Ore i mexü̃ ga Luca ümatüxü̃ 11:31 - Tupanaarü Ore

³¹ Rü ngẽma ngunexü̃ i nagu Tupana tá guxü̃ma i duü̃xü̃güna ca̱xaxü̃, rü ngẽxguma nüxna nacaxgu i ñomaü̃cüü maxẽxü̃ i duü̃xü̃gü, rü ngĩma ga nũxcümaü̃cü ga Chabáanearü ãẽ̱xgacü tá íirüda rü tá íinaxuaxü̃ i ngẽma ñomaü̃cüü maxẽxü̃ i duü̃xü̃gü. Yerü ngĩma rü yáxü̃waxüchi ne ixũ nax ãẽ̱xgacü ga Charomóü̃xü̃ naxĩnüxü̃ca̱x ga ñuxãcü poraãcü nüxü̃ nax nacua̱xüchixü̃. Natürü ñu̱xma nua petanüwa nangẽxma i wüxi i Charomóü̃arü yexera ixĩcü.

Ore i mexü̃ ga Luca ümatüxü̃ 11:31 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 9:1

Rü ngĩma ga Chabáanearü ãẽ̱xgacü rü nüxü̃ ixĩnüchiga ga Charomóü̃ nax ñuxãcü ãẽ̱xgacü ga nüxü̃ cua̱xüchicü yixĩxü̃. Rü yemaca̱x Yerucharéü̃wa ixũ nax nüxü̃ yaxüxü̃ca̱x namaxã ga ñuxre ga cagü ga poraãcü iguxchaxü̃. Rü ngĩma rü yéma ingu namaxã ga muxü̃ma ga ngĩrü ngü̃xẽẽruü̃gü rü ngĩrü caméyugü ga pumaramaxã rü taxü̃ ga úirumaxã rü nutaxacügü ga ngã̱xãẽruü̃gümaxã ixãxwetaxü̃. Rü yexguma Charomóü̃xü̃tawa nanguxgu, rü nüxna ica namaxã ga guxü̃ma ga yema cagü ga nagu naxĩnüxü̃.

Romanos 2:27

Rü dücax, Pa Chauenexẽgü Pa Yudíugüx, rü ngẽma duü̃xü̃gü i tama Yudíugü ixĩgüxü̃ i tama íwíecha̱xmüü̃pe̱xechiraü̃güxü̃ natürü naga ĩnüexü̃ i Tupanaarü mugü, rü ngẽma duü̃xü̃ rü tá Tupanape̱xewa pexü̃ nixu. Erü pema rü tama naga pexĩnüe i Tupanaarü mugü rü woochire̱x nax nüxü̃ pecuáxü̃ i ngẽma mugü, rü woochire̱x nax ípewíecha̱xmüü̃pe̱xechiraü̃güxü̃.

Ore i mexü̃ ga Luca ümatüxü̃ 3:22

Rü Tupanaãxẽ ya Üünecü rü wüxi ga muxtucurüxü̃ inanago rü Ngechuchuna nangu. Rü daxũwa inanaxũ ga wüxi ga naga ga ñaxü̃: —Cuma nixĩ, Pa Chaunex, i cuxü̃ changechaü̃xü̃chixü̃ rü cumaxã chataãẽxü̃ —ñaxü̃.

Ore i mexü̃ ga Matéu ümatüxü̃ 12:42

Rü ngẽxguma Tupana duü̃xü̃güna caxgux i norü pecaduchiga, rü ngĩma ga súr-anewa ãẽ̱xgacü ixĩcü rü tá íirüda, rü tá pexü̃ íixũãxü̃. Yerü ngĩma rü yáxü̃wa ne ĩxü̃ nax ãẽ̱xgacü ga Charomóü̃xü̃ íyadauxü̃ca̱x rü nüxü̃ naxĩnüxü̃ca̱x ga norü ngu̱xẽẽtae ga cua̱xmaxã nüxü̃ yaxuxü̃. Natürü pemaxã nüxü̃ chixu rü nua petanüwa nangẽxma i wüxi ya Charomóü̃arü yexera ixĩcü.

Yeremía 3:11

Rü Tupana rü ñanagürü choxü̃: —Pa Yeremíax, ngẽma Iraéanecüã̱xgü i tama ixĩnüechaü̃xü̃arü yexera chixexü̃ naxügü i ngẽma Yudáanecüã̱xgü i choxna ĩgüxü̃ nax tupananetagüxü̃ yacua̱xüü̃güxü̃ca̱x.

Popera ga Yudíugü ga yaxõgüxü̃ca̱x ümatüxü̃ 11:7

Rü yexguma Noémaxã yadexaxgu ga Tupana, rü nüma ga Noé rü nayaxõ rü naga naxĩnü. Rü Tupana rü namaxã nüxü̃ nixu rü tá ínanguxü̃ ga mucü ga taxüchicü ga taguma duü̃xü̃gü nüxü̃ daucü rü tá guxü̃wama inanguanexẽẽcü. Rü Tupana namaxã nüxü̃ nixu nax naxüaxü̃ca̱x ga wüxi ga wapuru ga taxü̃ne nax tama nayuexü̃ca̱x ga nüma rü naxma̱x rü nanegü rü naneã̱xgü. Rü Tupanaga naxĩnü ga Noé, rü nanaxü ga gumá wapuru, rü yemaacü tama nayue ga nüma rü napatacüã̱x yerü Tupanaaxü̃́ nayaxõ. Natürü yema togü ga duü̃xü̃gü rü tama Noérüxü̃ nayaxõgü, rü yemaca̱x Tupana nanapoxcue. Rü nüma ga Tupana rü Noéxü̃ nixu nax nape̱xewa namexü̃, yerü nüxü̃́ nayaxõ.

Ore i mexü̃ ga Luca ümatüxü̃ 9:35

Rü yema caixanexü̃wa inanaxũ ga wüxi ga naga ga ñaxü̃: “Daa nixĩ ya Chaune ya nüxü̃ changechaü̃xü̃chicü. ¡Rü naga pexĩnüe!” ñaxü̃.

Ichaía 54:17

Natürü taxúema tá tanaxü i wüxi i naxne i pexü̃ rüxoxẽẽxü̃. Rü pemax, Pa Iraétanüxü̃x, rü tá peyanangea̱xgüxẽxẽ i guxü̃ma i ngẽma pemaxã guxchaca̱x daugüxü̃, erü choma i Cori ya Tupana rü aixcüma nüxü̃ charüngü̃xẽxẽxü̃ i ngẽma chorü duü̃xü̃gü ixĩxü̃. Rü pemaxã chanaxuegu nax ngẽmaãcü tá yixĩxü̃ —ñanagürü ga Tupana.