Ore i mexü̃ ga Luca ümatüxü̃ 10:42 - Tupanaarü Ore

⁴² Natürü wüxixicatama nixĩ i guxü̃arü yexera i mexü̃ nax nagu curüxĩnüxü̃. Rü María iyixĩ i nayaxucü i ngẽma rümemaxü̃. Rü taxúetama tá ngĩxna tayanuxü̃ i ngẽma —ñanagürü ga Ngechuchu.

Ore i mexü̃ ga Luca ümatüxü̃ 10:42 Referans Kwoze

Wiyaegü 27:4

Rü ngẽma Cori ya Tupanana naxca̱x chacaxü̃ rü choxü̃́ ngúchaü̃xü̃ rü wüxitama nixĩ. Rü ngẽma nixĩ nax guxü̃ma i chorü maxü̃gu Cori ya Tupanapatawa changexmaxü̃ nax ngẽmaãcü nüxü̃ chicua̱xüü̃xü̃ca̱x rü norü üünemaxã chataãẽxü̃ca̱x.

Ore i mexü̃ ga Cuáü̃ ümatüxü̃ 4:14

Natürü texé ya yíxema choma tá tüxna chaxãxü̃ i dexáwa axexe, rü tagutáma wena tita̱xawa. Erü ngẽma dexá i choma tá tüxna chaxãxü̃ rü wüxi ya puchu ya guxü̃guma ibaibecürüxü̃ tá nixĩ i tümawa, erü ngẽma dexáwa nangẽxma i maxü̃ i taguma gúxü̃ —ñanagürü.

Ore i mexü̃ ga Cuáü̃ ümatüxü̃ 5:24

Aixcüma pemaxã nüxü̃ chixu rü yíxema texé ya choxü̃́ irüxĩnüxe i chorü ore, rü nüxü̃́ yaxṍxe ya yimá Chaunatü ya núma choxü̃ mucü, rü tüxü̃́ nangẽxma i maxü̃ i taguma gúxü̃. Rü Chaunatü rü taxũtáma tümamaxã nanaxuegu nax tapoxcuxü̃, erü marü nüxna ítanguxuchi nax tayuxü̃, rü tüxü̃́ nangẽxma i maxü̃ i taguma gúxü̃.

Wiyaegü 73:25

¿Rü texé tixĩ ya chomücü i daxũguxü̃ i naanewa? Rü cuma nixĩ, Pa Tupanax. Rü cuxicatama nixĩ i chacuxwa̱xexü̃ i ñoma i naanewa rü nataxuma i to.

Ore i mexü̃ ga Luca ümatüxü̃ 18:22

Rü yemaxü̃ naxĩnügu ga Ngechuchu rü ñanagürü: —Wüxixicatama cuxü̃́ nataxu, rü ngẽma nixĩ nax namaxã cutaxexü̃ i guxü̃ma i curü ngẽmaxü̃gü rü ngẽma ngearü diẽruã̱xgüxü̃na naxã i curü natanü. Rü ngẽxguma rü tá cuxü̃́ nangẽxma i cuchica i daxũguxü̃ i naanewa. Rü ñu̱xũchi marü name i chowe curüxũ —ñanagürü.

Ore i mexü̃ ga Cuáü̃ ümatüxü̃ 17:3

Rü ngẽma duü̃xü̃gü tá nüxü̃́ nangẽxma i maxü̃ i taguma gúxü̃ ega cuxü̃́ yaxõgüãgu nax cuxicatama Tupana nax quixĩxü̃, rü choxü̃́ yaxõgüãgu nax choma rü Cristu ga núma choxü̃ cumucü nax chixĩxü̃.

Wiyaegü 17:15

Natürü i chomax rü ngẽma namaxã chataãẽxü̃ nixĩ nax cuxü̃ tá chadauxü̃ rü cuxü̃tawa tá changexmaxü̃ i ngẽxguma tá ícharüdaxgux.

Ore i mexü̃ ga Márcu ümatüxü̃ 8:36

¿Rü ta̱xacüwa nüxü̃́ namexü̃ ya yatü ega ngẽxguma nayauxãgu i guxü̃ma i ñoma i naanearü ngẽmaxü̃gü, natürü norü maxü̃ iyanatauxẽẽgu?

