Ore i mexü̃ ga Luca ümatüxü̃ 14:32 - Tupanaarü Ore

³² Rü ngẽxguma nangugüãgu nax tama yanguxü̃ i norü churaragü rü, ¿taux ẽ̱xna i ngẽxguma yáxü̃wa nangẽxmagutama i norü uanü, rü naxü̃tawa namugüãxü̃ i norü orearü ngeruü̃gü, rü namaxã nüxü̃ nax yanaxugüexü̃ca̱x nax nügümaxã nangüxmüexü̃?

Ore i mexü̃ ga Luca ümatüxü̃ 14:32 Referans Kwoze

Ngechuchuarü ngúexü̃gü ga yamugüxü̃arü puracüchiga 12:20

Rü Eróde rü namaxã nanu ga Tírucüã̱xgü rü Chidóü̃cüã̱xgü. Natürü ga yema Tírucüã̱xgü rü Chidóü̃cüã̱xgü rü naxca̱x nadaugü nax ñuxãcü Eródexü̃ nangüxmüxẽẽgüxü̃, yerü Eródechiü̃anewa nixĩ ga nayauxgüãxü̃ ga nabü. Rü yemaca̱x ga yema Tírucüã̱xgü rü Chidóü̃cüã̱xgü rü wüxi ga Eródearü ngü̃xẽẽruxü̃ ga Bátumaxã naxãmücügü nax nüxü̃ nangü̃xẽẽxü̃ca̱x nax Eródemaxã yadexagüxü̃ca̱x.

Ore i mexü̃ ga Luca ümatüxü̃ 12:58

Rü ngẽxguma chi wüxíe wüxi i ngetanüca̱x cuxü̃ íxuaxü̃gu rü ãẽ̱xgacüxü̃tawa cuxü̃ tagaxgu, rü name nixĩ i namawatama tüxü̃ icurüngüxmüxẽxẽ nax tama ãẽ̱xgacüpe̱xewa cuxü̃ tagaxü̃ca̱x. Erü wüxicana nax ãẽ̱xgacüxü̃tawa cunguxü̃ rü ãẽ̱xgacü tá purichíagüna cuxü̃ namu. Rü purichíagü tá cuxü̃ napoxcu.

Ore i mexü̃ ga Matéu ümatüxü̃ 5:25

Rü ngẽxguma chi texé cuxü̃ íxuaxü̃gu, rü ãẽ̱xgacüxü̃tawa cuxü̃ tagaxgu, rü name nixĩ i namawatama tüxü̃ curüngüxmüxẽxẽ nax tama ãẽ̱xgacüpe̱xewa cuxü̃ tagaxü̃ca̱x. Erü ngẽxguma ãẽ̱xgacüxü̃tawa cunguxgu, rü nüma ya ãẽ̱xgacü rü tá purichíana cuxü̃ namu, rü nüma i purachía rü tá poxcupataü̃gu cuxü̃ nita̱xcuchi.

Yox 40:9

¿Ẽ̱xna cugü cucua̱xgu rü chauxrüxü̃ cuporaxüchi, rü ngẽma cuga rü ñoma chauga i duruanexü̃rüxü̃ nixĩ?

Ore i mexü̃ ga Matéu ümatüxü̃ 5:42

Rü ngẽxguma texé wüxi i curü ngẽmaxü̃ca̱x cuxna caxgu, rü name i tüxna cunaxã. Rü tama name nax tüxna cunachu̱xuxü̃ i curü ngẽmaxü̃gü ega texé paxaãchi cuxna naxca̱x caxgu.

Ore i mexü̃ ga Luca ümatüxü̃ 14:31

Rü ngẽxguma wüxi i nachixü̃anearü ãẽ̱xgacü rü to i nachixü̃anearü ãẽ̱xgacümaxã nügü nadaixchaü̃gu, ¿rü tama ẽ̱xna i noxri inangugüãxü̃ rü 10,000 i churaragü rü marü nüxü̃́ yangu nax nügü nada̱i̱xü̃ca̱x namaxã i norü uanü i 20,000 i churaragü nüxü̃́ ngẽxmaxü̃?

Ore i mexü̃ ga Luca ümatüxü̃ 14:33

Rü ngẽxgumarüxü̃ tá ta nixĩ i pemax, erü ngẽxguma ngexerüxüxe i petanüwa tama ngéma tanawogügu i guxü̃ma i tüxü̃́ ngẽxmaxü̃ nax chowe tarüxũxü̃ca̱x, rü taxucürüwama aixcüma chorü ngúexü̃ tixĩ.

Ore i mexü̃ ga Luca ümatüxü̃ 19:14

Natürü yema ĩanecüã̱x ga duü̃xü̃gü rü naxchi naxaie ga gumá yatü. Rü yemaca̱x nawenaãma nayamugü ga ñuxre ga orearü ngeruü̃gü nax nachixü̃anearü ãẽ̱xgacümaxã nüxü̃ yanaxugüxü̃ca̱x nax tama nanaxwa̱xegüxü̃ nax norü ãẽ̱xgacüxü̃ nax yixĩxü̃ca̱x ga gumá yatü.