Ore i mexü̃ ga Luca ümatüxü̃ 11:35 - Tupanaarü Ore

³⁵ ¡Mea cugüna nadau nax tama ẽanexü̃xü̃ nanguxuchixü̃ca̱x i ngẽma ngóonexü̃ i cuwa ngẽxmaxü̃.

Ore i mexü̃ ga Luca ümatüxü̃ 11:35 Referans Kwoze

Ucu̱xẽgüchiga 16:25

Nangexma i namagü i duü̃xü̃güca̱x we̱xwa nadagüxü̃, natürü ngẽma iyacua̱xgüxü̃wa, rü yu nixĩ.

Norü taxre ga popera ga Pedru ümatüxü̃ 1:9

Natürü yíxema tama nagu ixũxe i ngẽma pemaxã nüxü̃ chixuxü̃, rü ñoma tangexetüxü̃rüxü̃ tixĩ. Rü ñoma wüxi i duü̃xü̃ i tama yáxü̃gu dauxerüxü̃ tixĩ, erü nüxü̃ itayarüngüma nax ñuxãcü Tupana tüxü̃́ nüxü̃ rüngü̃maxü̃ ga tümaarü pecadugü ga noxri.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:17

Rü cuma cugü quixuxgu rü cumuarü diẽruã̱x, rü cumuarü ngẽmaxü̃ã̱x, rü meama cuxü̃ naxüpetü, rü taxuxü̃ma cuxü̃́ nataxu. Natürü i cuma rü tama nüxna cucua̱xãchi nax chope̱xewa rü wüxi i taxúema cumaxã taãẽxü̃ quixĩxü̃, rü wüxi ngechaü̃tümüxü̃ nax quixĩxü̃, rü wüxi i taxuxü̃ma cuxü̃́ ngẽxmaxe quixĩxü̃, rü ñoma wüxi i ngexetüxü̃rüxü̃ quixĩxü̃, rü ñoma wüxi i ngexchiruxü̃rüxü̃ quixĩxü̃.

Romanos 1:22

Rü nügü yaxugüegu rü duü̃xü̃gü i nüxü̃ icuáxü̃ nixĩgü natürü taxuguma narüxĩnüe. Yerü nüxna nixĩgachitanü ga Tupana ya mexẽchicü ya taguma yucü, nax nawe naxĩxü̃ca̱x ga duü̃xü̃gü i yuxwa̱xexü̃chicüna̱xãgü, rü werigüchicüna̱xãgü, rü naẽü̃güchicüna̱xãgü, rü ãxtapegüchicüna̱xãgü.

Norü taxre ga popera ga Pedru ümatüxü̃ 2:18

Rü ngẽma ngu̱xẽẽruü̃netagü rü nügü yacua̱xüü̃güãcüma ore i taxuwama mexü̃maxã nidexagü. Rü tüxü̃ nixucu̱xẽgü nax tümaxü̃nearü ngúchaü̃gu taxĩxü̃ca̱x ya yíxema ngexwaca nüxü̃ rüxoexe i ngẽma chixexü̃ i nacüma.

Ucu̱xẽgüchiga 26:12

Wüxi i duü̃xü̃ i tama naãẽxü̃ cuáxü̃arü yexera nachixe i norü ĩnü i ngẽma nügügu rüxĩnüxü̃, nax guxãarü yexera nüxü̃ nacuáxü̃.

Ore i mexü̃ ga Matéu ümatüxü̃ 6:22

Cuxetügü rü cuxunearü omügü nixĩ. Rü ngẽxguma yima cuxetügü yamexgu rü guxü̃ma i cuxune rü ngóonexü̃wa tá nangẽxma.

Ore i mexü̃ ga Luca ümatüxü̃ 11:34

Cuxetügü rü ñoma wüxi i omürüxü̃ nixĩ i cuxuneca̱x. Rü ngẽxguma cuxetügümaxã mexü̃ca̱x cuda̱u̱xgu rü guxü̃ma i cuxune rü ngóonexü̃wa nangẽxma. Natürü ngẽxguma cuxetügümaxã ñoma i naanearü ngúchaü̃ca̱x cuda̱u̱xgu, rü guxü̃ma i cuxune rü ẽanexü̃wa nangẽxma.

Ore i mexü̃ ga Luca ümatüxü̃ 11:36

Ngẽxguma ngóonexü̃wa cungexmagu rü cuwa natauxgu i ẽanexü̃, rü curü maxü̃ rü mexü̃wa tá nangẽxma ñoma wüxi i omü i cuxü̃ báxixü̃rüxü̃ —ñanagürü.