Wiyaegü 142:5

Rü cuxna nixĩ i chaca̱xaxü̃, Pa Cori Pa Tupanax, rü cuxü̃ ñachagürü: —Cuma nixĩ i chorü cu̱xchicaxü̃ quixĩxü̃. Rü cuma nixĩ i choxna cunaxãxü̃ i guxü̃ma i ta̱xacü i choxü̃́ ngẽxmaxü̃ i ñoma i naane i nawa chamaxü̃wa —ñachagürü.

Wenaxarü naxümatü ga Tupanaarü mugü 30:19

Rü ñoma i ngunexü̃gu rü Tupanape̱xewa rü duü̃xü̃güpe̱xewa pexna chaca nax pematama nüxü̃ pixuxü̃ca̱x i ngexü̃rüüxü̃ tá yixĩxü̃ i penaxwa̱xexü̃, rü ngẽma maxü̃ rüe̱xna ngẽma yu. ¿Rü tá penaxwa̱xe i Tupanaarü ngü̃xẽxẽ rüe̱xna norü poxcu? ¡Ẽcü penayaxu i maxü̃ nax pema rü petaagü rü ta namaxẽxü̃ca̱x!

Wiyaegü 119:30

Erü choma rü marü chanayaxu i cucüma i aixcüma ixĩxü̃ rü nagu chixũxchaü̃ i ngẽma curü mugü.

Ore i mexü̃ ga Luca ümatüxü̃ 8:18

¡Mea iperüxĩnüe i ñu̱xmax! Erü texé ya nüxü̃ cuáxe rü naga ĩnüxe i ngẽma ore i mexü̃, rü Tupana rü tá yexeraxü̃ i cua̱x tüxna naxã. Natürü yíxema tama naga ĩnüxe i ngẽma ore, rü woo ngẽma cua̱x i nagu tarüxĩnüxü̃ nax tüxü̃́ nangẽxmaxü̃ rü tá tüxna nanayaxu —ñanagürü.

Ore i mexü̃ ga Luca ümatüxü̃ 12:20

Natürü Tupana rü ñanagürü nüxü̃: “Pa Yatüx, cungeãẽmare i cumax erü ñoma i chütaxü̃gu tátama cuyu. Rü ngẽma curü ngẽmaxü̃gü i namaxã cunguxü̃xü̃, rü ¿texéarü tá nixĩ i ngẽxguma?” ñanagürü ga Tupana.

Wiyaegü 119:111

Rü ngẽma curü mugü nixĩ i chorü ãmare i guxü̃guca̱x ixĩxü̃. Erü ngẽmagü nixĩ i taãxẽ choxna ãxü̃.

1 Corintios 13:3

Rü woo ngẽma duü̃xü̃gü i ngearü diẽruã̱xgüxü̃xü̃ chayanuxgu i guxü̃ma i ta̱xacü i choxü̃́ ngẽxmaxü̃, rü woo Tupanaarü oreca̱x chaugü ichaxãxgu nax üxüwa choxü̃ yagugüxü̃ca̱x, rü taxuwama choxü̃́ name i ngẽma ega tama choxü̃́ nangẽxmagu i ngechaü̃.

Ore i mexü̃ ga Luca ümatüxü̃ 12:33

¡Rü namaxã petaxe i perü ngẽmaxü̃gü i pexü̃́ ngẽmagüxü̃, rü togü i duü̃xü̃gü i nüxü̃́ nataxuxü̃na penaxã i ngẽma diẽru! Rü ngẽmaãcü tá pegüxü̃́ penangexmaxẽxẽ i perü ngẽmaxü̃gü i taguma pexü̃́ ngauxü̃ rü taguma gúxü̃ i daxũguxü̃ i naanewa i ngextá ngĩ́ta̱xagüxü̃ tama íyaxücuxü̃wa rü naweane tama ínachixexẽẽxü̃wa.

Ngu̱xẽẽtaeruü̃arü ore 12:13

Rü ngẽxma nayacua̱x i chorü dexa. Rü marü guxü̃xü̃ma chixu. ¡Rü Tupanaxü̃ nangechaxü̃ rü naga naxĩnü i norü mugü! Erü ngẽma nixĩ i guxü̃ma i ngẽma Tupana tüxü̃́ naxwa̱xexü̃.

Ore i mexü̃ ga Luca ümatüxü̃ 16:25

Natürü Abraáü̃ rü ñanagürü nüxü̃: “Pa Chaunex, ¡nüxna nacua̱xãchi nax taxuxü̃ma cuxü̃́ taxuxü̃ ga yexguma cumaxü̱̃xgu! Natürü Lácharo rü poraãcü guxchaxü̃wa nayexma. Rü ngẽmaca̱x i ñu̱xma rü nua mexü̃wa nangẽxma i Lácharo, rü cuma rü ngéma poxcuchicawa ngúxü̃ quinge.

Yochué 24:22

Rü yexguma ga nüma ga Yochué rü ñanagürü: —Ñu̱xma rü pematama nixĩ i nüxü̃ pixuxü̃ nax aixcüma tá norü ngúchaü̃ pexügüxü̃ ya Cori ya Tupana —ñanagürü. Rü nüma ga duü̃xü̃gü rü nanangãxü̃ rü ñanagürügü: —Ngẽmáacüx, tomatama nixĩ i nüxü̃ tixuxü̃ rü nagu tarüxĩnüexü̃ nax aixcüma Coriwe tarüxĩxü̃ —ñanagürügü.

Yochué 24:15

Natürü ngẽxguma tama Cori ya Tupanawe perüxĩxchaü̃gu ¡rü ñu̱xmatama nüxü̃ pixu i ta̱xacürü tupanawe tá perüxĩxü̃, rüe̱xna ngẽma tupananetagü ga nũxcüma ga perü o̱xigü nüxü̃ icua̱xüü̃güxü̃ ga taxtü ga Eufrátecutüwa, rüe̱xna ngẽma norü tupananetagü i Amoréutanüxü̃ i ñaa naanegu ãchiü̃güxü̃! Natürü i chomax rü chauxacügü rü Cori ya Tupanawe tá nixĩ i tarüxĩxü̃ —ñanagürü ga Yochué.

Wiyaegü 119:173

Ẽcü ínamemare ya cuxme̱x nax choxü̃ nangü̃xẽẽxü̃. Erü curü mugüama nixĩ i guxü̃arü yexera choxü̃́ ngúchaü̃xü̃.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Ore i mexü̃ ga Luca ümatüxü̃ 16:2

Rü yexguma ga yema cori rü yema norü duü̃xü̃ca̱x naca, rü ñanagürü nüxü̃: “Dücax, cuchigaxü̃ chomaxã nixugügü i duü̃xü̃gü. ¿Rü ta̱xacü nixĩ i ngẽma? ¡Rü chomaxã nüxü̃ ixu rü ñuxãcü nixĩ i curü puracü, erü marü taxũtáma chorü ngẽmaxü̃arü dauruü̃xü̃ cuxü̃ chixĩxẽxẽ!” ñanagürü nüxü̃.

Ore i mexü̃ ga Luca ümatüxü̃ 10:39

Rü Martaaxü̃́ iyexma ga wüxi ga ngĩeya̱x ga Maríagu ãégacü. Rü ngĩma rü Ngechuchucutüxü̃tawa irüto nax inaxĩnüxü̃ca̱x ga Ngechuchuarü ore.

Ore i mexü̃ ga Luca ümatüxü̃ 11:1

Rü wüxicana wüxi ga nachicawa nayumüxẽ ga Ngechuchu. Rü yexguma nüxü̃ nachauxgu, rü wüxi ga norü ngúexü̃ rü ñanagürü nüxü̃: —Pa Corix ¡toxü̃ nangúexẽxẽ nax tayumüxẽgüxü̃, yema Cuáü̃ ga báiü̃xẽẽruxü̃ norü ngúexü̃güxü̃ nangúexẽẽxü̃rüxü̃! —ñanagürü.

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

Ore i mexü̃ ga Cuáü̃ ümatüxü̃ 11:1

Nayexma ga wüxi ga yatü ga ida̱xawecü ga Lácharogu ãégacü. Rü naeya̱xgü ga María rü Márta rü ĩane ga Betániacüã̱x nixĩgü.

Ore i mexü̃ ga Cuáü̃ ümatüxü̃ 11:19

Rü muxü̃ma ga Yudíugü rü Lácharoeya̱x ga Márta rü Maríaxü̃tawa naxĩ nax ngĩxü̃ yataãẽxẽẽgüaxü̃ca̱x, yerü nayu ga ngĩenexẽ.

Ore i mexü̃ ga Cuáü̃ ümatüxü̃ 12:3

Rü yexguma ga María rü yéma inange ga 300 gramu nagu ga pumara ga nardo ga tatanüxü̃. Rü Ngechuchuxü̃ namaxã iyixcutü. Rü ñu̱xũchi ngĩyaemaxã íinapicutü. Rü guxü̃wama ga gumá ĩpata rü nayixmachĩã namaxã ga yema pumara.