Ore i mexü̃ ga Luca ümatüxü̃ 12:1 - Tupanaarü Ore

¹ Rü yoxni yexma nangutaque̱xegü ga muxũchixü̃ ga duü̃xü̃gü. Rü yema nax namuxũchixü̃ca̱x rü düxwa nügü nicuxnetaetanü. Rü Ngechuchu inanaxügü ga norü ngúexü̃gümaxãxíra nax yadexaxü̃, rü ñanagürü: —¡Pexũãxẽgü naxca̱x i ngẽma Parichéugücüma! Erü duü̃xü̃güpe̱xewa mea namaxẽneta, natürü naãxẽwa rü chixexü̃gu narüxĩnüe.

Ore i mexü̃ ga Luca ümatüxü̃ 12:1 Referans Kwoze

Nüxíraxü̃xü̃ ga popera ga Pedru ümatüxü̃ 2:1

Rü ngẽmaca̱x name nixĩ i nüxü̃ perüxoe i guxü̃ma i chixexü̃gü, rü ngẽma nax pidorata̱a̱xgüxü̃, rü ngẽma nax togüpe̱xewa mea pemaxẽnetaxü̃, rü ngẽma nax pixãũxãchiwa̱xegüxü̃, rü ngẽma nax pixoregüta̱a̱xgüxü̃.

Popera ga Chantiágu ümatüxü̃ 3:17

Natürü guxãma ya yíxema aixcüma tüxü̃́ nangẽxmagüxe i ngẽma cua̱x i Tupanawa ne ũxü̃, rü taxuxü̃ma i chixexü̃ taxü, rü tama tanuewa̱xe, rü timecüma, rü itarüxĩnüe i ucu̱xẽgü, rü tangechaxü̃tümüxü̃wa̱xegü, rü duü̃xü̃güétüwa tachogü, rü tixaixcümagü, rü mexü̃ taxügü.

Ore i mexü̃ ga Luca ümatüxü̃ 12:56

Pa Duü̃xü̃güx i Mea Maxẽnetaxü̃, pema nüxü̃ pecua̱x nax ñuxãcü penangugüxü̃ ega tá napuxgu rüe̱xna tá nangu̱xetügu. ¿Rü ñuxãcü i ñu̱xma i tama nüxü̃ pecuáxü̃ nax Tupana yixĩxü̃ ya petanüwa ngucü?

Yox 36:13

Rü ngẽma chixexü̃ ügüxü̃ rü Tupanamaxã nanueama woo poxcuwa nax nangẽxmagüxü̃. Rü tama Tupanana ngü̃xẽẽca̱x nacagüe.

Yox 27:8

¿Ta̱xacürü mexü̃ tá ínanangu̱xẽxẽ i ngẽma duü̃xü̃ i chixexü̃gu maxü̃xü̃ i ngẽxguma Tupana nüxna nayauxgu i norü maxü̃?

Norü taxre ga popera ga ãẽ̱xgacügüchiga 7:17

Rü nüma ga ãẽ̱xgacü rü guma ĩanearü ĩã̱xwa nanamu ga norü ngü̃xẽẽruxü̃ nax nüxna nadauxü̃ca̱x. Natürü nüma ga duü̃xü̃gü rü yexma nanapu̱xcuchigü rü yexma nayu ga yema ãẽ̱xgacüarü ngü̃xẽẽruxü̃, yema Erichéu nüxü̃ ixuxü̃rüxü̃ ga yexguma ãẽ̱xgacü Erichéuxü̃tawa ũxgu.

1 Corintios 15:3

Rü yexguma noxri petanüwa changuxgu, rü yema nüxíra pexü̃ changu̱xẽẽxü̃ nixĩ ga yema ngu̱xẽẽtae ga choxü̃ namaxã nangu̱xẽẽgüxü̃ nax Cristu rü tórü pecaduca̱x nayuxü̃, ngẽma Tupanaarü ore i ümatüxü̃wa nüxü̃ yaxuxü̃rüxü̃.

