Ore i mexü̃ ga Luca ümatüxü̃ 13:19 - Tupanaarü Ore

¹⁹ Wüxi ya motachachire ya wüxi ya yatü naanegu toxü̃nerüxü̃ nixĩ. Rü woo naxíraxüchichire̱x ya naxchire natürü ngẽxguma naxüxgu rü naya̱xgu rü wüxi i nanetü i taetaxü̃ nixĩ. Rü ngẽmaca̱x i werigü rü natanügu nixüachiãü̃ —ñanagürü.

Ore i mexü̃ ga Luca ümatüxü̃ 13:19 Referans Kwoze

Danié 4:12

Rü naatügü rü nimexẽchi rü yema nax namuxü̃ ga norü o rü guxü̃ma ga duü̃xü̃güca̱x rü ningu. Rü norü gáuxchipetaxü̃ca̱x natüü̃gu nayacagü ga naxü̃nagü, rü werigü rü nachacüügügu nixüxchiãü̃gü. Rü guxü̃ma i ñoma i naanecüã̱x i duü̃xü̃güca̱x ningu ga norü o.

Ngechuchuarü ngúexü̃gü ga yamugüxü̃arü puracüchiga 4:4

Natürü muxü̃ma ga yema duü̃xü̃gü ga nüxü̃ ĩnüexü̃ ga yema Tupanaarü ore rü nayaxõgü. Rü wixguxüchi 5,000 wa nangu ga yatüxü̃xica ixugügu.

Ngechuchuarü ngúexü̃gü ga yamugüxü̃arü puracüchiga 2:41

Rü yema duü̃xü̃gü ga naga ĩnüexü̃ ga yema ore ga Pedru namaxã nüxü̃ ixuxü̃, rü ínabaiü̃. Rü yema ngunexü̃gu rü poraãcü nayexera ga nax yamuxü̃ ga yema yaxõgüxü̃. Rü 3,000 ga duü̃xü̃gü nixĩ ga Ngechuchuaxü̃́ yaxõgüxü̃ ga yexguma.

Chacaría 2:11

Rü ngẽxguma nawa nanguxgu i ngẽma ngunexü̃ rü muxü̃tama i nachixü̃anegü rü tá Cori ya Tupanawe narüxĩ. Rü nüma rü ñanagürü tá: —Ngẽma nachixü̃anegüarü duü̃xü̃gü rü tá chorü duü̃xü̃gü nixĩgü. Rü choma rü tá natanüwa chamaxü̃ —ñanagürü. Rü ngẽmaãcü i pema rü tá nüxü̃ picua̱xãchitanü nax nüma yixĩxü̃ i choxü̃ namuxü̃ nax pemaxã nüxü̃ chixuxü̃ca̱x i norü ore.

Echequié 31:6

Rü guxü̃raxü̃xü̃ ga werigü rü natanügu naxüxchiãü̃gü. Rü guxü̃raxü̃xü̃ ga naeü̃gü ga naixnecücüã̱x natüxü̃gu naxíxraxacügü. Rü norü gáuxpechitaanexü̃ ningu nax muxü̃ma ga nachixü̃anegü nawa yexmagüxü̃.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Ngechuchuarü ngúexü̃gü ga yamugüxü̃arü puracüchiga 21:20

Rü yexguma Pauruarü orexü̃ naxĩnüegu ga yema yaxõgüxü̃arü ãẽ̱xgacügü, rü Tupanaxü̃ nicua̱xüü̃gü. Rü ñanagürügü Pauruxü̃: —Dücax, Pa Toenexẽx, cuma nüxü̃ cucua̱x rü nangẽxma i muxũchixü̃ i Yudíugü i yaxõgüxü̃. Rü guxü̃ma i nümagü rü nanaxwa̱xegü nax nagu naxĩxü̃ i ngẽma mugü ga Moiché ümatüxü̃.

Ore i mexü̃ ga Matéu ümatüxü̃ 17:20

Rü Ngechuchu nanangãxü̃, rü ñanagürü nüxü̃: —Pema rü taxuacüma ípenata̱xüchi erü tama aixcüma peyaxõgü. Rü aixcüma pemaxã nüxü̃ chixu, rü ngẽxguma chi woo wüxi ya motachachirerüxü̃ naxíraxü̃chigu i perü õ, rü chi daa ma̱xpǘnemaxã nüxü̃ pixuxgu nax yaxũgachixü̃ca̱x, rü chi pega naxĩnü. Rü taxuxü̃chima pexü̃́ naguxcha ega aixcüma peyaxõgügu.

