Ore i mexü̃ ga Luca ümatüxü̃ 13:11 - Tupanaarü Ore

¹¹ Rü yéma iyexma ga wüxi ga ngecü ga 18 ga taunecü ida̱xawecü. Rü ipüca̱xwe yerü wüxi ga ngo̱xo ngĩxü̃ napüca̱xwexẽxẽ, rü taxuacüma iyarüwe̱xãchi.

Ore i mexü̃ ga Luca ümatüxü̃ 13:11 Referans Kwoze

Ore i mexü̃ ga Luca ümatüxü̃ 8:2

Rü yexgumarüxü̃ ta íiyaxümücügü ga ñuxre ga ngecügü ga ü̃paacü ngo̱xogü ngĩwa ínawoxü̃cü rü ngĩrü da̱xawewa ngĩxü̃ nameexẽẽgücü. Rü yematanüwa iyexma ga María ga Madarénacüã̱xmaxã ngĩxü̃ naxugücü ga ü̃paacü Ngechuchu 7 ga ngo̱xogü ngĩwa ínawoxü̃cü.

Ore i mexü̃ ga Luca ümatüxü̃ 13:16

Rü ñaa ngecü i Abraáü̃tanüxü̃ iyicü, rü Chataná rü 18 ya taunecü ngĩxü̃ ninai namaxã i ñaa da̱xawe. ¿Rü taux ẽ̱xna i namexü̃ i ngü̃xchigaarü ngunexü̃gu nax nawa ngĩxü̃ íchanguxuchixẽẽxü̃ i ngĩrü da̱xawe? —ñanagürü.

Ore i mexü̃ ga Luca ümatüxü̃ 8:27

Rü yexguma marü nguewa ínaxüegu ga Ngechuchu, rü naxca̱x nixũ ga wüxi ga yatü ga gumá ĩanecüã̱x ga mucü ga taunecü ngo̱xogü nawa yexmagücü. Rü guxü̃guma nangexchiruecha. Rü tama wüxi ya ĩpatawa nayexma, rü duü̃xẽchíque̱xetanügu nayarüxauxchigünexü̃.

Wiyaegü 6:2

Pa Corix, ¡cuxü̃́ changechaü̃tümüxü̃ erü choma rü chatura! ¡Pa Corix, cha̱u̱xca̱x yataanexẽxẽ! Erü poraãcü chida̱xawe rü guxü̃ma i chauxune rü nidu̱xru.

Ngechuchuarü ngúexü̃gü ga yamugüxü̃arü puracüchiga 4:22

Rü gumá yatü ga Tupanaarü poramaxã naxca̱x itaanecü, rü 40 arü yexera nixĩ ga norü taunecü.

Ore i mexü̃ ga Luca ümatüxü̃ 8:43

Rü yema duü̃xü̃gütanüwa iyexma ga wüxi ga ngecü ga 12 ga taunecü ãgüechacü. Rü yemamaxã iyada̱xaweecha. Rü dutúrugüxü̃tagu ngĩxü̃ igu̱xẽxẽ ga guxcü ga ngĩrü diẽru, natürü taxuxü̃ma ngĩxca̱x nayataanexẽxẽ.

Ore i mexü̃ ga Márcu ümatüxü̃ 9:21

Rü Ngechuchu rü gumá bucünatüna naca, rü ñanagürü: —¿Rü ñuxgumama nixĩ ga naxca̱x inaxügüxü̃ ga yema? —ñanagürü. Rü gumá bucünatü nanangãxü̃ rü ñanagürü: —Nabuxgumamatama.

Wiyaegü 146:8

Rü yíxema ingexetüxe rü tüxü̃ nidauuchigüxẽxẽ. Rü yíxema ya iyayitanüxe rü tüxü̃ ínarüdagüxẽxẽ. Rü nüma ya Cori rü nüxü̃ nangechaü̃ i ngẽma duü̃xü̃gü i mexü̃ ügüxü̃.

Ngechuchuarü ngúexü̃gü ga yamugüxü̃arü puracüchiga 3:2

Rü yéma gumá Tupanapatawa nayexma ga wüxi ga yatü ga norü bucümatama chixeparacü. Rü guxü̃ ga ngunexü̃gu rü natanüxü̃ rü gumá Tupanapataarü ĩã̱x ga Mexẽchixü̃gu ãégaxü̃gu nayamugüxü̃, nax yéma diẽruca̱x ínaca̱xaxü̃ca̱x nüxna ga duü̃xü̃gü ga gumá Tupanapata ga taxü̃negu chocuxü̃.

Wiyaegü 42:5

¿Rü ñu̱xma rü ta̱xacüca̱x chi íchayaxoõchixü̃? ¿Rü ta̱xacüca̱x chi i naxca̱x chaxoegaãẽxü̃? Rü Tupanawa tá nüxü̃ ichayangau i chorü ngü̃xẽxẽ, rü yimáxü̃ tá nixĩ i chicua̱xüxü̃xü̃. Erü nüma nixĩ ya chorü Tupana ya chorü maxẽẽruxü̃.

Wiyaegü 38:6

Rü ngẽxgumarüxü̃ ta chamatáxü̃ rü guxü̃ma i ngunexü̃gu changechaü̃ rü chanaxĩ̱xãchiãxẽ.

Yox 2:7

Rü yexguma ga nüma ga Chataná rü Cori ya Tupanape̱xewa nixũgachi, rü Yoxca̱x ínananguxẽxẽ ga wüxi ga chaxü̃ne ga poraxü̃ ga guxü̃ma ga naxü̃newa rüyixü̃. Rü naeruwa inaxügü rü ñu̱xmata nacutüwa nangu.

Wiyaegü 145:14

Rü nüma ya Cori ya Tupana rü tüxü̃ ínarüdagüxẽxẽ ya guxãma ya yíxema iyayitanüxe. Rü tüxü̃ naporaexẽxẽ ya guxãma ya yíxema turaexe.

Ore i mexü̃ ga Matéu ümatüxü̃ 4:23

Rü guxü̃ ga Gariréaanegu nixũgüchigü ga Ngechuchu. Rü wüxichigü ga ĩanewa, rü duü̃xü̃güarü ngutaque̱xepataü̃wa ningu̱xẽẽtaechigü. Rü duü̃xü̃gümaxã nüxü̃ nixuchigü ga ore ga mexü̃ nax ãẽ̱xgacü yixĩxü̃ ya Tupana. Rü yema duü̃xü̃gü ga ida̱xaweexü̃ rü nanameexẽxẽ nawa ga guxü̃ma ga norü da̱xawegü rü norü ngu̱xunegü.

Ore i mexü̃ ga Luca ümatüxü̃ 13:12

Rü yexguma Ngechuchu ngĩxü̃ da̱u̱xgu rü ngĩxca̱x naca, rü ñanagürü ngĩxü̃: —Pa Ngecüx, ñu̱xma rü marü cuxca̱x nitaane i curü da̱xawewa —ñanagürü.

Ore i mexü̃ ga Luca ümatüxü̃ 21:28

Rü ngẽxguma inaxügügu nax naxüpetüxü̃ i ngẽma pemaxã nüxü̃ chixuxü̃, rü name nixĩ nax petaãẽgüxü̃ rü mea pedaunagüxü̃, erü paxa tá íchangu nax pexü̃ íchanguxü̃ẽxẽxü̃ca̱x —ñanagürü.