Ore i mexü̃ ga Luca ümatüxü̃ 12:31 - Tupanaarü Ore

³¹ Rü ngẽmaca̱x narümemae nixĩ nax Tupanaarü ngúchaü̃ca̱x pedaugüxü̃ nax perü ãẽ̱xgacü yixĩxü̃ca̱x. Rü ñu̱xũchi nüma rü tá pexna nanaxã i guxü̃ma i ta̱xacü i pexü̃́ taxuxü̃.

Ore i mexü̃ ga Luca ümatüxü̃ 12:31 Referans Kwoze

Ore i mexü̃ ga Matéu ümatüxü̃ 6:33

Rü ngẽmaca̱x guxü̃arü yexera penaxwa̱xe nax naga pexĩnüexü̃ ya Tupana ya daxũwa ãẽ̱xgacü ixĩcü, rü penaxüxü̃ i ngẽma nüma pexü̃́ nanaxwa̱xexü̃. Rü ngẽxguma i nüma rü naétü tá pexna nanaxã i guxü̃ma i ngẽma pexü̃́ taxuxü̃.

Popera ga Yudíugü ga yaxõgüxü̃ca̱x ümatüxü̃ 13:5

Rü tama name nax diẽruguama perüxĩnüexü̃. Rü name nixĩ i namaxã petaãẽgü i ngẽma marü pexü̃́ ngẽxmaxü̃. Yerü Tupana rü ñanagürü: “Tagutáma cuxna chixũ, rü tagutáma cuxü̃ íchata̱x”, ñanagürü.

Wiyaegü 34:9

Rü pema i aixcüma Cori ya Tupanaxü̃ ngechaü̃güxe, rü name nixĩ i nüxü̃ pemuü̃xe. Rü yíxema nüxü̃ muü̃xe rü taxuxü̃táma ta̱xacü tüxü̃́ nataxu.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:8

Rü wüxi i mexü̃ nixĩ nax yaxĩã̱xcüüxẽẽxü̃ i taxü̃ne nax naporaxü̃ca̱x. Natürü ngẽmaarü yexera narümemae nixĩ nax yigü iporaxẽẽxü̃ nax Tupanaga ixĩnüxü̃ca̱x erü ngẽma rü guxü̃wama tüxü̃́ name i ñu̱xma nax imaxẽxü̃ rü guxü̃gutáma i daxũguxü̃ i naanewa rü ta.

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

Wiyaegü 84:11

Erü nüma ya Cori ya Tupana rü norü duü̃xü̃güxü̃ nibáixmaxü̃ rü ínanapoxü̃. Rü yíxema tama naxügüxe i ngẽma chixexü̃ rü nüma ya Tupana rü tüxü̃ nangechaü̃ rü tüxü̃ nicua̱xüxü̃ rü tama tüxna nanachu̱xu i norü mexü̃.

Romanos 8:31

¿Rü ñuxũ ñagüxü̃ tá i ñu̱xma i ngẽmachiga? Rü ngẽxguma Tupana taétüwa üxgu, ¿rü texé tá nüxü̃ tarüyexera nax chixexü̃ tamaxã taxüxü̃ca̱x?

Wiyaegü 37:3

¡Rü nüxü̃ yaxõ ya Cori ya Tupana rü mexü̃ naxü! ¡Rü mea ñoma i naanewa namaxü̃ rü aixcüma mexü̃ naxü!

Wiyaegü 37:25

Rü yexguma changextü̱xügu rü ñu̱xma nax chayáxü̃gu rü taguma nüxü̃ chadau nax ngexta nata̱xmarexü̃ ya wüxi ya yatü ya mexü̃ ücü, rü woo i nanegü i nüxü̃ chadauxü̃ i ngextá paũca̱x nax naca̱a̱xü̃wa̱xegüxü̃.

Wiyaegü 37:19

Rü ngẽxguma guxchaxü̃gü íngugügu, rü taiya ngu̱xgu, rü taxũtáma ãne tinge ya yíxema mexü̃gu rüxĩnüexe, erü õna rü tá tüxü̃́ ningu.

Ore i mexü̃ ga Luca ümatüxü̃ 10:42

Natürü wüxixicatama nixĩ i guxü̃arü yexera i mexü̃ nax nagu curüxĩnüxü̃. Rü María iyixĩ i nayaxucü i ngẽma rümemaxü̃. Rü taxúetama tá ngĩxna tayanuxü̃ i ngẽma —ñanagürü ga Ngechuchu.

Ore i mexü̃ ga Luca ümatüxü̃ 12:30

Erü ñoma i naanecüã̱x i duü̃xü̃gü rü naxca̱x nadaugü i guxü̃ma i ngẽma pemaxã nüxü̃ chixuxü̃. Natürü pema rü pexü̃́ nangẽxma ya Penatü ya Tupana ya nüechama nüxü̃ cuácü nax pexü̃́ nataxuxü̃ i guxü̃ma i ngẽma.