Ore i mexü̃ ga Luca ümatüxü̃ 14:21 - Tupanaarü Ore

²¹ Rü yexguma nataeguxgu ga yema coriarü duü̃xü̃, rü norü corimaxã nüxü̃ nixu ga guxü̃ma ga yema ore. Rü yexguma ga norü cori rü nanu, rü ñanagürü nüxü̃ ga norü duü̃xü̃: “¡Paxa ngéma ĩanearü namagüwa rü namaxacügüwa naxũ, rü nua nagagü i ngẽma duü̃xü̃gü i ngearü diẽruã̱xgüxü̃, rü ngẽma duü̃xü̃gü i taxucürüwama puracüexü̃, rü ngẽma ichixeparagüxü̃, rü ngẽma ingexetügüxü̃!” ñanagürü.

Ore i mexü̃ ga Luca ümatüxü̃ 14:21 Referans Kwoze

Ore i mexü̃ ga Luca ümatüxü̃ 14:13

Natürü ngẽxguma wüxi i peta cuxü̱xgu, rü narümemae nixĩ i nüxna cuxu i duü̃xü̃gü i ngearü diẽruã̱xgüxü̃, rü duü̃xü̃gü i taxucürüwama puracüexü̃, rü ngẽma ichixeparagüxü̃, rü ngẽma ingexetügüxü̃.

Popera ga Chantiágu ümatüxü̃ 2:5

Pa Chauenexẽgü ya Pexü̃ Changechaü̃güxe, ¡Iperüxĩnüe i ñaa ore! Tupana tüxü̃ nade ya yíxema ñoma i naanewa ngearü diẽruã̱xgüxe, erü nanaxwa̱xe nax nüxü̃́ tayaxõgüxü̃ rü tanayauxgüxü̃ i ngẽma maxü̃ i taguma gúxü̃ i tümamaxã inaxunetaxü̃ ya yíxema nüxü̃ ngechaü̃güxe.

Ore i mexü̃ ga Matéu ümatüxü̃ 11:5

¡Rü Cuáü̃maxã nüxü̃ pixu rü ngẽma ngexetügüxü̃ rü marü nidauchigü, rü ngẽma ichixeparaxü̃ rü marü inachigü, rü ngẽma chaxüneã̱xgüxü̃ rü marü naxca̱x nitaanegü, rü ngẽma ngauchi̱xẽgüxü̃ rü marü ningo̱xnamachixẽgü, rü ngẽma yuexü̃ rü wenaxarü namaxẽ, rü ngẽma ngearü diẽruã̱xgüxü̃ rü marü namaxã nüxü̃ tixu i Tupanaarü ore i mexü̃!

Ore i mexü̃ ga Cuáü̃ ümatüxü̃ 9:39

Rü yexguma ga Ngechuchu rü ñanagürü: —Ñoma i naanewa chaxũ nax chayadexechixü̃ca̱x i chorü duü̃xü̃gü nüxna i ngẽma tama choxrü ixĩgüxü̃. Rü nua chaxũ nax ngẽma ngexetügüxü̃ nayadauuchigüxü̃ rü ngẽma idauuchixetügüxü̃ rü ngexetügüxü̃rüxü̃ nax yixĩgüxü̃ —ñanagürü.

Ore i mexü̃ ga Luca ümatüxü̃ 14:24

Erü pemaxã nüxü̃ chixu rü taxuxü̃ma ga yema nüxíra nüxna chaxuxü̃ rü nua chorü õnawa tá nachibüe” —ñanagürü.

Ichaía 35:6

Rü ngẽma ibüyeparagüxü̃ rü ñoma cowü iyayuxnegüxü̃rüxü̃ tá nayayuxnegü. Rü ngẽma tama idexagüxü̃ rü aita tá naxüe. Rü ngextá taxúema íxãpataxü̃wa i íyapaanexü̃wa rü taxü̃ i dexá tá narüyuxü̃chíxü.

Popera ga Yudíugü ga yaxõgüxü̃ca̱x ümatüxü̃ 2:3

Rü yexguma yemaacü napoxcueãgu ga yema duü̃xü̃gü ga tama naga ĩnüexü̃, ¿rü ñuxũcürüwa i yixema i na̱xcha̱xwa ibuxmüxü̃ nax tama tüxü̃ napoxcuexü̃ca̱x ega nüxü̃ ixoegu i ngẽma maxü̃ i mexẽchixü̃ i ñu̱xma Cristugagu tüxna uaxü̃xü̃? Rü nümatama ya tórü Cori nixĩ ga nüxíra naxunagüãxü̃ ga yema maxü̃, rü ñu̱xũchi yixcama nixĩ ga yema nüxü̃ ĩnüexü̃ ga nüxĩ́ mea tüxü̃ nüxü̃ nacua̱xẽẽxü̃ nax aixcüma yixĩxü̃ i tüxü̃́ nangẽxmaxü̃ i ngẽma maxü̃.

