Ore i mexü̃ ga Luca ümatüxü̃ 14:1 - Tupanaarü Ore

¹ Rü wüxi ga ngü̃xchigaarü ngunexü̃gu rü Ngechuchu rü wüxi ga Parichéugüarü ãẽ̱xgacüpatawa nayachibü. Rü yéma nayexmagü ga togü ga Parichéugü ga yéma bexma Ngechuchuxü̃ ngugüexü̃.

Ore i mexü̃ ga Luca ümatüxü̃ 14:1 Referans Kwoze

Ore i mexü̃ ga Márcu ümatüxü̃ 3:2

Rü Parichéugü, rü Ngechuchuxü̃ nangugügü rü tá namexẽxẽã ga ngü̃xchigaarü ngunexü̃gu, nax yemaacü nüxü̃́ nayexmaxü̃ca̱x ga ta̱xacüca̱x nax ínaxuaxü̃güãxü̃.

Ore i mexü̃ ga Luca ümatüxü̃ 20:20

Rü yema chacherdótegüarü ãẽ̱xgacügü rü Ngechuchuxü̃tawa nanamugü ga ñuxre ga norü duü̃xü̃gü nax mexü̃ ga duü̃xü̃gürüxü̃ yéma iyanaxĩnüẽxü̃ca̱x ga norü ngu̱xẽẽtae, natürü naxca̱x nax nadaugüxü̃ca̱x nax norü ngu̱xẽẽtaegagu nachixü̃anearü ãẽ̱xgacüxü̃tawa Ngechuchuxü̃ ínaxuaxü̃güxü̃ca̱x.

Ore i mexü̃ ga Luca ümatüxü̃ 11:37

Rü yexguma nüxü̃ nachauxgu ga nax yadexaxü̃ ga Ngechuchu rü wüxi ga Parichéu nüxna naxu nax napatawa yachibüxü̃ca̱x. Rü yema Parichéupatawa naxũ, rü mechawa nayarüto.

Wiyaegü 62:4

Rü ngẽma duü̃xü̃gü i chixexü̃ rü ngẽma nagu naxĩnüexü̃xicatama nixĩ nax choxü̃ ínata̱xüchigüxü̃. Rü ngẽma namaxã nataãẽgüxü̃ nixĩ i norü dora. Rü naã̱xmaxã choxü̃ nicua̱xüü̃gü, natürü norü ĩnüwa rü chomaxã naguxchigagü.

Wiyaegü 41:6

Rü ngẽxguma choxü̃ íyadaugügu i ngẽma nax chida̱xawexü̃ rü chomücüxü̃ nügü nixĩxẽẽnetagü. Natürü chauxchi naxaie rü nataãẽgü i ngẽxguma nüxü̃ nadaugügu nax ngúxü̃ chingexü̃. Rü ngẽxguma choxna nawoegu̱xgu rü choxü̃ nacugüe.

Ore i mexü̃ ga Luca ümatüxü̃ 6:7

Rü yema ngúexẽẽruü̃gü ga Moichéarü mugüwa ngu̱xẽẽtaegüxü̃ rü yema Parichéugü, rü Ngechuchuxü̃ nangugügü rü tá ngü̃xchigaarü ngunexü̃gu gumá yumécüxü̃ namexẽxẽ, yerü naxca̱x nadaugü nax ãẽ̱xgacügüxü̃tawa ínaxuaxü̃güãxü̃.

Wiyaegü 37:32

Rü ngẽma duü̃xü̃ i chixexü̃ rü nanangugü ya yimá yatü ya mecü, rü naxca̱x nadau nax ñuxãcü yamáaxü̃ca̱x.

Ore i mexü̃ ga Cuáü̃ ümatüxü̃ 3:1

Nayexma ga wüxi ga Parichéu ga Nicodémugu ãégacü. Rü nüma rü wüxi ga ãẽ̱xgacü ga tachigacü nixĩ ga Yudíugütanüwa.

Ngechuchuarü ngúexü̃gü ga yamugüxü̃arü puracüchiga 5:34

Natürü yema ãẽ̱xgacügütanüwa nayexma ga wüxi ga Parichéu ga Gamarié ga naéga. Rü nüma rü meama nanangúexẽxẽ ga Tupanaarü mugü. Rü guxü̃ma ga duü̃xü̃gü rü nüxü̃ nangechaü̃gü. Rü nüma ga Gamarié inachi rü nanamu nax paxaãchi ínamuxü̃ãxü̃ca̱x ga yema ngúexü̃gü ga Ngechuchu imugüxü̃.

Ore i mexü̃ ga Matéu ümatüxü̃ 12:12

Natürü Tupanape̱xewa rü wüxi i duü̃xü̃ rü poraãcüxüchima wüxi i carnéruarü yexera nixĩ. Rü ngẽmaca̱x name nixĩ i mexü̃ taxü i woo ngü̃xchigaarü ngunexü̃ yixĩxgu —ñanagürü.

Ore i mexü̃ ga Luca ümatüxü̃ 14:2

Rü yéma nayexma ta ga wüxi ga yatü ga ida̱xawexü̃ ga dexámaxã ipu̱xunexü̃.

Ore i mexü̃ ga Luca ümatüxü̃ 17:20

Rü Parichéugü rü Ngechuchuna nacagü, rü ñanagürügü: —¿Ñuxgu tá nixĩ nax yangucuchixü̃ ya Tupana nax ãẽ̱xgacü yixĩxü̃ca̱x i núma? —ñanagürügü. Rü Ngechuchu nanangãxü̃, rü ñanagürü: —Norü nguchiga ya Tupana rü taxũtáma nüxü̃ tacua̱x nax ta̱xacürü ngunexü̃gu tá ínanguxü̃.