Ore i mexü̃ ga Luca ümatüxü̃ 12:16 - Tupanaarü Ore

¹⁶ Rü yexguma wüxi ga ore ga cua̱xruxü̃xü̃ namaxã nixu, rü ñanagürü: —Nayexma ga wüxi ga yatü ga muarü diẽruã́cü, rü guxü̃ma ga yema nanetügü ga naanegu natogüxü̃ rü meama nüxü̃́ nixo.

Ore i mexü̃ ga Luca ümatüxü̃ 12:16 Referans Kwoze

Ochéa 2:8

Natürü nümagü i ngẽma Iraétanüxü̃ rü ngẽma ngeruxü̃ nixĩgü nax tama nüxü̃ nacua̱xgüégaxü̃ nax choma yixĩxü̃ ga nüxna chanaxãxü̃ i trigu rü bínu rü chíxü̃ rü diẽru rü úiru. Natürü nümagü rü yema diẽrumaxã rü úirumaxã nanaxügü ga norü tupananetagü ga Baáchicüna̱xãgü.

Wiyaegü 73:12

¡Rü dücax i ngẽma duü̃xü̃gü i chixexü̃gu maxẽxü̃ nax ñuxãcü taãẽãcüma yamuxẽxẽãxü̃ i norü ngẽmaxü̃gü!

Wiyaegü 73:3

Yerü chixãũxãchi naxca̱x nax ñuxãcü namuarü ngẽmaxü̃ã̱xgüxü̃ i ngẽma duü̃xü̃gü i nügü icua̱xüü̃güxü̃ rü chixexü̃ ügüxü̃.

Yox 12:6

Rü ngẽma ngĩ́ta̱xagüxü̃ rü taãẽãcüma napatagüwa namaxẽ. Rü ngẽma Tupanamaxã guxchigagüxü̃ rü taãẽãcüma namaxẽ rü nagu narüxĩnüe nax nümagü Tupanamaxã inacua̱xgüxü̃.

Ngechuchuarü ngúexü̃gü ga yamugüxü̃arü puracüchiga 14:17

Natürü nüma ga Tupana rü taguma nüxü̃ narüchau nax duü̃xü̃güxü̃ nangü̃xẽẽxü̃. Rü yemaacü nügü tüxü̃ nacua̱xẽxẽ nax aixcüma Tupana yixĩxü̃ i nümax. Rü nümatama nixĩ i núma namuaxü̃ ya pucü rü mea pexü̃́ nayaexẽẽãxü̃ i penetügü. Rü nüma nixĩ i pexna naxããxü̃ i pewemü nax ngẽmaãcü petaãẽgüxü̃ca̱x —ñanagürügü ga Pauru rü Bernabé.

Ore i mexü̃ ga Matéu ümatüxü̃ 5:45

Rü ngẽxguma ngẽmaãcü pemaxẽgu rü aixcüma tá Penatü ya daxũgucü nanegü pixĩgü. Erü nüma rü inanabáixẽxẽ ya üa̱xcü naxca̱x i mexü̃ i duü̃xü̃gü rü chixexü̃ i duü̃xü̃gü. Rü nanapuxẽxẽ naxca̱x i duü̃xü̃gü i mea maxẽxü̃ rü duü̃xü̃gü i chixri maxẽxü̃.

Echequié 16:49

Rü ñaa nixĩ ga yema cueya̱x ga Chodómaarü chixexü̃: Rü guma ĩane rü ñu̱xũchi norü ĩanexacügü rü nügü ínarütagü yerü imuarü õnaã̱xgü rü taxuxü̃ma nüxü̃́ nataxu. Natürü taguma tüxü̃ narüngü̃xẽẽgü ga guxema ingearü diẽruã̱xgüxe, rü ñu̱xũchi guxema tüxü̃́ nataxúxe.

Ore i mexü̃ ga Matéu ümatüxü̃ 13:8

Natürü náigü ga triguchire rü mexü̃ ga waixü̃mügu nayi. Rü yexguma nayaegu rü muxü̃ma ga trigu nawa ínanguxuchi. Rü nümaxü̃neya̱xawa rü 100 pü̱xü ínanguxuchi ga norü o, rü náiya̱xawa rü 60, rü náiya̱xawa rü 30.

Ore i mexü̃ ga Luca ümatüxü̃ 12:15

Rü ñanagürü ta ga Ngechuchu: —¡Pexuãxẽ nax tama pexü̃́ nangúchaü̃xü̃ca̱x i togüarü ngẽmaxü̃! Erü wüxi i duü̃xü̃ rü tama ngẽma nax namuarü ngẽmaxü̃ã́xü̃ca̱x nixĩ i naya̱u̱xãxü̃ i norü maxü̃ —ñanagürü.

Ore i mexü̃ ga Luca ümatüxü̃ 12:17

Rü gumá yatü rü nagu narüxĩnü rü naãxẽwa ñanagürü: “¿Ta̱xacü tá chaxüxü̃ i ñu̱xmax? Erü nataxuma i chorü nachica i ngextá namaxã nax changuxü̃xü̃ i chaunetügüarü o”, ñanagürü.

Yox 24:23

Rü ñu̱xma ya Tupana rü taxu ñanagürümare, natürü nüxü̃ nadau i guxü̃ma i ta̱xacü i naxüxü̃ i ngẽma duü̃xü̃ i chixexü̃gu maxü̃xü̃.