Ore i mexü̃ ga Luca ümatüxü̃ 11:24 - Tupanaarü Ore

²⁴ Rü ngẽxguma wüxi i naãxẽ i chixexü̃ rü wüxi ya yatüwa ínaxũü̃xgu, rü chianexü̃gu nanañaane, rü naxca̱x nadau nax ngextá nanguxü̃. Rü ngẽxguma taxuguma nangü̃égagu, rü nügü ínicua̱x rü ñanagürü: “Naxca̱x tá chataegu ya yimá yatü ga noxri nawa íchaxũxũchirécü”, ñanagürü.

Ore i mexü̃ ga Luca ümatüxü̃ 11:24 Referans Kwoze

Nüxíraxü̃xü̃ ga popera ga Pedru ümatüxü̃ 5:8

Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.

Wiyaegü 63:1

Pa Chorü Tupanax, cuma nixĩ i aixcüma chorü Tupana quixĩxü̃. Rü guxü̃ma i chorü ngúchaü̃maxã cuxca̱x chadau erü poraãcüxüchi chanaxwa̱xe i chauxü̃ta cungexmaxü̃. Rü guxü̃ma i chorü maxü̃nemaxã chanaxwa̱xe nax chauxü̃ta cungexmaxü̃, ñoma paanexü̃ rü dexá naxwa̱xexü̃rüxü̃.

Yox 2:2

Rü nüma ga Cori ya Tupana rü nüxna naca rü ñanagürü: —¿Ngextá ne cuxũ i cumax? —ñanagürü. Rü nüma ga Chataná rü nanangãxü̃ rü ñanagürü: —Nawa ne chaxũ nax nagu íchayaxüeguxü̃ i ngẽma naane —ñanagürü.

Yox 1:7

Rü nüma ga Cori ya Tupana rü Chatanána naca rü ñanagürü: —¿Ngextá ne cuxũ i cumax? —ñanagürü. Rü nüma ga Chataná rü Corixü̃ nangãxü̃ rü ñanagürü: —Nawa ne chaxũ nax nagu íchayaxüeguxü̃ i ngẽma naane —ñanagürü.

Ore i mexü̃ ga Márcu ümatüxü̃ 5:10

Rü poraãcü Ngechuchuxü̃ naca̱a̱xü̃gü nax tama ínawoxü̃ãxü̃ca̱x ga yema naanewa.

Ichaía 48:22

Natürü naxca̱x i ngẽma chixri maxẽxü̃ rü nataxuma i taãxẽ. Rü nüma ya Cori ya Tupana nixĩ i ngẽma ñacü.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

Ore i mexü̃ ga Márcu ümatüxü̃ 9:25

Rü yexguma Ngechuchu nüxü̃ da̱u̱xgu nax muxü̃ma ga duü̃xü̃gü marü yexma ngutaque̱xexü̃, rü nananga ga yema ngo̱xo. Rü ñanagürü nüxü̃: —Pa Ngo̱xo i Ngegaxẽxẽruxü̃ rü Ngauchi̱xẽxẽẽruxü̃, ¡choma cuxü̃ chamu nax nawa ícuxũxũxü̃ ya daa bucü, rü tagutáma wena nagu cuyaxücuxü̃! —ñanagürü.

Ichaía 44:3

Rü choma rü tá chayaya̱xẽxẽ i dexá i naxnücüanewa, rü íyapaanexü̃wa rü tá chanango̱xẽxẽ i natüacügü. Rü petaagüna tá chanamu ya Chauãxẽ ya Üünecü rü tá petaagüxü̃ charüngü̃xẽxẽ.

Ichaía 35:7

Rü ngextá taxúema íxãpataxü̃wa rü naxtaxaxü̃ tá nayanguxuchi. Rü ngẽma naane i paxü̃ rü natüacügümaxã tá nanapa. Rü ngẽma ñu̱xma airugü i dauxchitacüã̱x ímaxẽxü̃wa rü dexnegü tá narüxügü.

Ucu̱xẽgüchiga 4:16

Erü ngẽma duü̃xü̃gü rü tama nataãẽgü ega tama chixexü̃ naxügügu, rü tama napee ega taxúexü̃ma chixexü̃gu nangu̱xẽẽgügu.

Ore i mexü̃ ga Luca ümatüxü̃ 11:25

Rü ngẽxguma nataegu̱xgu, rü yimá yatüxü̃ inayangau nax ñoma wüxi ya ĩ ya mexẽéne rü mea nabixichinerüxü̃ nax yixĩxü̃.