Ore i mexü̃ ga Luca ümatüxü̃ 11:4 - Tupanaarü Ore

⁴ ¡Rü toxü̃́ nüxü̃ irüngüma i torü pecadugü! Erü toma rü ta tüxü̃́ nüxü̃ itarüngüma ya guxãma ya yíxema guxchaxü̃ toxca̱x ínguxẽẽgüxe. ¡Rü taxṹ i chixexü̃pe̱xewa toxü̃ cuwogüxü̃ nax tama nagu tayixü̃ca̱x!” —ñanagürü.

Ore i mexü̃ ga Luca ümatüxü̃ 11:4 Referans Kwoze

Ore i mexü̃ ga Matéu ümatüxü̃ 26:41

¡Rü ipedaue rü Tupanana naxca̱x peca nax pexü̃ nangü̃xẽẽxü̃ca̱x nax tama choxü̃ ípetáxü̃ca̱x! Erü aixcüma peãẽwa rü ípememare nax ngúxü̃ pingegüxü̃, natürü pexene rü natura —ñanagürü ga Ngechuchu.

Colosenses 3:13

Rü name nixĩ i wüxichigü i pema pegümaxã yáxna pexĩnüe. Rü ngẽxguma chi pegümaxã penuegu, rü name nixĩ i pegüxü̃́ nüxü̃ perüngü̃ma. Rü yexgumarüxü̃ ga tórü Cori pexü̃́ nüxü̃ iyanangümaxü̃ i perü chixexü̃gü, rü ngẽxgumarüxü̃ ta i pema rü name nixĩ i tüxü̃́ nüxü̃ iperüngüma i tümaarü guxchaxü̃gü.

Ore i mexü̃ ga Matéu ümatüxü̃ 18:35

Rü ñu̱xũchi ñanagürü ta: —Rü ngẽxgumarüxü̃ tá pemaxã nanaxü ya Chaunatü ya daxũgucü i ngẽxguma tama wüxichigü aixcüma peenexẽgüaxü̃́ nüxü̃ perüngümaegu i ngẽma chixexü̃ i pexca̱x ínanguẽẽxü̃ —ñanagürü.

Popera ga Chantiágu ümatüxü̃ 2:13

Erü guxãma ya yíxema tama tümamücügü tüxü̃́ ngechaü̃tümüü̃güxe, rü Tupana rü taxũtáma nüxü̃́ tangechaü̃tümüü̃güãcüma tüxna naca i tümaarü maxü̃chiga. Natürü yíxema tümamücügü tüxü̃́ ngechaü̃tümüü̃güxe, rü taxũtáma tamuü̃e i ngẽxguma Tupana tüxna caxgux, erü nüxü̃́ tangechaü̃tümüü̃güãcüma tá tüxna naca.

Norü taxre ga popera ga Timutéuca̱x naxümatüxü̃ ga Pauru 4:18

Rü nüma ya tórü Cori tá choxü̃ ínanguxuchixẽxẽ nawa i guxü̃ma i guxchaxü̃gü. Rü tá choxna nadau nax nüma ãẽ̱xgacü íyixĩxü̃wa choxü̃ nagaxü̃ca̱x. Rü name i guxü̃guma nüxü̃ ticua̱xüü̃gü. Rü ngẽmaãcü yixĩ.

2 Tesalonicenses 3:3

Rü nüma ya tórü Cori ya Ngechuchu rü aixcüma nayanguxẽxẽ i ngẽma tamaxã inaxunetaxü̃. Rü nüma tá pexü̃ naporaexẽxẽ rü pexna nadau nax tama chixexü̃gu peyixü̃ca̱x.

1 Corintios 10:13

Rü taguma pexca̱x ínangu i ta̱xacürü ngúchaü̃ i chixexü̃ i taxucürüwama duü̃xü̃ yáxna namaxã ĩnüxü̃. Rü name nixĩ i Tupanaaxü̃́ peyaxõ erü nüma rü taxũtáma nawa pexü̃ nawogü i ngúchaü̃gü i taxucürüwama yáxna namaxã pexĩnüexü̃. Natürü ngẽxguma tá ngúchaü̃gü i chixexü̃ pexca̱x ínguxgu, rü nüma rü tá pexü̃ ínapoxü̃ nax tama nagu peyixü̃ca̱x.

Ore i mexü̃ ga Cuáü̃ ümatüxü̃ 17:15

Tama cuxna naxca̱x chaca nax cuyagagüxü̃ca̱x i ñoma i naanewa. Natürü cuxna chaca nax ícunapoxü̃xü̃ca̱x nüxna i ngo̱xo i Chataná.

Ore i mexü̃ ga Luca ümatüxü̃ 22:46

Rü yexguma ga Ngechuchu rü ñanagürü nüxü̃: —¿Tü̱xcüü̃ ípepee? ¡Íperüdagü rü Tupanana naxca̱x peca nax pexü̃ nangü̃xẽẽxü̃ca̱x nax tama chixexü̃gu peyi̱xü̃ca̱x! —ñanagürü.

