Ore i mexü̃ ga Luca ümatüxü̃ 12:25 - Tupanaarü Ore

²⁵ Rü taxuwama name nax pexoegaãẽgüxü̃. Erü taxucürüwama i wüxíe i pema rü wüxi i ora pematama nüxü̃ pema̱xneta i perü maxü̃ woo poraãcü naxca̱x pexoegaãẽgügu.

Ore i mexü̃ ga Luca ümatüxü̃ 12:25 Referans Kwoze

Ore i mexü̃ ga Matéu ümatüxü̃ 6:27

¿Rü texé i petanüwa rü woo poraãcü taxoegaãẽgu rü ngẽmaãcü tá itanama̱xãchixẽxẽ i tümaarü maxü̃ i wüxi i ora?

Ore i mexü̃ ga Matéu ümatüxü̃ 5:36

Rü tama name i cueruégagu icuxuneta, erü woo wüxitama i cuyae rü taxucürüwa cunamu nax nachóxü̃ca̱x rüe̱xna nawaxü̃ca̱x.

Ore i mexü̃ ga Luca ümatüxü̃ 19:3

Rü yema Chaquéu rü poraãcü nüxü̃́ nangúchaü̃ nax Ngechuchuxü̃ nadauxü̃, natürü taxucürüwa nüxü̃ nadau, yerü namuxũchi ga duü̃xü̃gü, rü ñu̱xũchi nanuxchanexü̃chi ga nümax.

Wiyaegü 39:5

Erü ñaa maxü̃ i choxna cuxãxü̃ rü aixcüma nanuxũ. Rü cupe̱xewa rü chorü maxü̃ rü wüxi i paxaãchica̱x nixĩ. Rü wüxichigü i duü̃xü̃arü maxü̃ rü ñoma wüxi i ngü̃ãcüürüxü̃ nixĩ.

Ore i mexü̃ ga Luca ümatüxü̃ 12:26

Rü ngẽxguma tama pemaxã nanguxü̃gu nax penaxüxü̃ i ngẽma íraxchiréxü̃ nax wüxi i ora nüxü̃ pema̱xnetaxü̃ i perü maxü̃, rü ¿tü̱xcüü̃ naxca̱x pexoegaãxẽgüxü̃ i ngẽma pexü̃́ taxuxü̃?