tupanaarü Ore

¹³ Rü ñuxre ga ngunexü̃guwena rü gumá nane ga rübumaecü rü nananutaque̱xe ga guxü̃ma ga norü yemaxü̃gü rü namaxã nataxe. Rü yema diẽrumaxã to ga nachixü̃anewa naxũ. Rü chixri yéma namaxü̃, rü yemaacü ngĩxü̃ nagu̱xẽxẽ ga guxcüma ga norü diẽru.

Ore i mexü̃ ga Luca ümatüxü̃ 15:13 Referans Kwoze

Yeremía 2:5

Rü nüma ya Cori ya Tupana rü ñanagürü pexü̃: —¿Ta̱xacü rü chixexü̃ chowa nüxü̃ nadaugü ga perü o̱xigü rü yemaca̱x choxna yaxĩgachixü̃ rü nawe naxĩxü̃ ga tupananetachicüna̱xãgü ga ngearü maxü̃ã̱xgüxü̃? Rü yemagagu taxuwama nügü namexẽẽgü.

Ucu̱xẽgüchiga 29:3

Wüxi i nane i naãẽxü̃ cuáxü̃ rü nanatüxü̃ nataãẽxẽxẽ, natürü ngẽma nane i ngexü̃gü i naxü̃nemaxã taxexü̃maxã ãmücüxü̃, rü norü diẽru ngĩxü̃ naxaiya̱xü̃mare.

Ucu̱xẽgüchiga 21:17

Yíxema nagu maxü̃́xẽ nax petawa taxũxü̃, rü bínu tayaxaxüxü̃, rü tügü tapumaraemaxü̃, rü tá düxwa tangearü diẽruã̱x.

Ucu̱xẽgüchiga 28:7

Yíxema nagu ixũxẽ i Tupanaarü mugü, rü wüxi ya nane ya naãẽxü̃ cuácü tixĩ. Natürü yíxema natanügu ãxẽ i ngẽma chixexü̃gu maxẽxü̃, rü tümanatüna ãne taxã.

Ore i mexü̃ ga Luca ümatüxü̃ 16:19

Nayexma ga wüxi ga yatü ga diẽruã̱xü̃chixü̃ ga guxü̃guma mexẽchixü̃ ga naxchirugu icúxü̃. Rü guxü̃ ga ngunexü̃gu rü taxü̃ma ga õna naxü rü napetaexü̃.

Ore i mexü̃ ga Luca ümatüxü̃ 16:1

Rü ñanagürü ta ga Ngechuchu norü ngúexü̃güxü̃: —Nayexma ga wüxi ga cori ga muarü diẽruã̱xü̃chixü̃. Rü nüxü̃́ nayexma ga wüxi ga norü duü̃xü̃ ga norü yemaxü̃arü dauruxü̃. Natürü togü ga duü̃xü̃gü rü norü corimaxã nüxü̃ nixugü nax yema norü duü̃xü̃ rü chixri norü yemaxü̃na nax nadauxü̃.

Ore i mexü̃ ga Luca ümatüxü̃ 15:30

Natürü ñu̱xma nax ínanguxü̃ i ngẽma cune i chixri curü diẽru ngĩxü̃ gu̱xẽẽxü̃ nagu i ngexü̃gü i naxü̃nemaxã taxexü̃, rü naxca̱x cuyama̱x i ngẽma wocaxacü i rüngü̃maexü̃”, ñanagürü.

Miquéa 6:3

Rü nüma ya Cori ya Tupana rü ñanagürü: —¡Choxü̃ pengãxü̃, Pa Chorü Duü̃xü̃güx! ¿Ta̱xacürü chixexü̃ pepe̱xewa chaxü? ¿Ẽ̱xna ta̱xacüwa pexü̃ chachixewex?

Yeremía 2:31

Rü pemax i ñomaü̃cüxü maxẽxü̃ i duü̃xü̃gü ¡ẽcü iperüxĩnüe i chorü ore! Pa Iraétanüxü̃x ¿pexca̱x rü ñoma wüxi i naane i paanexü̃rüxü̃ chixĩ? ¿Pexca̱x rü ñoma wüxi i naane i waanexü̃rüxü̃ chixĩ? Pa Chorü Duü̃xü̃güx ¿ta̱xacüca̱x ñaperügügü choxü̃: “Tomagü rü taxúeme̱xẽwa tangexmagü rü marü tagutáma cuxca̱x tawoegu”, ñaperügügü?

Yeremía 2:13

Rü ngẽma chorü duü̃xü̃gü rü taxre ga pecadu nixĩ ga chope̱xewa naxügüxü̃. Rü choxna nixĩgachi ga choma nax dexá i maxü̃xü̃ chixĩxü̃. Rü ñu̱xũchi nügüca̱x nanaxügü ga norü puchugü ga tama dexá nawa yexmaechaxü̃.

Ichaía 56:12

Rü pemax, Pa Chorü Ĩanemaxã Icua̱xgüxü̃, rü ñaperügügü: “¡Nua pexĩ rü bínu tayaxaxü rü namaxã tangãxẽ rü ngẽmatátama taxüe! Rü moxü̃ãcüchigü rü tayexera taxaxegü”, ñaperügügü —ñanagürü ya Tupana.