Ore i mexü̃ ga Luca ümatüxü̃ 8:13

Rü gumá triguchire ga nutatanügu yixü̃ne, rü ngẽma nixĩ i duü̃xü̃gü i nüxü̃ ĩnüexü̃ i Tupanaarü ore rü taãẽãcü nayauxgüxü̃. Natürü tama aixcüma nagu narüxĩnüe i ngẽma ore rü paxaãchi nayaxõgü, rü yixcüra guxchaxü̃ nüxü̃ üpetügu, rü nüxü̃ narüxoe.

Ochéa 14:2

Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Danié 9:19

Pa Corix, Pa Corix ¡toxü̃ naxĩnü rü toxü̃́ nüxü̃ irüngüma i torü chixexü̃ rü toxü̃ rüngü̃xẽxẽ! ¡Rü paxa toxü̃ nangãxü̃, Pa Corix! Rü cugüégagutama, rü yima curü ĩaneégagu rü curü duü̃xü̃gü i cuégagu yumü̃xẽgüxü̃égagu cuxna chaca nax paxa toxü̃ curüngü̃xẽẽxü̃ —ñachagürü.

Wiyaegü 25:18

¡Choxü̃́ nüxü̃ nadau i ñaa ngúxü̃ i chingexü̃ rü chorü guxchaxü̃gü! ¡Rü choxü̃́ nüxü̃ yarüngüma i chorü pecadugü!

Yema Cuáü̃ nüxü̃ dauxü̃ i yixcüra tá ngupetüxü̃chiga 3:10

Cuma rü meama cuyanguxẽxẽ i ngẽma cuxü̃ chamuxü̃ nax aixcüma cuyaxõõmaxü̃ naétüwa i ngẽma guxchaxü̃gü i cuxca̱x ínguxü̃. Rü ngẽmaca̱x tá cuxü̃ íchapoxü̃ nax tama cuxna nanguxü̃ca̱x i ngẽma guxchaxü̃ i taxü̃ i ñoma i naanewa tá ínguxü̃ nax guxü̃ma i ñoma i naanecüã̱x i duü̃xü̃güxü̃ naxüxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:10

¡Rü taxṹ i cumuü̃xü̃ naxca̱x i ngẽma ngúxü̃ i tá quingexü̃! Rü Chataná rü tá namu nax poxcupataü̃gu pexü̃ napoxcuexü̃ca̱x i ñuxre i pemax, nax ngẽmaãcü pexü̃ naxüxü̃ca̱x. Rü 10 i ngunexü̃ tá ngúxü̃ pingegü. Natürü woo ngẽmaãcü ngúxü̃ pingegügu rü chanaxwa̱xe i choxü̃́ cuyaxõõma ñu̱xmatáta cuyu̱x. Rü choma rü tá cuxna chanaxã i curü ãmare i maxü̃ i taguma gúxü̃.

Wiyaegü 121:7

Rü nüma ya Cori ya Tupana rü naguxü̃raü̃xü̃ i ãũcümaxü̃wa cuxü̃ ínapoxü̃ erü nüma nixĩ i nüxna nadauxü̃ i curü maxü̃.

Wiyaegü 25:11

Pa Cori Pa Tupanax, nata i chorü chixexü̃ i cupe̱xewa chaxüxü̃ ¡Rü choxü̃́ nüxü̃ irüngüma i ngẽma nax taxúema chixri cuchiga idexaxü̃ca̱x!

Naanearü ügüchiga 48:16

Rü cuma nixĩ i cunamuxü̃ i curü orearü ngeruxü̃ i daxũcüã̱x nax choxü̃ ícupoxü̃xü̃ca̱x nawa i guxü̃ma i ãũcümaxü̃gü. ¡Rü mexü̃ namaxã naxuegu i ñaa buxü̃gü! Rü chanaxwa̱xe i ñaa buxü̃gügagu duü̃xü̃gü nüxna nacua̱xãchie i chauéga rü chorü o̱xi ga Abraáü̃éga rü chaunatü ga Ichaáéga. ¡Rü yamuxẽxẽ i naxacügü nax ngẽmaãcü namuxũchixü̃ca̱x i nataagü i ñoma i naanewa! —ñanagürü.

Ore i mexü̃ ga Luca ümatüxü̃ 11:5

Rü ñanagürü ta ga Ngechuchu: —Ngẽxguma chi wüxíe i pema rü tüxü̃́ nangẽxmagu i wüxi i tümamücü, rü chi ngãxü̃cüxü napatawa taxũxgu rü nüxna tayacaxgu rü ñatarügü nüxü̃: “Pa Chomücüx, ¡tomaepü̱x i paũ choxna naxã!

Ore i mexü̃ ga Luca ümatüxü̃ 13:4

¿Rü ẽ̱xna pema nagu perüxĩnüegu rü guxü̃ ga Yerucharéü̃cüã̱xarü yexera nipecaduã̱xgü ga yema 18 ga yatügü ga yuexü̃ ga yexguma Chiloéwa yexmaxü̃ ga dauxü̃taechica namaxã iwa̱xgu?