Ore i mexü̃ ga Luca ümatüxü̃ 12:30 - Tupanaarü Ore

³⁰ Erü ñoma i naanecüã̱x i duü̃xü̃gü rü naxca̱x nadaugü i guxü̃ma i ngẽma pemaxã nüxü̃ chixuxü̃. Natürü pema rü pexü̃́ nangẽxma ya Penatü ya Tupana ya nüechama nüxü̃ cuácü nax pexü̃́ nataxuxü̃ i guxü̃ma i ngẽma.

Ore i mexü̃ ga Luca ümatüxü̃ 12:30 Referans Kwoze

Ore i mexü̃ ga Matéu ümatüxü̃ 6:32

Erü ngẽma duü̃xü̃gü i tama yaxõgüxü̃ rü naxca̱x naxoegaãẽgü i guxü̃ma i ngẽma nüxü̃́ taxuxü̃. Natürü i pema rü pexü̃́ nangẽxma ya Penatü ya Daxũgucü ya nüechama nüxü̃ cuácü i guxü̃ma i ngẽma pexü̃́ taxuxü̃.

Ore i mexü̃ ga Matéu ümatüxü̃ 6:8

Rü tama name i ngẽma duü̃xü̃gürüxü̃ pixĩgü, erü woo tauta naxca̱x ípecaxgu rü Penatü rü marü nüxü̃ nacua̱x nax ta̱xacü pexü̃́ taxuxü̃.

Efesios 4:17

Rü ñu̱xma rü Cristuégagu pexü̃ chaxucu̱xẽ nax tama nagu pexĩxamaxü̃ca̱x i ngẽma nacümagü i ngẽma duü̃xü̃gü i tama Tupanaxü̃ cua̱xgüxü̃ i naechitamare maxẽxü̃.

Ore i mexü̃ ga Luca ümatüxü̃ 12:32

¡Taxṹ i pemuü̃exü̃, Pa Chauxacügüx! Pema rü noxretama pixĩgü natürü Penatü ya Tupana rü norü ngúchaü̃ nixĩ nax pexna naxããxü̃ i pechica i ngextá nüma ãẽ̱xgacü íyixĩxü̃wa.

Ore i mexü̃ ga Matéu ümatüxü̃ 18:14

Rü ngẽxgumarüxü̃ ta ya Penatü ya daxũgucü rü tama nanaxwa̱xe nax iyanataxuxü̃ i wüxi i ñaa buxü̃gü.

1 Tesalonicenses 4:5

Rü tama name i nagu pemaexü̃ i ngẽma naxü̃nearü ngúchaü̃gü i nagu namaxẽxü̃ i ngẽma duü̃xü̃gü i tama Tupanaxü̃ cua̱xgüxü̃.

Ore i mexü̃ ga Matéu ümatüxü̃ 10:20

Rü taxũtáma pema nixĩ i pidexagüxü̃, natürü Tupanaãxẽ ya Üünecü tá nixĩ i pewa idexaxü̃.

Ore i mexü̃ ga Matéu ümatüxü̃ 5:47

Rü ngẽxguma chi peenexẽgüxü̃xicatama perümoxẽgu, rü guxü̃ i duü̃xü̃gürüü̃tama pixĩgü. Erü woo ngẽma duü̃xü̃gü i tama Tupanaxü̃ cua̱xgüxü̃, rü ngẽxgumarüü̃tama nanaxügü.

Ore i mexü̃ ga Cuáü̃ ümatüxü̃ 20:17

Rü Ngechuchu rü ñanagürü ngĩxü̃: —¡Taxṹ i choxü̃ quingõgüxü̃, erü tauta Chaunatüxü̃tawa chaxũ! ¡Natürü ngéma chauenexẽgütanüwa naxũ rü namaxã nüxü̃ yarüxu nax choma rü tá Chaunatü ya Tupana ya Penatü ya Tupanaxü̃tawa chaxũxü̃! —ñanagürü.

Ore i mexü̃ ga Matéu ümatüxü̃ 6:1

Rü ngẽxguma ta̱xacürü mexü̃ pexü̱xgu, rü name i pexuãxẽ nax tama duü̃xü̃güpe̱xewa penaxüxü̃ i ngẽma nax duü̃xü̃gü pexü̃ dauxü̃ca̱x rü pexü̃ yacua̱xüü̃güxü̃ca̱x. Erü ngẽxguma duü̃xü̃gü pexü̃ icua̱xüü̃güxü̃ca̱x mexü̃ pexü̱xgu, rü Penatü ya daxũgucü rü taxũtáma ãmare pexna naxã.

Ore i mexü̃ ga Luca ümatüxü̃ 12:29

Rü ngẽmaca̱x tama name i pexoegaãxẽ naxca̱x i ta̱xacü tá pengṍxü̃ rü ta̱xacü tá pixaxüxü̃.

Ore i mexü̃ ga Luca ümatüxü̃ 12:31

Rü ngẽmaca̱x narümemae nixĩ nax Tupanaarü ngúchaü̃ca̱x pedaugüxü̃ nax perü ãẽ̱xgacü yixĩxü̃ca̱x. Rü ñu̱xũchi nüma rü tá pexna nanaxã i guxü̃ma i ta̱xacü i pexü̃́ taxuxü̃.