Ichaía 30:11

Rü ñanagürügü ta: —Nüetama ega tama Tupanaga taxĩnüegu. Rü marü name nax nüxna ítachocuxü̃ i ngẽma nama i mexü̃. ¡Rü taxṹ i nape̱xewa toxü̃ pengẽxmagüxẽẽxü̃ ya yimá Iraétanüxü̃arü Tupana ya Üünecü! —ñanagürügü.

Ichaía 22:13

Natürü pemax rü taãẽgu, rü petagu iperücho. Rü wocagü rü carnérugü pedai, rü namachiarü ngṍxü̃ rü bínuarü axüxü̃ iperücho. Rü ñaperügügü: —Ngĩxã tachibüe rü taxaxegü erü moxü̃ rü tá marü tayue —ñaperügügü.

Ichaía 1:4

Pa Duü̃xü̃gü i Chixexü̃ Ügüxü̃ rü Chixexü̃gu Ímaxẽxü̃x, ngúxü̃ pinge erü pema rü chixexü̃arü üruü̃gütaagü pixĩgü, rü nanegü i pecaduã̱xgüxü̃ pixĩgü. Pema rü marü nüxna pixĩgachi ya Iraétanüxü̃arü Tupana ya üünecü rü marü nüxü̃ perüxoe.

Ucu̱xẽgüchiga 27:8

Ñoma wüxi i weri i yáxü̃wa naxchiãü̃na ũxü̃rüxü̃ nixĩ i wüxi i yatü i norü naane i nagu nabuxü̃na yáxü̃wa nu ne naxũmarexü̃.

Ucu̱xẽgüchiga 21:20

Ngẽma naãẽxü̃ cuáxü̃patawa nangema i norü ngẽmaxü̃gü i mexü̃gü, rü pumaragü. Natürü ngẽma tama naãẽxü̃ cuáxü̃ rü nüxü̃́ nataxuma i norü ngẽmaxü̃gü erü nanagu̱xẽẽmare i norü diẽru.

Ucu̱xẽgüchiga 18:9

Rü ngẽma duü̃xü̃gü i oexü̃ rü ngẽma duü̃xü̃gü i chixexü̃ ügüxü̃ rü nügüenexẽ nügü nixĩgüxẽxẽ.

Ucu̱xẽgüchiga 6:26

Erü ngẽma nge i naxü̃nemaxã taxexü̃ rü naxca̱x idau nax diẽru nayaxuxü̃ca̱x nax ngĩrü paũca̱x nataxexü̃ca̱x, natürü ngẽma ngexü̃ i chixri natena maxü̃xü̃ rü naxca̱x nadau nax wüxi ya yatü ya mecüxü̃ chixexü̃gu nanguxẽẽxü̃.

Wiyaegü 73:27

Rü ngẽma duü̃xü̃gü i cuxna ixĩgachixü̃ rü tá nayue. Rü tá icuyanaxoxẽxẽ i ngẽma tama aixcüma cuga ĩnüexü̃.

Norü taxre ga popera ga Pedru ümatüxü̃ 2:13

Rü nümagü rü ngúxü̃ tá ningegü nagagu i ngẽma ngúxü̃ i toguã̱xü̃ yangexẽẽgüxü̃. Rü nümagü rü namaxã nataãẽgü i ngẽma naxü̃nearü ngúchaü̃ i ngunecütama naxügüxü̃. Rü ngẽxguma pemaxã nachibüegu, rü wüxi i chixexü̃chixü̃ rü ãnexü̃chi nixĩgü, erü ngéma rü ta nanaxügü i norü chixexü̃gü i namaxã pexü̃ nawomüxẽẽgüchaü̃xü̃.

Efesios 2:17

Rü yexguma Cristu núma ũxgu, rü taxca̱x núma nanange ga ore i mexü̃ ga marü yigümaxã rü Tupanamaxã nax rüngüxmüexü̃. Rü yema ore rü toxca̱x nixĩ i toma i Yudíugü ga toxíra Tupanaxü̃ nax tacuáxü̃. Rü yema ore rü pexca̱x rü ta nixĩ ga woo tama Tupanaxü̃ nax pecua̱xgüxü̃ ga noxrix.

Efesios 2:13

Natürü i ñu̱xma nax Ngechuchu ya Cristuaxü̃́ peyaxõgüxü̃ rü pexca̱x nagü nabaxẽẽãxü̃, rü norü duü̃xü̃gü pixĩgü. Rü pema ga noxri Tupanana peyáxü̃gugü rü ñu̱xma rü nüxna pengaicamagü.

Ore i mexü̃ ga Luca ümatüxü̃ 15:12

Rü gumá rübumaecü, rü nanatüxü̃ ñanagürü: “Pa Pax, ¡choxna naxã i ngẽma curü ngẽmaxü̃gü i choxna üxü̃!” ñanagürü. Rü yexguma ga nanatü rü yema taxre ga nanemaxã nayatoye ga norü yemaxü̃gü.

Ore i mexü̃ ga Luca ümatüxü̃ 15:14

Natürü yexguma marü ngĩxü̃ nagu̱xẽẽguwena ga guxcüma ga norü diẽru, rü poraãcü nataxu ga õna ga yema nachixü̃anewa. Rü yemaca̱x ga gumá ngextü̱xücü rü inanaxügü nax taiya nüxü̃́ ngúxü̃.