Ore i mexü̃ ga Luca ümatüxü̃ 14:7 - Tupanaarü Ore

⁷ Rü yexguma mechawa natogüchaü̃gu ga yema nüxna naxugüxü̃, rü Ngechuchu nüxü̃ nadau nax wüxichigü rü ĩarü yoraxü̃tawaxüchi natoxchaü̃xü̃. Rü yexguma yemaxü̃ nada̱u̱xgu rü nayaxucu̱xẽgü, rü ñanagürü:

Ore i mexü̃ ga Luca ümatüxü̃ 14:7 Referans Kwoze

Ore i mexü̃ ga Luca ümatüxü̃ 11:43

Rü wüxi i ngechaü̃ nixĩ i pexca̱x, Pa Parichéugüx, erü pema rü ngutaque̱xepataü̃güwa rü perü me nixĩ nax ngẽma naxma̱xwe̱xegü i nape̱xewa ügüxü̃wa perütogüxü̃. Rü ĩanearü namagüwa rü penaxwaxegü nax duü̃xü̃gü mea pexü̃ rümoxẽgüxü̃.

Filipenses 2:3

Rü tama name nax togüarü yexera pegü pixĩgüxẽẽxü̃ rü pegü picua̱xüü̃güxü̃. Rü narümemae nixĩ i wüxichigü nagu perüxĩnüe nax ngẽma togü rü perü yexera yixĩgüxü̃.

Ore i mexü̃ ga Matéu ümatüxü̃ 23:6

Rü petagüarü õnawa rü ngẽma ngúexẽẽruü̃gü i mugüwa ngu̱xẽẽtaegüxü̃ rü ngẽma Parichéugü rü nanaxwa̱xegü i õnaarü yoraxü̃tawa nax natogüxü̃ nax duü̃xü̃gü ngéma nüxü̃ rüdaunüxü̃ca̱x. Rü ngutaque̱xepataü̃güwa rü nanaxwa̱xegü nax nape̱xewa ügüxü̃ i naxma̱xwe̱xegüwa natogüxü̃.

Ore i mexü̃ ga Luca ümatüxü̃ 20:46

—¡Pexũãẽgü naxca̱x i ngẽma ngúexẽẽruü̃gü i Moichéarü mugüwa ngu̱xẽẽtaegüxü̃! Erü nümagü rü norü me nixĩ i mexü̃ i naxchirumaxã nax naxĩaneãxü̃. Rü ĩanearü plazagüwa nanaxwa̱xegü nax duü̃xü̃gü mea nüxü̃ rümoxẽgüxü̃. Rü ngutaque̱xepataü̃güwa rü norü me nixĩ i ngẽma nape̱xewa ügüxü̃ ga naxmaxwe̱xewa nax natogüxü̃. Rü õna i taxü̃wa rü ngẽma õnaarü yoraxü̃tawa ügüxü̃ i nachicaca̱x nadaugü.

Norü tomaepü̱x ga popera ga Cuáü̃ ümatüxü̃ 1:9

Choma rü marü chanaxümatü i wüxi i popera naxca̱x i ngẽma yaxõgüxü̃ i curü ĩanewa ngẽxmagüxü̃. Natürü nüma i Diótepe rü tama naga naxĩnüchaü̃ i ngẽma nüxü̃ tixuxü̃, erü nanaxwa̱xe nax nümatama namuaxü̃ i ngẽma yaxõgüxü̃.

Ore i mexü̃ ga Matéu ümatüxü̃ 13:34

Rü guxü̃ma ga yema ore ga Ngechuchu duü̃xü̃gümaxã nüxü̃ ixuxü̃, rü cua̱xruü̃gu yaxuãcüma namaxã nüxü̃ nixu. Rü yemaacüxicatama nixĩ ga namaxã nüxü̃ yaxuxü̃.

Ucu̱xẽgüchiga 8:1

Ngẽma cua̱x rü tagaãcü taxca̱x naca, rü ngẽma ĩnü i mexü̃ rü tüxü̃ nüxü̃ naxĩnüxẽxẽ i naga.

Ãẽ̱xgacügü ga guxchaxü̃güarü mexẽxẽruü̃gü 14:12

Rü yexguma ga nüma ga Chanchóü̃ rü yema 30 ga ngextü̱xücügüxü̃ ñanagürü: —Wüxi i dexa i ẽxü̃guxü̃ tá pexna chaxã nax pema chomaxã nüxü̃ pixuxü̃ca̱x nax ta̱xacüchiga yixĩxü̃. Rü 7 i ngunexü̃ tá natai i ñaa peta. Rü ngẽxguma ñaa 7 i ngunexü̃gu chomaxã nüxü̃ pixuxgu i ta̱xacüchiga yixĩxü̃ i ngẽma ore i ẽxü̃guxü̃, rü wüxichigü i pema rü tá pexna chanaxã i wüxi i naxchiru i mexü̃ i línuchinaxca̱x, rü naétü wüxi i perü petachiru i mexü̃.

Ucu̱xẽgüchiga 25:7

Erü ngẽxguma ngéma curütoxgu rü ngürüãchi tá wixwe üxü̃ i nachicawa cuxü̃ narütoxẽxẽ. Rü ngẽmaãcü ãne tá quinge nape̱xewa i ngẽma corigü. Rü narümemae nax icuyangu̱xuxẽẽxü̃ nax nüma ya ãẽ̱xgacü cuxna uxü̃ nax naxü̃tawa curütoxü̃ca̱x.