Ore i mexü̃ ga Luca ümatüxü̃ 13:8 - Tupanaarü Ore

⁸ Natürü ga yema norü duü̃xü̃ ga norü naanena dauxü̃, rü norü corixü̃ nangãxü̃, rü ñanagürü: “Pa Corix, ¡nüetama doma taunecüxicatama nangexma̱x! Rü tá chanaxaimüanepǘne rü waxmüanexü̃maxã tá chanagüpüne.

Ore i mexü̃ ga Luca ümatüxü̃ 13:8 Referans Kwoze

Norü taxre ga popera ga Pedru ümatüxü̃ 3:9

Rü ñuxre i duü̃xü̃gü rü nagu narüxĩnüe nax tórü Cori tama paxa yangu̱xẽẽãxü̃ i norü uneta. Natürü ngẽmaãcü nixĩ erü yáxna pemaxã naxĩnü. Rü nüma rü tama nanaxwa̱xe nax texé iyarütaxuxü̃, natürü nanaxwa̱xe nax guxãma nüxü̃ rüxoexü̃ i tümacüma i chixexü̃ rü nüxü̃́ tayaxõgüxü̃.

Joel 2:17

¡Rü pexauxe, Pa Chacherdótegüx i Tupanaarü Puracümaxã Icua̱xgüxex, rü ãmarearü guruü̃pe̱xewa Tupanamaxã nüxü̃ pixu rü ñaperügügü nüxü̃! —¡Nüxü̃ nangechaxü̃ i ñaa curü duü̃xü̃gü, Pa Torü Corix ya Tupanax! ¡Rü taxṹ i cunangexrüxü̃ nax togü nüxü̃ cugüexü̃! ¡Rü taxṹ i cunangexrüxü̃ nax togü i nachixü̃anecüã̱xgü namaxã icuáxü̃! ¡Rü taxṹ i cunangexrüxü̃ i ngẽma tama yaxõgüxü̃ nax curü duü̃xü̃güxü̃ nacugüexü̃ ñaxü̃maxã!: “¿Ngexcü ya yimá perü Tupana?” ñaxü̃maxã nacugüexü̃ —ñaperügügü.

Romanos 10:1

Pa Chauenexẽgüx, ngẽma poraãcü chanaxwa̱xexü̃ rü chorü yumüxẽwa Tupanana naxca̱x chacaxü̃ nixĩ nax guxü̃ma i chautanüxü̃ i Yudíugü yaxõgüxü̃ rü ngẽmaãcü aixcüma Tupanaarü duü̃xü̃gü nax yixĩgüxü̃ca̱x.

Yeremía 18:20

¿Rü cuxca̱x namexü̃ nax chixexü̃maxã naxütanüxü̃ i ngẽma mexü̃ i naxca̱x chaxüxü̃? Nümagü rü marü choxü̃ nicaxmaxü̃gü, erü choxü̃ nima̱xgüchaü̃. ¡Rü nüxna nacua̱xãchi nax marü cuxna naxca̱x chacaxü̃ nax namaxã curüngü̃xmüxü̃ca̱x rü nüxna cuyaxũgachixẽẽgüxü̃ca̱x i ngẽma curü nu!

Yeremía 15:1

Nüma ya Cori ya Tupana rü ñanagürü choxü̃: —Rü woo chi Moiché rü Chamué nua chauxü̃tawa ĩxgu nax naétüwa yachogüexü̃ca̱x i ñaa duü̃xü̃gü, rü marü taxũchima nüxü̃́ ichaxĩnü nax choxü̃́ nangechaü̃tümüxü̃güxü̃ i ñaa duü̃xü̃gü. ¡Rü namaxã nüxü̃ ixu rü choxna yaxĩgachitanü!

Wiyaegü 106:23

Rü nüma ga Tupana rü nüxü̃ nixu rü tá nanadai ga yema duü̃xü̃gü. Natürü ga nüma ga Moiché rü naétüwa nachogüama rü yemaca̱x narüngüxmü ga Tupana rü tama nanadai.

Ínachoxü̃xü̃chiga 34:9

Rü ñanagürü: —¡Pa Corix, Pa Corix, rü ngẽxguma aixcüma yixĩxgu nax chomaxã cutaãẽxü̃ rü ẽcü toxü̃ íixümücü! Rü aixcüma nixĩ i tama inaxĩnüechaxü̃xü̃ i ñaa duü̃xü̃gü. ¡Natürü toxü̃́ nüxü̃ irüngüma i torü pecadugü rü chixexü̃gü, rü toxü̃ nade nax curü duü̃xü̃gü tixĩgüxü̃ca̱x! —ñanagürü.

Ore i mexü̃ ga Luca ümatüxü̃ 13:7

Rü yemaca̱x yema norü duü̃xü̃ ga norü naanena dauxü̃xü̃ ñanagürü: “Dücax, tomaepü̱x ya taunecü guxü̃guma íchayadauxü̃ i ñaa igu, rü taguma naxo. Rü ngẽmaca̱x chanaxwa̱xe nax cuyadaxüchixü̃ nax tama natüca̱xma nua naanewa naxĩaneã̱xü̃ca̱x”, ñanagürü nüxü̃.

Ore i mexü̃ ga Luca ümatüxü̃ 13:9

Rü bexmana ngẽxguma ngẽma chaxüxgu rü tá naxo. Natürü ngẽxguma taxũtáma naxo̱xgu rü tá chayadaxüchi” —ñanagürü.

Ore i mexü̃ ga Luca ümatüxü̃ 14:35

Rü taxuwama name. Rü woo waixü̃müarü wamüanexẽẽruü̃ca̱x rü tama name. Rü ítanata̱xmare. Rü yíxema ãchi̱xẽgüxe, ¡rü nüxü̃ taxĩnüe i ngẽma ore! —ñanagürü.