Ore i mexü̃ ga Luca ümatüxü̃ 12:19 - Tupanaarü Ore

¹⁹ Rü ngẽxguma marü namexgu i guxü̃ma, rü chaugümaxã tá ñacharügü: ‘Ñu̱xma rü tá icharüngü̃ rü mea tá chachibü rü mea chaxaxe rü ngẽmaãcü tá chataãxẽ. Erü namuxũchi i chorü ngẽmaxü̃gü, rü mucüma ya taunecü tá choxü̃́ natai’, ñacharügü tá chaugümaxã”.

Ore i mexü̃ ga Luca ümatüxü̃ 12:19 Referans Kwoze

Ucu̱xẽgüchiga 27:1

¡Taxṹ i cugü quicua̱xüxü̃ naxca̱x i ngẽma moxü̃ cuxüxchaü̃xü̃, erü tama nüxü̃ cucua̱x i ta̱xacü tá cuxü̃ ngupetüxü̃ i moxü̃arü ngunexü̃gu!

1 Corintios 15:32

Choma rü nua Epéchiuwa rü Tupanaarü orechigagu chorü uanügümaxã poraãcü togü tachoxü̃gagü. Rü ñoma naeü̃ i idüraexü̃maxã togü tadaixü̃rüxü̃ tixĩgü. ¿Natürü ta̱xacüwa choxü̃́ namexü̃ ga yema ega chorü maxü̃ i ñoma i naanewa choxü̃́ ngẽxmaxü̃ca̱xicatama yixĩxgu? Rü ngẽxguma chi aixcüma yixĩxgu nax tama wena namaxẽxü̃ i yuexü̃, rü marü name i ñatarügügü: “¡Ngĩxã tachibüe rü taxaxegü, erü paxa tá tayue!” ñatarügügü.

Ichaía 5:11

Rü pegümaxã pengechaü̃gü i pemax marü yangunechaü̃gu írüdagüxe nax pegü pengãxẽxẽẽxü̃ca̱x rü ñu̱xmata pechütaxü̃gümare.

Ngu̱xẽẽtaeruü̃arü ore 11:9

¡Nataãxẽ Pa Ngextü̱xücüx, rü ñoma rü ta cupora! ¡Rü nataãxẽ namaxã i ngẽma cuxü̃́ mexü̃ ñoma rü ta cuxü̃́ natauxcha! ¡Rü naxü i ngẽma nagu curüxĩnüxü̃, natürü nüxna nacua̱xãchi rü guxü̃ma i ngẽma cuxüxü̃ca̱x rü Tupana tá cuxna naca!

Popera ga Chantiágu ümatüxü̃ 5:5

Rü ñoma i naanewa rü pegü penga̱xãẽgü rü pemepata rü pemuarü ngẽmaxü̃ã̱xgü rü petaãẽgü rü mea pechibüe. Natürü nawa tá nangu i ngẽma ngunexü̃ nax ñoma wocagü i ngüexü̃rüxü̃ tá pedaixü̃.

Filipenses 3:19

Natürü ngẽma duü̃xü̃gü rü tá napoxcue. Rü ngẽma naxü̃nearü ngúchaü̃ nixĩ i namaxã natupanaã̱xgüxü̃. Rü woo nüxü̃ nacua̱xchire̱x nax wüxi i ãne nax yixĩxü̃ i ngẽma chixexü̃ i naxügüxü̃, natürü nügü namaxã nicua̱xüü̃gü. Rü ñoma i naanearü ngẽmaxü̃guxicatama narüxĩnüe.

Ucu̱xẽgüchiga 18:11

Ngẽma duü̃xü̃ i diẽruã̱xü̃chixü̃, rü norü diẽruna narüyoe. Rü nüma nagu naxĩnügu, rü ngẽma norü diẽru tá ínanapoxü̃ ñoma wüxi ya ĩane ya meama ípoxegunerüxü̃.

Wiyaegü 62:10

¡Rü taxṹ i máetagu perüxĩnüexü̃ rüe̱xna ngĩ̱xgu perüxĩnüexü̃ nax ngẽmaãcü pegü pediẽruã́xü̃ca̱x! Rü ngẽxguma chi pemuarü diẽruã̱xgu rü ¡taxṹ i ngẽma perü diẽrugu perüxĩnüexü̃ nax ngẽmamaxã petaãẽgüxü̃ca̱x!