1 Chamué 2:8

Tupana rü tümaarü guxchaxü̃wa tüxü̃ narüngü̃xẽxẽ ya yíxema ngearü diẽruã̱xgüxe. Rü guxchirepáü̃wa tüxü̃ ínayaxuchi ya yíxema diẽruca̱x caxaxü̃wa̱xegüxe rü ãẽ̱xgacüxü̃ tüxü̃ nixĩxẽxẽ nax ngẽmaãcü tachigaxü̃ i yatügütanüwa tarütoxü̃ca̱x rü ãẽ̱xgacütanüwa tangexmaxü̃ca̱x. Erü Cori ya Tupana nixĩ i norü yora i ngẽma nagu naxǘnagüxü̃ i ñoma i naane, yerü nüma nixĩ ga nagu naxǘnagüãxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:17

Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:15

Rü naã̱xwa ínaxũxũ ga wüxi ga tara ga guxü̃cüwawa téxü̃ nax yemamaxã nüxü̃ naporamaexü̃ca̱x i guxü̃ma i nachixü̃anegü. Rü nüma rü poraãcü tá namaxã inacua̱x. Rü ñoma úbagü i norü ma̱i̱xruü̃wa ima̱i̱xtüü̃xü̃rüxü̃ tá nixĩ nax napoxcueãxü̃ namaxã i ngẽma poxcu ya Tupana ya Guxü̃étüwa Ngẽxmacü norü numaxã mexẽẽxü̃.

Popera ga Yudíugü ga yaxõgüxü̃ca̱x ümatüxü̃ 13:17

¡Rü naga pexĩnüe i ngẽma perü dauruü̃gü i pemaxã icua̱xgüxü̃, rü penaxü̱x i ngẽma pemaxã nüxü̃ yaxuxü̃! Erü nümagü rü mea Tupanape̱xewa pexna nadaugü, rü nüxü̃ nacua̱xgü nax Tupana tá nüxna ca̱xaxü̃ nachiga nax ñuxãcü pexna nadaugüxü̃. Rü name nixĩ i naga pexĩnüe i perü dauruü̃gü nax taãẽãcüma naxügüã̱xü̃ca̱x i norü puracü rü tama wüxi i norü guxchaxü̃ nax yixĩxü̃ca̱x. Erü ngẽxguma chi wüxi i norü guxchaxü̃ yixĩxgu i ngẽma norü puracü nax pexna nadauxü̃, rü pema rü chi taxuxü̃ma i mexü̃ nawa peyaxu i ngẽma norü puracü.

Ore i mexü̃ ga Luca ümatüxü̃ 24:47

Rü yematama ore i ümatüxü̃wa nüxü̃ nixu rü yimá Cristuégagu tá nixĩ i nüxü̃ yaxugüxü̃ i ore i mexü̃. Rü Yerucharéü̃wa tá inaxügü i ngẽma ñu̱xmatáta guxü̃ i naanewa nangu nax ngẽmaãcü duü̃xü̃gü nüxü̃ rüxoexü̃ca̱x i nacüma i chixexü̃ nax Tupana nüxü̃́ nüxü̃ rüngü̃maxü̃ca̱x i norü pecadugü.

Ore i mexü̃ ga Matéu ümatüxü̃ 11:28

¡Rü nua chauxü̃tawa pexĩ i guxãma i pema ya ipaexe nagagu i perü guxchaxü̃gü rü perü ĩ̱xãchiãẽgü! Rü choma rü tá pexü̃ icharüngü̃güxẽxẽ.

Ichaía 33:23

Rü tórü uanügüarü wapurugüarü naxchirutachinüpaweru rü íyangogügu i natü̱xügü rü tá niwa̱x i ngẽma napáweru. Rü ngẽma naxchirutachinügü i namaxã yaxĩxü̃ rü taxũtáma nitexechigü rü taxucürüwa ngextá naxĩ. Rü ngẽma wapurugüarü ngẽmaxü̃gü i tatanüxü̃ rü Iraétanüxü̃ tá nüxna nanapuxü̃ rü nügü tá nayanu. Rü woo i ngẽma chixeparagüxü̃ rü tá nayana i ngẽma ngẽmaxü̃gü.

