Ore i mexü̃ ga Luca ümatüxü̃ 12:9 - Tupanaarü Ore

⁹ Natürü texé ya ñoma i naanewa duü̃xü̃güpe̱xewa tügü ixuxe nax tama chorü duü̃xü̃ tixĩxü̃, rü choma rü Tupanaarü orearü ngeruü̃gü i daxũcüã̱xpe̱xewa rü tá tüxü̃ chixu nax tama chorü duü̃xü̃ tixĩxü̃ i tümax.

Ore i mexü̃ ga Luca ümatüxü̃ 12:9 Referans Kwoze

Norü taxre ga popera ga Timutéuca̱x naxümatüxü̃ ga Pauru 2:12

Rü ngẽxguma ñoma i naanewa yáxna namaxã ixĩnüegu ega ngúxü̃ ingexgu, rü daxũguxü̃ i naanewa rü wüxigu namaxã tá ãẽ̱xgacügü tixĩgü. Natürü ngẽxguma tama Cristuxü̃ icuáxchaü̃gu i ñoma i naanewa, rü nüma rü tá ta taxũtáma tüxü̃ nacuáxchaü̃ i daxũguxü̃ i naanewa.

Ore i mexü̃ ga Luca ümatüxü̃ 9:26

Rü ngẽxguma texé cha̱u̱xca̱x ãnegu rü naxca̱x taxãneegu i chorü ore, rü Tupana Nane ya duü̃xü̃xü̃ ixĩcü rü tá ta tümaca̱x naxãne i ngẽxguma norü üünemaxã rü Nanatüarü üünemaxã rü norü orearü ngeruü̃gü i üünexü̃maxã núma naxũxgu.

Ore i mexü̃ ga Márcu ümatüxü̃ 8:38

Rü ngẽxguma texé i ñaa duü̃xü̃gü i pecaduã̱xgüxü̃ i tama yaxõgüxü̃pe̱xewa cha̱u̱xca̱x ãnegu rü naxca̱x taxãneegu i chorü ore, rü choma ya Tupana Nane nax duü̃xü̃xü̃ chixĩxü̃ rü tá ta tümaca̱x chaxãne i ngẽxguma Chaunatüarü poramaxã rü norü orearü ngeruü̃gü i daxũcüã̱x i üünegüxü̃maxã wenaxarü núma chaxũxgu —ñanagürü.

Ore i mexü̃ ga Matéu ümatüxü̃ 10:33

Natürü texé ya duü̃xü̃güpe̱xewa tügü ixuxe nax tama chorü duü̃xü̃ tixĩxü̃, rü choma rü tá ta Chaunatü ya daxũgucüpe̱xewa tüxü̃ chixu nax tama chorü duü̃xü̃ tixĩxü̃ i tümax.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:8

Rü ñanagürü i nümax: ‘Choma nüxü̃ chacua̱x i guxü̃ma i ngẽma cuxüxü̃. Rü cuxca̱x chayawãxna i wüxi ya ĩã̱x rü taxucürüwa texe cuxcha̱xwa tanawãta. Rü choma nüxü̃ chacua̱x nax tama cuporaxüchixü̃, natürü naga cuxĩnü i chorü ore, rü tama icuyacu̱x nax chorü duü̃xü̃ quixĩxü̃.

Ore i mexü̃ ga Matéu ümatüxü̃ 7:23

Natürü ngẽxguma i choma rü tá ñachagürü nüxü̃: ‘Taguma pexü̃ chacua̱x nax chorü duü̃xü̃gü pixĩgüxü̃. ¡Rü choxna pixĩgachi i pema i chixexü̃arü üruü̃gü!’ ñachagürü tá.

Nüxíraxü̃xü̃ ga popera ga Cuáü̃ ümatüxü̃ 2:23

Guxãma ya yíxema tama nüxü̃ cuáxchaü̃xe ya Tupana Nane ya Ngechuchu, rü ngẽxgumarüxü̃ ta tama nüxü̃ tacuáxchaü̃ ya Tanatü ya Tupana. Natürü yíxema Ngechuchuaxü̃́ yaxṍxe, rü Tanatü ya Tupanaaxü̃́ rü ta tayaxõ.

Ore i mexü̃ ga Matéu ümatüxü̃ 25:12

Natürü nüma ga cori, rü ngĩxü̃ nangãxü̃, rü ñanagürü: “Pemaxã nüxü̃ chixu rü aixcüma tama pexü̃ chacua̱x nax texégü pixĩgüxü̃” —ñanagürü.

Nüxíraxü̃xü̃ ga popera ga Cuáü̃ ümatüxü̃ 2:28

Rü ñu̱xmax, Pa Chauxacügüx, rü name nixĩ nax meama Cristuaxü̃́ peyaxõgüxü̃ nax tama nüxü̃ imuü̃exü̃ca̱x, rü tama ixãneexü̃ca̱x nape̱xewa i ngẽxguma wena nua naxũxgu.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

Ore i mexü̃ ga Matéu ümatüxü̃ 25:31

Rü ñanagürü ga Ngechuchu: —Ngẽxguma wenaxarü núma naxũxgu ya Tupana Nane ya duü̃xü̃xü̃ ixĩcü, rü norü tochica i mexẽchixü̃wa tá narüto. Rü norü orearü ngeruü̃gü i daxũcüã̱x rü tá nanaxümücügü.

Ore i mexü̃ ga Luca ümatüxü̃ 15:10

Rü pemaxã nüxü̃ chixu rü ngẽxgumarüxü̃ ta nataãẽgü i daxũcüã̱x i Tupanaarü orearü ngeruü̃gü i ngẽxguma wüxi i duü̃xü̃ i pecaduã́xü̃ nüxü̃ rüxoxgu i nacüma i chixexü̃ rü Tupanaaxü̃́ yaxõõgu —ñanagürü ga Ngechuchu.

Ore i mexü̃ ga Luca ümatüxü̃ 22:57

Natürü ga Pedru rü nügü nixã, rü ñanagürü: —Pa Ngecüx, choma rü tama nüxü̃ chacua̱x ya yimá Ngechuchu —ñanagürü.