Yema Cuáü̃ nüxü̃ dauxü̃ i yixcüra tá ngupetüxü̃chiga 18:7

¡Rü ñu̱xma nax ngẽma ĩanecüã̱x nügü yacua̱xüxü̃güxü̃ rü mexẽchixü̃wa nax namaxẽxü̃, rü ngẽxgumarüxü̃ tá ta nixĩ nax ngúxü̃ nüxü̃ pingexẽxẽgüxü̃ rü ngechaü̃ nüxü̃ pingexẽxẽgüxü̃! Erü ngẽma ĩanecüã̱x rü nügüãẽwa ñanagürügü: ‘Yixema rü ñoma wüxi i ngexü̃ i nachixü̃anearü ãẽ̱xgacüma̱xrüxü̃ mexẽchixü̃wa tangexmagü. Rü tagutáma wüxi i yutexü̃rüxü̃ tangechaü̃gü’, ñanagürügü i ngẽma ĩanecüã̱x.

Nüxíraxü̃xü̃ ga popera ga Pedru ümatüxü̃ 4:3

Ü̃pa ga pemax, rü mucüma ga taunecü nagu pemaxẽ i ngẽma chixexü̃ i ñu̱xma ngẽma duü̃xü̃gü i tama Tupanaxü̃ cua̱xgüxü̃ nagu maxẽxü̃. Rü yexguma ga pema rü pecadugu pemaxẽ, rü penaxü ga pexenearü ngúchaü̃, rü õnagü ga taxü̃ pexügü, rü petagü ga nawa pexãũgatanüxü̃ pexügü, rü pengãxẽ, rü tupananetachicüna̱xãgüxü̃ picua̱xüü̃gü.

Norü taxre ga popera ga Timutéuca̱x naxümatüxü̃ ga Pauru 3:4

Rü duü̃xü̃güechitawa̱xegüxü̃ tá nixĩgü, rü nuewa̱xexü̃ tá nixĩgü, rü chixexü̃gu maxẽxü̃ tá nixĩgü. Rü norü ngúchaü̃ca̱xama tá nadaugü, rü taxũtáma Tupanaxü̃ nacua̱xgüchaü̃.

Ochéa 12:8

Rü nagu perüxĩnüe nax ngẽmaãcü pimuarü diẽruã̱xü̃chi, rü taxúetama pexü̃ cuáxü̃ nax naxca̱x pengĩ́ãcüma pexü̃́ nangẽxmaxü̃ i perü ngẽmaxü̃gü.

Ichaía 22:13

Natürü pemax rü taãẽgu, rü petagu iperücho. Rü wocagü rü carnérugü pedai, rü namachiarü ngṍxü̃ rü bínuarü axüxü̃ iperücho. Rü ñaperügügü: —Ngĩxã tachibüe rü taxaxegü erü moxü̃ rü tá marü tayue —ñaperügügü.

Ichaía 5:8

Wüxi i taxü̃ i ngechaü̃ nixĩ i pexca̱x i pema i nai ya pepatagü ne petaxexü̃. Rü pema rü pegüna penanugü i naanegü rü ngẽmaãcü tüxü̃ pengechicaxẽxẽ ya toguxegü ñoma pexicatama ngẽma naanewa pemaxẽxü̃rüxü̃.

Ucu̱xẽgüchiga 23:5

Erü ngẽxguma meama nagu rüxĩnügu, rü tama natai i tórü ngẽmaxü̃gü i tüxü̃́ ngẽxmagüxü̃, erü ñoma yaxãxpe̱xatüxü̃rüxü̃ tá inarütaxu, rü dawürüxü̃ tá nixüü̃. -8-

Yox 14:1

Rü ngẽma yatü i ngexewa íxraxü̃ rü nanuxũ i norü maxü̃, rü muxü̃ i guxchaxü̃gü nüxü̃́ nangẽxma.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:17

Rü yíxema muarü diẽruã́xẽ i ñoma i naanewa, ¡rü tümamaxã nüxü̃ ixu nax tama ngẽmamaxã tügü ticua̱xüü̃güxü̃ca̱x rü tama nagu tarüxĩnüexü̃ca̱x nax ngẽma tümaarü diẽruwa nüxü̃ itayangaugüxü̃ i tümaarü maxü̃! Erü ngẽma diẽru rü paxa tá nagu̱x. Natürü narümemae nixĩ i Tupanaga taxĩnü, erü yimá nixĩ i tüxna naxãcü i maxü̃ rü guxü̃ma i ngẽmaxü̃gü i inaxwa̱xexü̃ nax itaãẽgüxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:6

Natürü yíxema yutexe ya tümaarü ngúchaü̃gu rüxĩnüxe, rü Tupanape̱xewa rü ñoma tayuxü̃rüxü̃ tixĩ.