Ore i mexü̃ ga Luca ümatüxü̃ 9:10

Rü yexguma nawoegu̱xgu ga yema Ngechuchuarü ngúexü̃gü ga yamugüxü̃, rü Ngechuchumaxã nüxü̃ nixugüe ga yema naxügüxü̃. Rü nüma ga Ngechuchu rü yema norü ngúexü̃gümaxã nixũgachi, rü Bechaídaarü ĩanewa namaxã naxũ.

Ore i mexü̃ ga Matéu ümatüxü̃ 18:31

Rü yexguma yema togü ga ãẽ̱xgacüarü duü̃xü̃gü nüxü̃ daugügu ga yema naxüxü̃ ga yema yatü, rü poraãcü naãxẽwa nangu̱x. Rü norü corixü̃tawa naxĩ rü nüxü̃ nayarüxugüe ga guxü̃ma ga yema ngupetüxü̃.

Ore i mexü̃ ga Matéu ümatüxü̃ 15:12

Rü ñu̱xũchi ga norü ngúexü̃gü rü naxca̱x naxĩ, rü ñanagürügü nüxü̃: —¿Pa Corix, nüxü̃ cucuáxü̃ nax Parichéugü rü naãẽwa nangúxü̃ i ngẽxguma nüxü̃ naxĩnüegu i ngẽma ore i nüxü̃ quixuxü̃? —ñanagürügü.

Chacaría 11:11

Rü yema ngunexü̃gu inarüxo ga yema uneta. Rü yema carnérugümaxã taxegüxü̃ rü choxü̃ inangugügü. Rü yexguma nüxü̃ nicua̱xãchitanü nax Cori ya Tupana yixĩxü̃ ga nawa idexacü ga yema chaxüxü̃.

Chacaría 11:7

Rü ngẽxguma i choma i Chacaría rü nüxna chadau i ngẽma carnérugü i norü daixchicawa nagagüchaü̃xü̃. Rü yexera nüxna chadau i ngẽma carnérugü i rüturamaegüxü̃. Rü taxre i naixmenaxãca̱x chadau. Rü wüxi rü Ngü̃xẽẽgu chanaxüéga, rü ngẽma to rü Wüxiwa Íngexmagüxü̃gu chanaxüéga. Rü ñu̱xũchi nüxna chadau i ngẽma carnérugü.

Yeremía 5:1

Nüma ya Cori ya Tupana rü ñanagürü: —¡Yerucharéü̃arü namagügu pixĩagütanü, rü mea ngẽxma pidauagütanü, rü plázagügu naxca̱x pedau rü aixcüma tá tüxü̃ peyangau ya texé ya mea maxü̃́xẽ rü ixaixcümachaü̃xẽ! Rü ngẽxguma tá tüxü̃ ipeyangauxgu rü taxũtáma chanapoxcu ya Yerucharéü̃.

1 Chamué 25:12

Rü yexguma rü nawoegu ga Dabíarü duü̃xü̃gü. Rü yexguma ínangugügu, rü Dabímaxã nüxü̃ nixugüe ga Nabáxarü ngãxü̃ga.

Wiyaegü 38:7

Rü poraãcü chixaxüne. Rü guxü̃wama i chaxunewa rü chida̱xawe.

Ore i mexü̃ ga Luca ümatüxü̃ 14:20

Rü to rü ñanagürü: “Ngexwacatama chaxãma̱x rü ngẽmaca̱x taxucürüwama ngéma chaxũ”, ñanagürü.

Ore i mexü̃ ga Luca ümatüxü̃ 14:22

Rü yixcamaxü̃ra ga yema coriarü duü̃xü̃ rü norü corixü̃ ñanagürü: “Pa Corix, marü chanaxü i ngẽma chomaxã nüxü̃ quixuxü̃, natürü naxãchicaaneãmatama i nua cupatawa”, ñanagürü.

Ore i mexü̃ ga Matéu ümatüxü̃ 20:7

Rü nümagü nanangãxü̃gü, rü ñanagürügü nüxü̃: “Tama tapuracüe erü taxúema toxca̱x tadau nax tüxü̃́ tapuracüexü̃ca̱x”, ñanagürügü. Rü yexguma ga yema úbanecüarü yora rü ñanagürü nüxü̃: “¡Pema rü ta ngéma chorü úbanecüwa pexĩ rü peyapuracüe! Rü mea tá pexü̃́ chanaxütanü”, ñanagürü.