Ore i mexü̃ ga Luca ümatüxü̃ 11:46 - Tupanaarü Ore

⁴⁶ Natürü Ngechuchu rü ñanagürü nüxü̃: —Wüxi i ngechaü̃ nixĩ i pexca̱x, Pa Ngúexẽẽruü̃gü i Moichéarü Mugüwa Ngu̱xẽẽtaegüxü̃ erü penamu i duü̃xü̃gü nax naga naxĩnüexü̃ca̱x i ngẽma Moichéarü mugü i guxchaxü̃ i taxucürüwama texé naga ĩnüxü̃ rü woo i pema rü bai i írarüwa naga nax pexĩnüechaü̃xü̃.

Ore i mexü̃ ga Luca ümatüxü̃ 11:46 Referans Kwoze

Ore i mexü̃ ga Luca ümatüxü̃ 11:52

Rü wüxi i ngechaü̃ nixĩ i pexca̱x, Pa Ngúexẽẽruü̃gü i Moichéarü Mugüwa Ngu̱xẽẽtaegüxü̃ erü duü̃xü̃gücha̱xwa ipeyacu̱x i Tupanaarü ore i aixcüma ixĩxü̃ i pematama tama pixõgüxü̃. Rü nüxna penachu̱xu i togü i duü̃xü̃gü i aixcüma yaxõgüchaü̃xü̃ nax nümagü rü ta tama yaxõgüãxü̃ca̱x —ñanagürü ga Ngechuchu.

Gálatas 6:13

Erü woo i nümagü nax ínawíü̃cha̱xmüü̃pe̱xechiraü̃xü̃, rü tama nayanguxẽxẽ i guxü̃ma i mugü. Natürü nümagü rü nanaxwa̱xegü nax pegü ípewíü̃cha̱xmüü̃pe̱xechiraü̃xü̃, nax yixcama nügü yacua̱xüü̃güxü̃ca̱x rü togü i Yudíugümaxã nüxü̃ nax yaxuxü̃ca̱x nax pema rü ta naxrüxü̃ nagu pexĩxü̃ i ngẽma nũxcümaü̃güxü̃ i mugü.

Ichaía 10:1

¡Rü pegümaxã pengechaü̃gü i pema i ãẽ̱xgacügü nax chixexü̃ i mugü duü̃xü̃güca̱x ipexüxü̃ rü penaxunagüchigaxü̃ i mugü i taxucürüwama duü̃xü̃gü íngu̱xẽẽxü̃!

Ore i mexü̃ ga Luca ümatüxü̃ 11:45

Rü wüxi ga ngúexẽẽruxü̃ ga Moichéarü mugüwa ngu̱xẽẽtaexü̃, rü Ngechuchuxü̃ nangãxü̃ rü ñanagürü: —Pa Ngúexẽẽruxü̃x, ngẽma nüxü̃ quixuxü̃, rü toxü̃́ nangu erü tochiga ta nixĩ —ñanagürü.

Ichaía 58:6

Natürü tama ngẽmaãcü üxü̃ i aure nixĩ i chanaxwa̱xexü̃. Rü ngẽma aure i namaxã chataãẽxü̃ nixĩ nax tüxü̃ ípinguxü̃xẽẽxü̃ ya yíxema natüca̱xma poxcuexe rü yíxema mugüruxü̃ ixĩgüxe, rü yíxema togü chixri tümamaxã icua̱xgüxe.

Ore i mexü̃ ga Matéu ümatüxü̃ 22:35

Rü wüxi ga yema Parichéugü ga ore ga mugüwa ngu̱xẽẽtaexü̃ rü Ngechuchuxü̃ chixexü̃gu nangu̱xẽẽchaü̃. Rü yemaca̱x Ngechuchuna naca rü ñanagürü: