Ore i mexü̃ ga Luca ümatüxü̃ 10:5 - Tupanaarü Ore

⁵ Rü ngẽxguma wüxi ya ĩpatawa pengugügu, rü ñaaãcü tá nüxü̃ perümoxẽgü i ngẽma duü̃xü̃gü: “¡Petaãxẽ erü Tupana rü napetanügu!” ñaperügügü tá.

Ore i mexü̃ ga Luca ümatüxü̃ 10:5 Referans Kwoze

1 Chamué 25:6

Chanaxwa̱xe nax mexü̃ cuxü̃ ngupetüxü̃ wüxigu namaxã i cutanüxü̃ rü guxü̃ma i cuxacügü.

Ichaía 57:19

Rü choma rü guxü̃ i chorü duü̃xü̃gümaxã tá ñacharügü: “Choma rü tá pemaxã charüngüxmü i pema i yáxü̃wa ngẽxmagüxe rü pema i ngaicamawa ngẽxmagüxe. Rü tá pexü̃́ nüxü̃ charüngüma i perü pecadugü.

Efesios 2:17

Rü yexguma Cristu núma ũxgu, rü taxca̱x núma nanange ga ore i mexü̃ ga marü yigümaxã rü Tupanamaxã nax rüngüxmüexü̃. Rü yema ore rü toxca̱x nixĩ i toma i Yudíugü ga toxíra Tupanaxü̃ nax tacuáxü̃. Rü yema ore rü pexca̱x rü ta nixĩ ga woo tama Tupanaxü̃ nax pecua̱xgüxü̃ ga noxrix.

Ore i mexü̃ ga Luca ümatüxü̃ 19:9

Rü Ngechuchu rü ñanagürü nüxü̃: —Ñoma i ngunexü̃gu cupatawa nangu i maxü̃ i taguma gúxü̃, erü cuma rü ta rü Abraáü̃rüxü̃ cuyaxõ.

Ngechuchuarü ngúexü̃gü ga yamugüxü̃arü puracüchiga 10:36

Rü nüma ga Tupana rü Iraétanüxü̃tanüwaxíra nanamu ga norü ore rü nüxü̃ nixu ga yema ore ga mexü̃ nax nüma rü duü̃xü̃gümaxã nangüxmüxü̃ i ngẽxguma Ngechuchu ya Cristu ya guxãarü Cori ixĩcüaxü̃́ yaxõgüãgu.

Ore i mexü̃ ga Luca ümatüxü̃ 10:4

¡Rü taxũtáma choca ípinge, rü bai i perü diẽru, rü bai i perü chapatu! Rü tama chanaxwa̱xe i namagu penuxcü i ngẽxguma namawa texéxü̃ perümoxẽgügu.

Ore i mexü̃ ga Luca ümatüxü̃ 10:6

Rü ngẽxguma ngéma nangẽxmagu i duü̃xü̃gü i Tupanaxü̃ cua̱xgüchaü̃xü̃ rü Tupana rü tá nüxna nanaxã i taãxẽ. Natürü ngẽxguma ngéma nataxuxgu i duü̃xü̃gü i Tupanaxü̃ cua̱xgüchaü̃xü̃, rü ngẽma Tupanaarü taãxẽ rü pexrütama tá nixĩ.