Ore i mexü̃ ga Luca ümatüxü̃ 21:34

¡Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu.

Ore i mexü̃ ga Luca ümatüxü̃ 16:19

Nayexma ga wüxi ga yatü ga diẽruã̱xü̃chixü̃ ga guxü̃guma mexẽchixü̃ ga naxchirugu icúxü̃. Rü guxü̃ ga ngunexü̃gu rü taxü̃ma ga õna naxü rü napetaexü̃.

Abacú 1:16

Rü ngẽmaca̱x i ngẽma choxniexü̃ rü norü püchaxü̃ rü norü poxwaxü̃ nicua̱xüxü̃ rü ãmaregü rü pumarate̱xe naxca̱x ínagu. Rü moxẽ nüxna naxã ya norü poxwa rü norü pücha, erü ngẽma poxwagagu rü püchagagu nixĩ i mexü̃ i õna nangṍxü̃ rü taguma nangewemüxü̃.

Wiyaegü 49:18

Rü woo ñu̱xma nax maxü̃gu rü nataãxẽ, rü duü̃xü̃gü rü nüxü̃ nicua̱xüü̃gü naxca̱x i norü ngẽmaxü̃gü, natürü wüxi i ngunexü̃gu rü tá nayu rü marü tagutáma ñomaarü ngóonexü̃xü̃ nadau.

1 Chamué 30:16

Rü nüma ga gumá yatü rü yema Amaréxtanüxü̃ íyexmagüxü̃wa Dabíxü̃ naga. Rü yexguma natanüwa nanguxgu, rü nüma ga Amaréxtanüxü̃ rü nügü yema naanegu ninu. Rü ínachibüe rü ínaxaxegü rü ínapetaegü namaxã ga yema Firitéugüanewa rü Yudáanewa naxca̱x nangĩ̱xgüxü̃ ga yemaxü̃gü.

Ucu̱xẽgüchiga 10:2

Ngẽma diẽru i ngĩ́ãcü iyaxuxü̃ rü taxuwama tüxü̃́ name, natürü ngẽma mexü̃ ixüxü̃ rü yuwa tüxü̃ ínanguxuchixẽxẽ.

Ngu̱xẽẽtaeruü̃arü ore 2:24

Rü ngẽma nüxü̃́ rümemaexü̃ ya yimá yatü nixĩ nax nachibüxü̃ rü naxaxexü̃ rü nangóoxü̃ i ngẽma norü puracütanü. Erü guxü̃ma i ngẽma rü ta Tupana nanango̱xẽxẽ.

Ichaía 56:12

Rü pemax, Pa Chorü Ĩanemaxã Icua̱xgüxü̃, rü ñaperügügü: “¡Nua pexĩ rü bínu tayaxaxü rü namaxã tangãxẽ rü ngẽmatátama taxüe! Rü moxü̃ãcüchigü rü tayexera taxaxegü”, ñaperügügü —ñanagürü ya Tupana.

Amúx 6:13

Pemax rü petaãẽgü yerü nüxü̃ perüporamae ga guma ĩanexacü ga Lo Debáx. Rü ngẽxgumarüxü̃ ta ñaperügügü: —Torü poramaxã nixĩ ga nüxü̃ rüporamaexü̃ ga guma ĩanexacü ga Carnayíü̃ —ñaperügügü.

Ore i mexü̃ ga Luca ümatüxü̃ 12:18

Rü naãxẽwa ñanagürü: “Marü nüxü̃ chacua̱x nax ta̱xacü tá chaxüxü̃. Rü nagu tá chapogü ya guxü̃nema ya chorü ĩpatagü ga nagu namaxã changuxũne ga chaunetügüarü o. Rü nai ya taxüragüne tá chaxü nax ngẽxma namaxã changuxü̃xü̃ca̱x i guxü̃ma i chaunetügüarü o rü guxü̃ma i chorü ngẽmaxü̃gü.

Ucu̱xẽgüchiga 14:24

Yimá nüxü̃ cuácüarü nga̱xcueruxü̃ nixĩ i norü cua̱x, natürü ngẽma tama naãẽxü̃ cuáxü̃arü nga̱xcueruxü̃ nixĩ nax naechitamare namaxü̃xü̃.