Ichaía 58:11

Rü choma rü tá guxü̃gutáma mea pemaxã ichacua̱x rü ngẽma ínanaianexü̃wa rü taxúema íxãpataxü̃wa rü tá pexna chanaxã i dexá rü pexü̃ tá chaporaexẽxẽ. Rü ngẽxguma rü tá ñoma nanetünecü i meama ixaiyagüxü̃rüxü̃, rü ñoma natü i poraxü̃chíüxü̃rüxü̃ tá pora pexü̃́ nangẽxma.

Ichaía 53:10

Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.

Charumóü̃arü wiyae 6:2

Rü ngĩma rü ngĩgürügü: —Nüma ya chaute ya choxü̃́ ngúchaü̃cü rü norü putüra i líriunecü i yixnecüxü̃wa naxũ nax ngéma nachibüexẽẽxü̃ca̱x i norü carnérugü. Rü ñu̱xũchi ngéma putüragü i líriu tá nayarücawechacu.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:15

Rü yema norü 7 ga Tupanaarü orearü ngeruxü̃, rü nayacue ga norü cornéta. Rü nayexma ga nagagü ga tagaxü̃ ga daxũguxü̃ ga naanewa inaxũgüxü̃ ga ñagüxü̃: “Ñu̱xma rü tórü Cori ya Tupana rü Nane ya Cristu nixĩ i namaxã icua̱xgücü i guxü̃ma i ñoma i naane. Rü nümagü rü guxü̃gutáma namaxã inacua̱xgü”, ñagüxü̃.

Yeremía 31:12

Rü nümagü rü tá Yerucharéü̃wa nangugü, rü Chióü̃arü ma̱xpǘnewa tá taãẽãcü nayawiyaegü. Rü mexü̃wa tá nangẽxmagü, erü Cori ya Tupana rü tá nüxna nanaxã i guxü̃ma i mexü̃gü i trigu rü bínu, rü chíxü̃, rü carnérugü rü wocagü. Rü tá mea nachibüe rü naporae. Rü ñoma wüxi i putüranecü i mea maixnecüxü̃rüxü̃ tá nixĩgü. Rü wüxi i nachixü̃ane i poraxü̃ tá nixĩ, rü taxũtáma wena ngúxü̃ ningegü.

Ichaía 61:11

Rü ñoma naxchiregü waixü̃müwa rüxügünerüxü̃ rü ñoma wüxi i naanewa nanetü rüxügüxü̃rüxü̃ rü Tupana rü ngẽxgumarüxü̃ tá ta nanango̱xẽxẽ i nacüma i aixcüma mexü̃ nax guxü̃ma i nachixü̃anegüwa nüxü̃ yacua̱xüü̃güxü̃ca̱x.

Ichaía 53:1

¿Texé tá tayaxõ ga yema ore ga nüxü̃ ixuxü̃? ¿Rü texéca̱x nixĩ ga nango̱xẽxẽãxü̃ ga norü pora ya Cori ya Tupana?

Charumóü̃arü wiyae 8:13

Pa Cho̱xma̱x i Úbanecümaxã Icua̱xcüx, rü nüxü̃ chaxĩnüchaü̃ i cuga. Rü ngẽma tamücügü rü ta nüxü̃ naxĩnüechaü̃.

Charumóü̃arü wiyae 4:16

Pa Buanecü i Nórtewa Ne Ũcüx, ¡nua naxũ! Pa Buanecü i Súrwaama Ne Ũcüx, ¡nua naxũ! ¡Rü chorü putüranecü ibuaxẽxẽ nax ngẽmaãcü nachacuarü chi̱xemaxü̃ guxü̃wama nanguxü̃ca̱x! ¡Rü nua curü putüranecüwa naxũ, Pa Choxü̃́ Ngúchaxü̃cüx, nax cunangṍxü̃ca̱x i ngẽma norü o i cuxü̃́ chi̱xichixü̃!

Charumóü̃arü wiyae 4:12

Rü cumax, Pa Pacü Pa Cho̱xma̱x, rü mea cugüna cudau. Rü ñoma wüxi i putüranecü i meama ípoxeguxü̃rüxü̃ quixĩ. Rü ñoma puchu i meama rüwãxtaxü̃rüxü̃ quixĩ.

Ore i mexü̃ ga Luca ümatüxü̃ 17:6

Rü yexguma ga Cori ga Ngechuchu rü ñanagürü nüxü̃ ga norü ngúexü̃gü: —Rü ngẽxguma chi woo wüxi i motachachirerüxü̃ naxíraxüchigu i perü õ, rü daa nai rü chi pega naxĩnü ega ñapegügu: “¡Cugü nabe̱x i nua rü már-chiügu cugü yato!” ñapegügu, rü chi pega naxĩnü.

Ore i mexü̃ ga Márcu ümatüxü̃ 4:30

Rü ñanagürü ta ga Ngechuchu: —Tupana ãẽ̱xgacü íyixĩxü̃wa ¿rü nanata̱xacüraxü̃? ¿Rü ta̱xacügu tá tanangu?