Ore i mexü̃ ga Luca ümatüxü̃ 12:28 - Tupanaarü Ore

²⁸ Rü marü nüxü̃ pedau i ñuxãcü Tupana nax nanga̱xãẽxü̃ i putüragü i ñu̱xma naanewa rüxügümarexü̃ natürü moxü̃ rü marü taxuxü̃. Rü ngẽxguma Tupana ngẽmaãcü nanga̱xãẽgu i putüragü, rü pema rü tá ngẽmaarü yexera pexchiru pexna naxã, Pa Duü̃xü̃gü i Írarüwatama Yaxõgüxü̃x.

Ore i mexü̃ ga Luca ümatüxü̃ 12:28 Referans Kwoze

Ore i mexü̃ ga Matéu ümatüxü̃ 14:31

Rü yexgumatama ga Ngechuchu rü Pedrume̱xẽgu nayayauxãchi, rü ñanagürü nüxü̃: —Cuma rü írarüwatama cuyaxõ. ¿Rü tü̱xcüü̃ tama aixcüma cuyaxõ? —ñanagürü.

Ore i mexü̃ ga Matéu ümatüxü̃ 17:20

Rü Ngechuchu nanangãxü̃, rü ñanagürü nüxü̃: —Pema rü taxuacüma ípenata̱xüchi erü tama aixcüma peyaxõgü. Rü aixcüma pemaxã nüxü̃ chixu, rü ngẽxguma chi woo wüxi ya motachachirerüxü̃ naxíraxü̃chigu i perü õ, rü chi daa ma̱xpǘnemaxã nüxü̃ pixuxgu nax yaxũgachixü̃ca̱x, rü chi pega naxĩnü. Rü taxuxü̃chima pexü̃́ naguxcha ega aixcüma peyaxõgügu.

Ore i mexü̃ ga Matéu ümatüxü̃ 6:30

Rü ngẽxguma Tupana ngẽmaãcü nanga̱xãẽgu i ngẽma putüragü i ñu̱xma ngẽxmagüxü̃ rü moxü̃ rü marü taxuxü̃, rü yexera tá pexna nadau i pemax, Pa Duü̃xü̃gü i Tama Mea Yaxõgüxü̃x.

Nüxíraxü̃xü̃ ga popera ga Pedru ümatüxü̃ 1:24

Erü Tupanaarü ore i ümatüxü̃wa rü ñanagürü: “Guxü̃ma i duü̃xü̃gü rü ñoma wüxi i natüanerüü̃mare nixĩ. Rü guxü̃ma i norü mexü̃, rü wüxi i nanetüchacurüü̃mare nixĩ. Rü ngẽma natüane rü nayu, rü nachacu rü narüngu. Rü ngẽxgumarüxü̃ ta tama natai i duü̃xü̃güarü maxü̃ i ñoma i naanewa.

Ore i mexü̃ ga Luca ümatüxü̃ 8:25

Rü yexguma ga Ngechuchu rü ñanagürü nüxü̃ ga norü ngúexü̃gü: —¿Ta̱xacü pexü̃ naxüpetü rü ngẽmaca̱x tama mea peyaxõgüxü̃? —ñanagürü. Natürü ga nümagü rü naba̱i̱xãchiãẽgü. Rü nügüna nicachigü, rü ñanagürügü: —¿Ta̱xacü ẽ̱xna nixĩ i ñaa yatü rü ngẽmaca̱x a̱i̱xrücü ya buanecü rü yuape rü naga naxĩnüexü̃? —ñanagürügü.

Ore i mexü̃ ga Matéu ümatüxü̃ 17:17

Rü yexguma Ngechuchu nanangãxü̃, rü ñanagürü nüxü̃ ga yema duü̃xü̃gü ga yéma yexmagüxü̃: —Pa Duü̃xü̃gü i Tama Yaxõgüxü̃ i Chixri Maxẽxü̃, ¿ñuxguratáta i pemaxã chanuxmaxü̃ rü yáxna pemaxã chaxĩnüxü̃? ¡Nua penaga ya yimá bucü! —ñanagürü.

Ore i mexü̃ ga Matéu ümatüxü̃ 16:8

Natürü ga Ngechuchu rü nüxü̃ nacua̱xama nax yemaacü nügümaxã yadexagüxü̃ ga norü ngúexü̃gü. Rü yemaca̱x ñanagürü nüxü̃: —“¿Tü̱xcüü̃, tüxü̃́ nataxu i paũ”, ñaperügügü? Pema rü tama aixcüma peyaxõgü.

Ore i mexü̃ ga Matéu ümatüxü̃ 8:26

Rü Ngechuchu nanangãxü̃, rü ñanagürü nüxü̃: —Pa Duü̃xü̃gü i Tama Aixcüma Yaxõgüxü̃x, ¿tü̱xcüü̃ pemuü̃e? —ñanagürü. Rü yexguma ga Ngechuchu rü ínarüda, rü buanecüna rü yuapena nachogü. Rü ínayachaxãchi ga buanecü, rü inayarüxo ga yuape, rü ínachaxanemare.

Ichaía 40:6

Rü wüxi i naga rü ñanagürü: —¡Tagaãcü aita naxü! —ñanagürü. Rü choma rü ñachagürü: —¿Ta̱xacüxü̃ tá tagaãcü chixu? —ñachagürü. Rü choxü̃ nangãxü̃ rü ñanagürü: —Guxü̃ma i duü̃xü̃gü rü ñoma natüanerüxü̃ paxaãchitama nixĩ. Rü wüxi i putüra i paxaãchi boxüxü̃rüxü̃ nixĩ.

Popera ga Yudíugü ga yaxõgüxü̃ca̱x ümatüxü̃ 6:7

Rü wüxi i naane i pucü mea nagu nguxü̃ rü meama nanetü nawa nayae tümaca̱x ya yíxema nagu üanexe, rü Tupanaarü ngü̃xẽẽgagu nixĩ i ngẽma.