Ngechuchuarü ngúexü̃gü ga yamugüxü̃arü puracüchiga 21:20

Rü yexguma Pauruarü orexü̃ naxĩnüegu ga yema yaxõgüxü̃arü ãẽ̱xgacügü, rü Tupanaxü̃ nicua̱xüü̃gü. Rü ñanagürügü Pauruxü̃: —Dücax, Pa Toenexẽx, cuma nüxü̃ cucua̱x rü nangẽxma i muxũchixü̃ i Yudíugü i yaxõgüxü̃. Rü guxü̃ma i nümagü rü nanaxwa̱xegü nax nagu naxĩxü̃ i ngẽma mugü ga Moiché ümatüxü̃.

Ore i mexü̃ ga Luca ümatüxü̃ 11:44

Rü wüxi i ngechaü̃ nixĩ i pexca̱x, erü taxuwama peme. Rü ñoma yuetamaü̃gü i tama nüxü̃ idauxü̃ i duü̃xü̃gü naechitamare naétüwa chopetüxü̃rüxü̃ pixĩgü —ñanagürü ga Ngechuchu.

Ore i mexü̃ ga Luca ümatüxü̃ 6:17

Rü Ngechuchu rü yema yatügü ga nadexü̃maxã ínarüxĩgü nawa ga guma ma̱xpǘne. Rü wüxi ga nachica ga ínametachinüanexü̃wa nayachaxãchitanü. Rü yéma nayexmagü ga muxü̃ma ga duü̃xü̃gü ga guxü̃ ga Yudéaanewa ne ĩxü̃, rü Yerucharéü̃wa ne ĩxü̃, rü Márcutüwa ga Chidóü̃wa rü Tíruwa ne ĩxü̃. Rü yéma naxĩ yerü Ngechuchuxü̃ naxĩnüechaü̃, rü nanaxwa̱xegü nax nameexẽẽãxü̃ ga norü da̱xawegüwa.

Ore i mexü̃ ga Luca ümatüxü̃ 5:15

Natürü ga Ngechuchuchiga rü guxü̃wama ninguchigüama. Rü muxü̃ma ga duü̃xü̃gü rü naxca̱x naxĩtaque̱xegü nax norü orexü̃ naxĩnüexü̃ca̱x, rü naxca̱x nax yataanexẽẽãxü̃ca̱x ga norü da̱xawegüwa.

Ore i mexü̃ ga Luca ümatüxü̃ 5:1

Rü wüxicana ga yexguma naxtaxa ga Guenecharéxanacüwa nayexmagu ga Ngechuchu, rü muxü̃ma ga duü̃xü̃gü rü naxü̃tawa nangugü. Rü düxwa yéma nayaxãũxtügü, yerü nüxü̃ naxĩnüechaü̃ ga Tupanaarü ore.

Ichaía 33:14

Rü Chióü̃wa nidu̱xruxe i ngẽma chixexü̃gu maxẽxü̃. Rü ngẽma tama yaxõgüxü̃ rü poraãcü namuü̃e rü ñanagürügü: —¿Texé chi i tatanüwa tamaxama naétüwa ya yima üxü ya tüxü̃ iguxü̃ne ya guxü̃guma inaiechane? —ñanagürügü.

Popera ga Yudíugü ga yaxõgüxü̃ca̱x ümatüxü̃ 12:22

Erü ñu̱xma i pema rü marü nüxna pengaicamagü ya yima ma̱xpǘne ya Chióü̃ ya yimá Tupana ya Maxü̃cüarü ĩane ya daxũgune ya Yerucharéü̃. Rü marü nüxna pengaicamagü i ngẽma muxũchixü̃ma i norü orearü ngeruü̃gü i daxũcüã̱x i Tupanaxü̃ icua̱xüü̃güxü̃.