Ore i mexü̃ ga Luca ümatüxü̃ 15:1 - Tupanaarü Ore

¹ Rü Ngechuchuca̱x naxĩ ga muxü̃ma ga duü̃xü̃gü ga Rómaarü ãẽ̱xgacüca̱x diẽru ngĩxü̃ ideetanüxü̃, rü duü̃xü̃gü ga chixexü̃ ga nacümagu ĩxü̃, yerü nüxü̃ naxĩnüechaü̃ ga norü ore.

Ore i mexü̃ ga Luca ümatüxü̃ 15:1 Referans Kwoze

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:15

Rü ñaa ore i pemaxã nüxü̃ chixuxü̃ rü aixcümaxü̃chi nixĩ, rü name nax guxãma yaxõgüxü̃. Rü aixcüma Ngechuchu ya Cristu rü ñoma ga naanewa nangu nax namaxẽxẽẽãxü̃ca̱x i pecaduã̱xgüxü̃. Rü ngẽmatanüwa rü choma nixĩ ga guxü̃arü yexera nax chixexü̃ chaxüxü̃.

Echequié 18:27

Natürü ngẽxguma wüxi ya yatü ya noxri chixri maxü̃cü rü nüxü̃ naxoxgu i nacüma i chixexü̃, rü aixcüma mexü̃ naxü̱xgu rü tá namaxü̃ rü taxũtáma nayu.

Romanos 5:20

Rü Tupana rü Moichéna nanaxã ga norü mugü nax duü̃xü̃güxü̃ nüxü̃ nacua̱xẽẽxü̃ca̱x nax poraãcü yapecaduã́xü̃. Natürü yexguma yexeraãcü pecadu naxügügu ga duü̃xü̃gü, rü yexeraãcü Tupanaaxü̃́ nangechaü̃tümüü̃gü.

Ore i mexü̃ ga Luca ümatüxü̃ 7:29

Rü guxü̃ma ga duü̃xü̃gü rü woo yema yatügü ga Rómaarü ãẽ̱xgacüca̱x diẽru ngĩxü̃ ideetanüxü̃, rü yexguma nüxü̃ naxĩnüegu ga Cuáü̃arü ore rü ínabaiü̃, rü Tupanaxü̃ nicua̱xüü̃gü yerü nüxü̃ nicua̱xãchitanü nax aixcüma mecü yixĩxü̃ ya Tupana.

Ore i mexü̃ ga Luca ümatüxü̃ 13:30

Rü tá nangẽxma i nümaxü̃ i ñoma i naanewa duü̃xü̃gü nüxü̃ oexü̃, natürü daxũguxü̃ i naanewa rü Tupana tá wixpe̱xewa nanaxügüxẽxẽ. Rü tá nangẽxma i nümaxü̃ i ñoma i naanewa duü̃xü̃gü nüxü̃ icua̱xüü̃güxü̃, natürü daxũguxü̃ i naanewa rü Tupana rü tá wixweama nanaxügüxẽxẽ —ñanagürü ga Ngechuchu.

Ore i mexü̃ ga Matéu ümatüxü̃ 5:46

Rü ngẽxguma chi ngẽma duü̃xü̃gü i pexü̃ ngechaü̃güxü̃xicatama pengechaü̃gügu, ¿rü ta̱xacürü ãmare tá Tupanaxü̃tawa peyauxgü? ¿Tama ẽ̱xna ngẽmatama naxügüxü̃ i ngẽma yatügü i ãẽ̱xgacüca̱x diẽru ngĩxü̃ ideetanüxü̃?