Ore i mexü̃ ga Luca ümatüxü̃ 10:39 - Tupanaarü Ore

³⁹ Rü Martaaxü̃́ iyexma ga wüxi ga ngĩeya̱x ga Maríagu ãégacü. Rü ngĩma rü Ngechuchucutüxü̃tawa irüto nax inaxĩnüxü̃ca̱x ga Ngechuchuarü ore.

Ore i mexü̃ ga Luca ümatüxü̃ 10:39 Referans Kwoze

Ore i mexü̃ ga Luca ümatüxü̃ 8:35

Rü ga duü̃xü̃gü rü ínayadaugü ga yema ngupetüxü̃. Rü yexguma Ngechuchuxü̃tawa nangugügu, rü yéma nüxü̃ nadaugü ga gumá yatü ga ngo̱xoã̱xchirécü. Rü Ngechuchucutüxü̃tawa narüto, rü marü tama naxãũãẽ. Rü namuü̃e ga duü̃xü̃gü.

Ucu̱xẽgüchiga 8:34

Tataãxẽ ya yíxema choxü̃́ irüxĩnüxe rü guxü̃ i ngunexü̃gügu chopataarü ĩã̱xwa dauxü̃taexe.

Ore i mexü̃ ga Cuáü̃ ümatüxü̃ 12:3

Rü yexguma ga María rü yéma inange ga 300 gramu nagu ga pumara ga nardo ga tatanüxü̃. Rü Ngechuchuxü̃ namaxã iyixcutü. Rü ñu̱xũchi ngĩyaemaxã íinapicutü. Rü guxü̃wama ga gumá ĩpata rü nayixmachĩã namaxã ga yema pumara.

Ngechuchuarü ngúexü̃gü ga yamugüxü̃arü puracüchiga 22:3

—Choma rü Yudíu chixĩ, rü Chiríchiaanearü ĩane ga Társugu chabu. Natürü daa ĩane ya Yerucharéü̃wa chaya, rü Gamarié nixĩ ga chorü ngu̱xẽẽruxü̃. Rü meama nawa changu̱x ga guxü̃ma ga mugü ga nũxcümaü̃güxü̃ ga tórü o̱xigü nagu ĩxü̃. Rü guxü̃guma naxca̱x chadau nax guxü̃ma i chorü ngúchaü̃maxã Tupanaaxü̃́ chapuracüxü̃, ngẽxgumarüxü̃ i guxãma i pemax i ñu̱xmax.

Ore i mexü̃ ga Luca ümatüxü̃ 2:46

Rü tomaepü̱x ga ngunexü̃guwena Ngechuchuxü̃ itayangaugü ga Tupanapata ga taxü̃negu. Rü yéma narüto natanüwa ga yema ngúexẽẽruü̃gü ga Tupanaarü mugüwa ngu̱xẽẽtaegüxü̃, rü inarüxĩnü ga norü ngu̱xẽẽtae, rü nüxna nicachigü.

Wenaxarü naxümatü ga Tupanaarü mugü 33:3

Rü nüma ya Cori ya Tupana rü norü duü̃xü̃güxü̃ nangechaxü̃, rü nüxna nadau i ngẽma naga ĩnüexü̃. Rü nümagü rü nape̱xegu nacaxã́pü̱xügü rü ínanangu̱xuxẽẽgü i norü ucu̱xẽgü.

Ore i mexü̃ ga Cuáü̃ ümatüxü̃ 11:1

Nayexma ga wüxi ga yatü ga ida̱xawecü ga Lácharogu ãégacü. Rü naeya̱xgü ga María rü Márta rü ĩane ga Betániacüã̱x nixĩgü.

Norü taxre ga popera ga ãẽ̱xgacügüchiga 4:38

Rü yemawena ga Erichéu rü Guirigáca̱x nataegu. Rü yexgumaü̃cüxü rü yema naanewa rü taiya nangu̱x. Rü wüxi ga ngunexü̃gu ga yexguma Erichéuxü̃ ínatomaeguãchigügu ga Tupanaarü orearü uruü̃gü, rü nüma ga Erichéu rü norü ngü̃xẽẽruü̃xü̃ ñanagürü: —¡Üxüétügu naxünagü ya yima buetare ya tacü rü ñu̱xũchi Tupanaarü orearü uruü̃güaxü̃́ naxü i wüxi i õna i dexechitanüxü̃! —ñanagürü.

Ore i mexü̃ ga Luca ümatüxü̃ 10:42

Natürü wüxixicatama nixĩ i guxü̃arü yexera i mexü̃ nax nagu curüxĩnüxü̃. Rü María iyixĩ i nayaxucü i ngẽma rümemaxü̃. Rü taxúetama tá ngĩxna tayanuxü̃ i ngẽma —ñanagürü ga Ngechuchu.

Ore i mexü̃ ga Cuáü̃ ümatüxü̃ 11:19

Rü muxü̃ma ga Yudíugü rü Lácharoeya̱x ga Márta rü Maríaxü̃tawa naxĩ nax ngĩxü̃ yataãẽxẽẽgüaxü̃ca̱x, yerü nayu ga ngĩenexẽ.