Ore i mexü̃ ga Luca ümatüxü̃ 11:30 - Tupanaarü Ore

³⁰ Rü yexgumarüxü̃ ga Yoná rü wüxi ga cua̱xruxü̃ nax yixĩxü̃ naxca̱x ga Nínibecüã̱x ga duü̃xü̃gü, rü ngẽxgumarüxü̃ tá ta nixĩ ya Tupana Nane ya duü̃xü̃xü̃ ixĩcü nax wüxi i cua̱xruxü̃ tá yixĩxü̃ naxca̱x i ñomaü̃cüü maxẽxü̃ i duü̃xü̃gü.

Ore i mexü̃ ga Luca ümatüxü̃ 11:30 Referans Kwoze

Yoná 1:17

Rü yoxni ga nüma ga Cori ya Tupana rü yéma nanamu ga wüxi ga choxni ga taxüchixü̃ nax Yonáxü̃ ínagaxü̃ca̱x. Rü nüma ga Yoná rü tomaepü̱x ga ngunexü̃ rü tomaepü̱x ga chütaxü̃ yema choxni ga taxüchixü̃ãnüwa nayexma.

Yoná 2:10

Rü yexguma ga nüma ga Cori ya Tupana rü yema choxni ga taxüchixü̃ãnüwa nanaxoxégaxẽxẽ nax Yonáxü̃ ínaxoxochixü̃ca̱x márpechinügu.

Echequié 24:24

Rü Echequié tá nixĩ ya perü cua̱xruxü̃ ixĩcü. Rü guxü̃ma ga yema nüma naxüxü̃ rü pema rü tá ta penaxü. Rü ngẽxguma yanguxgu i ngẽma guxchaxü̃gü rü pema rü tá ngẽmawa nüxü̃ picua̱xãchitanü nax choma yixĩxü̃ i Iraétanüxü̃arü Cori ya Tupana chixĩxü̃.

Yoná 1:1

Nüma ga Cori ya Tupana rü Amitái nane ga Yonámaxã nidexa rü ñanagürü: