Ore i mexü̃ ga Luca ümatüxü̃ 11:50 - Tupanaarü Ore

^50-51 Rü ñanagürü ga Ngechuchu: —Rü pemaxã nüxü̃ chixu rü Tupana tá nayapeguãchixẽxẽ i pema i ñu̱xma maxẽxe, erü pema rü ta perü o̱xigücümagu pexĩ. Nümagü rü noxritama naanearü ügügumama rü nanadai ga muxü̃ma ga Tupanaarü orearü uruü̃gü. Rü nüxíra nayama̱xgü ga Abé rü gumáwena nayadaietanü ga muxü̃ma ga togü ñu̱xmata Chacaría ga Tupanapatagu yama̱xgüãcüwa nangu. Rü guxü̃ma ga yema orearü uruü̃gü ga perü o̱xigü daixü̃ca̱x rü Tupana tá pexna naca, erü pema rü ta perü o̱xigürüü̃tama pixĩgü, rü tama nüxü̃ perüxoechaü̃ i ngẽma chixexü̃ i pexüxü̃.

Ore i mexü̃ ga Luca ümatüxü̃ 11:50 Referans Kwoze

Yeremía 51:56

Rü ngẽma uanügü rü ínangugü nax nagu napogüexü̃ ya yima ĩane. Rü marü ínanayauxü̃ i norü churaragü. Rü nagu nabügüe ya norü würagü. Erü Cori ya Tupana rü wüxichigüna nanaxã i ngẽma nüxna üxü̃.

Yeremía 7:29

¡Pa Yerucharéü̃cüã̱xgü, pegü ípeyoeyaegü, rü ípenawogü! ¡Rü ñu̱xũchi ínachianexü̃wa i ngüchitaeruxü̃güwa wüxi i ngechaü̃arü wiyaegu peyawiyaegü! Erü Cori ya Tupana rü pemaxã nanu, rü pexü̃ ínawogü, rü pexü̃ naxo.

Ichaía 26:21

Erü nüma ya Cori ya Tupana rü napatawa tá ínaxũxũ nax ñoma i naanecüã̱x i duü̃xü̃güxü̃ napoxcuexü̃ca̱x nagagu i norü pecadugü i nape̱xewa naxügüxü̃. Rü ñu̱xũchi ñoma i naane rü taxũtáma tüxü̃ nicu̱xgü ya yíxema nagu tüxü̃ nadaixe. Rü tá nango̱x i ngẽma máetagü ga ñoma ga naanewa naxügüxü̃.

Wiyaegü 9:12

Rü nüma ya Tupana rü tümaca̱x nanu ya yíxema togü chixri tümamaxã icua̱xgüxe. Rü tama nüxü̃ inarüngüma i ngẽma tümaarü axu ya yíxema ngúxü̃ ingegüxe.

Iraétanüxü̃arü muxchiga 35:33

¡Rü taxṹ i máetamaxã penaxãũãchixẽxẽ i ngẽma nachixü̃ane i nawa tá pemaxẽxü̃! Erü ngẽma máeta rü poraãcü nanachixexẽxẽ i wüxi i nachixü̃ane. Rü nüma i máetaxü̃ rü ma̱xgu tá nayu. Rü taxucürüwa i ta̱xacü i tomaxã tanaxütanü i ngẽma máeta.

Ínachoxü̃xü̃chiga 20:5

¡Rü taxũtáma ta̱xacürü naxchicüna̱xãpe̱xegu cucaxã́pü̱xü rü nüxü̃ quicua̱xüxü̃! Erü choma ya curü Cori ya Tupana ya poracü rü poraãcü cuxü̃ chinuxü̃, rü ngẽmaca̱x tümaarü chixexü̃ca̱x tá tüxü̃ chapoxcu ya yíxema chauxchi aixe, rü ñu̱xmata tümaxacügüwa, rü tümataagüwa chananguxẽxẽ i ngẽma poxcu.

Naanearü ügüchiga 4:2

Rü gumawena rü wena ixãxacü namaxã ga Abé ga Caíü̃enexẽ. Rü gumá Abé rü carnéruarü yaexẽẽwa napuracü rü Caíü̃ rü naanewa napuracü.

Ore i mexü̃ ga Matéu ümatüxü̃ 25:34

Rü ngẽxguma i nüma ya Ãẽ̱xgacü rü tá ñanarügü nüxü̃ i ngẽma norü tügünecüwawa ngẽxmagüxü̃: “¡Nua pexĩ i pemax ya Chaunatü mexü̃ pemaxã uegugüxe! ¡Rü nüma ãẽ̱xgacü íyixĩxü̃wa pichocu rü penayaxu i pechica ga noxritama naane naxü̱xgu pexca̱x namexẽẽxü̃!