Ore i mexü̃ ga Luca ümatüxü̃ 13:35 - Tupanaarü Ore

³⁵ Dücax ya perü ĩane, rü Tupana tá ínanata̱x. Rü pemaxã nüxü̃ chixu rü taxũtáma wena choxü̃ pedau ñu̱xmatáta ngẽma ngunexü̃ i nagu ñapegügüxü̃: “Namexẽchi nixĩ ya yimá Cori ya Tupanaégagu núma ũcü”, ñapegügü —ñanagürü ga Ngechuchu.

Ore i mexü̃ ga Luca ümatüxü̃ 13:35 Referans Kwoze

Wiyaegü 118:26

Rü Tupana rü namaxã nataãxẽ ya yimá Coriégagu núma ũcü. Rü toma rü Tupanapatawa mexü̃ pemaxã taxuegu.

Ore i mexü̃ ga Cuáü̃ ümatüxü̃ 12:13

Rü yexguma moruátüta nadaü̃gü rü yemamaxã Ngechuchuxü̃ nayatüxgütanüãchi. Rü tagaãcü ñanagürügü: —¡Namaxü̃! ¡Namecümaxüchi ya daa Tupanaégagu núma ũcü! ¡Namecümaxüchi ya daa Iraétanüxü̃arü Ãẽ̱xgacü! —ñanagürügü.

Ore i mexü̃ ga Matéu ümatüxü̃ 21:9

Rü yema duü̃xü̃gü ga nape̱xegu ĩxü̃, rü yema wixweama ãgüxü̃, rü tagaãcü ñanagürügü: —¡Namaxü̃ ya daa Dabítaxa! ¡Rü namecümaxüchi ya daa Tupanaégagu núma ũcü! ¡Rü pema rü ta, Pa Dauxü̃cüã̱x, rü nüxü̃ picua̱xüü̃gü ya Tupana! —ñanagürügü.

Chacaría 12:10

Rü ngẽma Dabítaagütanüwa rü Yerucharéü̃cüã̱xgütanüwa tá chanamu i Chauãxẽ i Üünexü̃ nax yamecümaxü̃ca̱x rü nayumüxẽgüwa̱xegüxü̃ca̱x i ngẽma Dabítanüxü̃ rü ngẽma Yerucharéü̃cüã̱xgü. Rü ngẽxguma tá nüxü̃ nadaugügu ya yima nacanapacütüxü̃güãcü rü tá nangechaü̃gü. Rü naxca̱x tá naxauxe ñoma wüxi i nane i nügümaxã wüxicacüca̱x naxauxexü̃rüxü̃. Rü ñoma nüxíraü̃cü ya nane yu̱xguca̱x naxauxegurüxü̃ tá naxca̱x naxauxe.

Ore i mexü̃ ga Luca ümatüxü̃ 21:24

Rü norü uanügü rü taramaxã tá nanadai i ñuxre. Rü togü, rü tá ínanayauxü̃ nax to i nachixü̃anewa nagagüãxü̃ca̱x. Rü ñu̱xũchi i ngẽma norü uanügü rü tá nagu napogüe ya yima ĩane ya Yerucharéü̃. Rü ngẽmaãcü tá nangupetü ñu̱xmatáta nawa nangu i ngẽma ngunexü̃ i nagu Tupana ínawoxü̃xü̃ i ngẽma uanügü.

Chacaría 14:2

¡Rü dücax! Pa Yerucharéü̃cüã̱xgüx, rü ngẽma ngunexü̃gu rü nüma ya Cori ya Tupana rü tá guxü̃ i nachixü̃anecüã̱xgüxü̃ nangutaque̱xexẽxẽ nax pemaxã nügü nada̱i̱xü̃ca̱x. Rü nagu tá nachocu ya yima perü ĩane, rü wüxichigü ya ĩpatagü rü tá nanadeãcu. Rü ngea̱xgü rü tá tüxü̃ ínayauxü̃ rü tá tümamaxã namaxẽ. Rü ngãxü̃ i petanüxü̃ rü tá nayagagü. Rü ngẽma norü to i ngãxü̃xica tá ngéma nayaxügü.

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Ichaía 52:7

Rü wüxi i taãxẽ nixĩ nax ma̱xpǘneanewa taxca̱x ne naxũxü̃ ya yimá orearü ngeruxü̃ i mexü̃ i ore taxca̱x nua ngecü rü tamaxã nüxü̃ ixucü nax Tupana tá tüxü̃ rüngü̃xẽẽxü̃ rü tüxü̃ ínanguxü̃xẽẽxü̃ naxme̱xwa i tórü uanü. Rü wüxi i taãxẽ tá nixĩ i ngẽxguma Chióü̃cüã̱xgüxü̃ ñaxgu: —Perü Tupana rü marü pemaxã inacua̱x —ñaxgu.

Wiyaegü 69:25

Rü chanaxwa̱xe i ngẽma ínaxãchiü̃güxü̃wa rü chianexü̃xü̃ cunanguxuchixẽxẽ nax taxúema napatagüwa ngẽxmagüxü̃ca̱x.

Yeremía 22:5

Natürü ngẽxguma taxũtáma naga pexĩnüegu i ñaa pemaxã nüxü̃ chixuxü̃ rü naxchipe̱xexica tá ngéma nayaxü ya daa ãẽ̱xgacüpata. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü ya Cori ya Tupana.

Yeremía 35:17

Rü ngẽmaca̱x i choma ya Cori ya Guxãétüwa Ngẽxmacü ya Iraétanüxü̃arü Tupana rü ñachagürü: Ngẽma Yudáanearü duü̃xü̃güca̱x rü Yerucharéü̃arü duü̃xü̃güca̱x tá íchananguxẽxẽ i guxü̃ma i ngẽma guxchaxü̃gü ga namaxã chaxuegugüxü̃. Yerü namaxã chidexa, natürü tama chauga naxĩnüe. Rü naxca̱x chaca, natürü tama cha̱u̱xca̱x naxĩ” —ñanagürü.

Ore i mexü̃ ga Matéu ümatüxü̃ 23:37

Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Ore i mexü̃ ga Luca ümatüxü̃ 19:41

Rü yexguma Yerucharéü̃arü ngaicamana nanguxgu ga Ngechuchu, rü gumá ĩaneca̱x naxaxu.