Ore i mexü̃ ga Luca ümatüxü̃ 13:17 - Tupanaarü Ore

¹⁷ Rü yexguma yema ñaxgu ga Ngechuchu, rü guxü̃ma ga norü uanügü rü poraãcü naxãnee. Natürü guxü̃ma ga togü ga duü̃xü̃gü rü nataãẽgü ga yexguma nüxü̃ nadaugügu ga yema mexü̃gü ga Ngechuchu üxü̃.

Ore i mexü̃ ga Luca ümatüxü̃ 13:17 Referans Kwoze

Nüxíraxü̃xü̃ ga popera ga Pedru ümatüxü̃ 3:16

Natürü name nixĩ i tama pegü picua̱xüü̃güãcüma penangãxü̃ rü tama pegügu perüxĩnüeãcüma nax ngẽma duü̃xü̃güarü yexera pixĩgüxü̃. Rü name nixĩ i mea pemaxẽ nax taxuca̱xma pexoegaãẽgüxü̃ca̱x. Rü ngẽxguma ngẽmaãcü pemaxẽgu rü tá naxãnẽxẽ i ngẽma duü̃xü̃gü i chixri pechiga idexagüxü̃ naxca̱x nax Cristuca̱x pemaxẽxü̃.

Wiyaegü 132:18

Rü norü uanügü rü poraãcü tá chanaxãneexẽxẽ. Natürü i nüma ya ãẽ̱xgacü rü tá chanataxẽxẽ rü tá nüxna chanaxã i taxü̃ i pora —ñanagürü ga Cori ya Tupana.

Norü taxre ga popera ga Timutéuca̱x naxümatüxü̃ ga Pauru 3:9

Natürü taxũtáma muxü̃ i duü̃xü̃gü nüxü̃́ nayaxõgü i ngẽma duü̃xü̃gü i chixexü̃. Erü guxü̃wama i duü̃xü̃gü rü tá nüxü̃ nicua̱xãchitanü nax wüxi i duü̃xü̃gü i chixexü̃gu rüxĩnüexü̃ rü ngeãẽmarexü̃ yixĩgüxü̃ naxrüxü̃ ga yema taxre ga tama Moichéga ĩnüechaü̃xü̃.

Ngechuchuarü ngúexü̃gü ga yamugüxü̃arü puracüchiga 4:21

Rü yexguma ga yema ãẽ̱xgacügü rü nayaxãxũnegü rü yemaacü ínayamugü. Rü nataxuma ga ta̱xacüca̱x nax napoxcueãxü̃ rü ñu̱xũchi duü̃xü̃güxü̃ namuü̃e, yerü guxü̃ma ga duü̃xü̃gü rü Tupanaxü̃ nicua̱xüü̃gü naxca̱x ga yema nüxü̃ ngupetüxü̃ ga gumá yatü ga chixeparacü.

Ore i mexü̃ ga Luca ümatüxü̃ 20:40

Rü yemawena rü marü namuü̃e nax ta̱xacüca̱x Ngechuchuna nacagüexü̃.

Ore i mexü̃ ga Luca ümatüxü̃ 19:48

Natürü taxucürüwa ta̱xacü namaxã naxügü, yerü guxü̃ma ga duü̃xü̃gü rü namaxã nataãẽgü, rü mea inarüxĩnüe ga norü ore.

Ore i mexü̃ ga Luca ümatüxü̃ 18:43

Rü yexgumatama nidauuchi ga gumá ngexetücü, rü Ngechuchuwe narüxũ, rü Tupanaxü̃ nicua̱xüxü̃chigü. Rü guxü̃ma ga duü̃xü̃gü ga nüxü̃ daugüxü̃ ga yema ngupetüxü̃, rü yexgumarüxü̃ ta Tupanaxü̃ nicua̱xüü̃gü.

Ore i mexü̃ ga Luca ümatüxü̃ 14:6

Rü nümagü rü taxuxü̃maama Ngechuchuxü̃ nangãxü̃gü.

Ichaía 45:24

Rü ngẽxguma rü tá ñanagürügü: “Cori ya Tupanaxicatama nixĩ ya ixaixcümacü ya pora tüxna ãcü”, ñanagürügü tá. Rü guxü̃ma i ngẽma chauxchi aiexü̃ rü tá naxãnee.

Ichaía 4:2

Natürü wüxi i ngunexü̃gu rü ngẽma íyaxügüxü̃tanüwa rü Cori ya Tupana tá nanango̱xẽxẽ ya yimá maxẽxẽẽruxü̃ i ñoma wüxi i nanetü i nachimewa rüxüxü̃rüxü̃. Rü nüma rü ngü̃xẽẽruxü̃ ya poraxüchicü tá nixĩ naxca̱x i ngẽma duü̃xü̃gü i Iraéanewa íyaxügüxü̃. Rü ñu̱xũchi ngẽma íyaxügüxü̃arü nanetügü i naanewa ngẽxmagüxü̃ rü meama tá nixo, rü nümagü i duü̃xü̃gü rü tá poraãcü namaxã nataãẽgü.

Wiyaegü 111:3

Rü ngẽma Tupanaarü puracü rü namexẽchi. Rü nüma rü guxü̃guma mea tamaxã inacua̱x.

Wiyaegü 109:29

Rü ngẽma chorü uanügü rü name nixĩ nax poraãcü naxãneexü̃. ¡Rü ngẽma norü ãne rü noxtacüma yadü̱xã i naxü̃ne ñoma wüxi i naxchirumaxã idü̱xü̱xü̃rüxü̃!

Wiyaegü 40:14

Rü ngẽxgumarüxü̃ ta, Pa Corix, rü chanaxwa̱xe i cunaxãneexẽxẽ i guxü̃ma i ngẽma choxü̃ ima̱xgüchaü̃xü̃. Rü name nax norü ãnemaxã cuyabuxmüxẽẽxü̃ i ngẽma choxü̃ cugüexü̃.

Ínachoxü̃xü̃chiga 15:11

Pa Chorü Cori ya Tupanax, rü ngẽma duü̃xü̃gü namaxã tupanaã́xü̃tanüwa rü nataxuma i ta̱xacü i cumaxã wüxiguxü̃. Rü nataxuma i ta̱xacü i cuxrüxü̃ üünexü̃ rü nüxü̃ cua̱xüchixü̃. Rü cuma cunaxü i ngẽma mexü̃gü i duü̃xü̃gü poraãcü namaxã baixãchiexü̃.

Ichaía 66:5

Rü ñanagürü: —¡Dücax, pema nax Tupanaga pexĩnüexü̃, rü iperüxĩnüe i norü ore! Rü nümaxü̃ i pemücügü i pexchi aiexü̃ rü pewe ingẽxü̃tanüxü̃ naxca̱x nax chorü duü̃xü̃gü pixĩgüxü̃, rü choxü̃ nacugüeãcüma rü ñanagürügü: “Ẽcü Tupana toxü̃ nawé i norü pora erü nüxü̃ tadaugüchaü̃ nax petaãẽgüxü̃”, ñanagürügü. Natürü ngẽma pemücügü i ngẽmaãcü idexagüxü̃ rü Tupana tá nanaxãneexẽxẽ.

Popera ga Títoca̱x naxümatüxü̃ ga Pauru 2:8

Rü ngẽxguma ngẽmaãcü mea cunangúexẽẽgu i ngẽma ore i mexü̃, rü taxúetama texé chixri nachiga tidexa. Rü ngẽxguma ya yíxema chixri tachiga idexagüchaü̃xe rü tá taxãnee erü taxucürüwa ta̱xacürü chixexü̃xü̃ tixugü i tachiga.