Ore i mexü̃ ga Luca ümatüxü̃ 10:31 - Tupanaarü Ore

³¹ Rü yematama namawa naxüpetü ga wüxi ga Yudíugüarü chacherdóte. Natürü yexguma yema yatüxü̃ nada̱u̱xgu rü nüxü̃ yéma naxüpetümare.

Ore i mexü̃ ga Luca ümatüxü̃ 10:31 Referans Kwoze

Wiyaegü 69:20

Rü ngẽma nax chomaxã naguxchigagüxü̃ rü poraãcü choxü̃́ nangu̱x. Rü ngẽmaca̱x charümaxãchi rü changearü poraã̱x. Rü natüca̱xma naxca̱x chadau nax texéaxü̃́ changechaü̃tümüxü̃xü̃ rü texé choxü̃ taãẽxẽẽxü̃, natürü taxuxü̃ma ichayangau.

Maraquía 1:10

Rü nüma ya Cori ya Tupana ya Guxü̃étüwa Ngẽxmacü rü pexü̃ ñanagürü: —Chierüx texé i petanüwa tanawãxtagu ya chopata ya taxü̃nearü ĩã̱xgü nax tama natüca̱xmamare chorü ãmarearü guruü̃wa yayauraxü̃ca̱x ya üxü. Erü choma rü tama pemaxã chataãxẽ, rü ngẽmaca̱x taxuxü̃táma i perü ãmaregü i choxna pexãgüxü̃ tá pexü̃́ chayaxu.

Ochéa 6:9

Rü ngẽma chacherdótegü rü ngĩ́ta̱xagüxü̃ nixĩgü erü Chiquéü̃wa daxü̃ i namagu tüxü̃ nana̱i̱xgü rü tüxü̃ nima̱xgü ya yíxema duü̃xẽ ya ngéma üpetüxe.

Ochéa 5:1

Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.

Yeremía 5:31

Rü ngẽma ore i nüxü̃ yaxugügüxü̃ i ngẽma orearü uruü̃gü rü doramare nixĩ. Rü ngẽma chacherdótegü rü nümagü nanaxwa̱xegüxü̃ãcü duü̃xü̃gümaxã inacua̱xgü. Rü ngẽma chorü duü̃xü̃gü rü ngẽmamaxã nataãẽgü. ¿Natürü ta̱xacü tá pexüxü̃ i ngẽxguma ínanguxgu i ngẽma guxchaxü̃ i ãũcümaxü̃? —ñanagürü.

Ngu̱xẽẽtaeruü̃arü ore 9:11

Rü to i ñoma i naanewa nüxü̃ chadauxü̃ nixĩ nax ngẽma ñaãchiwa poraexü̃ rü tama guxü̃guma nüxíra ínangugüxü̃. Rü ngẽma daiwa poraexü̃ rü tama guxü̃guma narüporamaegü. Rü ngẽma cua̱x nüxü̃́ ngẽxmagüxü̃ rü tama guxü̃guma nüxü̃́ nangẽxma i norü õna. Rü ngẽma naãẽxü̃ cuáxü̃ rü tama guxü̃guma nidiẽruã̱x. Rü ngẽma poperawa ngu̱x nüxü̃́ ngẽxmagüxü̃ i duü̃xü̃gü rü tama guxü̃guma namaxã nataãẽgü. Rü guxãca̱x ínangu i tümaarü taãxẽ rü tümaarü guxchaxü̃.

Ucu̱xẽgüchiga 21:13

Texé ya tama nüxü̃ rüngü̃xexẽ́xẽ i ngẽma ngearü diẽruã́xü̃ ega ngü̃xẽẽca̱x tüxna nacaxgu, rü tümax rü tá ta taxúetama tüxü̃ tarüngü̃xẽxẽ ega tüxí ngü̃xẽẽca̱x ítacaxgu.

Wiyaegü 142:4

Rü ngẽxguma chorü tügünecüwagu chadawenügu rü tataxuma ya texé ya chorü ngü̃xẽẽwa ũxẽ. Rü tataxuma ya texé ya choxü̃ ípoxü̃xẽ. Rü tataxuma ya texé ya cha̱u̱xca̱x oegaãẽxe.

Rux 2:3

Rü yexguma ga Rux rü wüxi ga naanewa ixũ rü yema buxetatanüxü̃we iyadeetanü ga chebádaya̱xa ga yéma iyietanüxü̃. Rü megu ingu yerü yema naane rü Boó ga Erimérextanüxü̃arü nixĩ.

2 Chamué 1:6

Yema yatü ga namaxã nüxü̃ ixuxü̃ nanangãxü̃ rü ñanagürü: —Yerü choma rü guma ma̱xpǘne ga Guibóawa chayexmayane rü nüxü̃ chadau ga Chaú nax norü wocaemaxã nügü nacaxcuxü̃. Rü ñu̱xũchi norü uanügüarü carugü rü yema uanügü ga cowarutagu ĩxü̃ nax marü nüxü̃ iyangaugüchaü̃xü̃.

Ichaía 58:7

Rü ngẽma chanaxwa̱xexü̃ nixĩ nax tüxü̃ pechibüexẽẽxü̃ ya yíxema taiyaexe, rü pepatawa tüxü̃ peyaxuxü̃ ya yíxema ngearü diẽruã̱xgüxe rü ngepatagüxe, rü tüxü̃ pixüxchiruxü̃ ya yíxema ngexchirugüxe, rü to̱xguã̱x tüxü̃ perüngü̃xẽẽgüxü̃.

Ore i mexü̃ ga Luca ümatüxü̃ 10:30

Rü yexguma ga Ngechuchu rü nanangãxü̃, rü ñanagürü nüxü̃: —Wüxi ga yatü Yerucharéü̃wa ne naxũ, rü Yericúwa naxũ. Rü namagu nüxü̃ nangaugü ga ngĩ́ta̱xagüxü̃. Rü guxü̃ma ga norü yemaxü̃ca̱x nangĩ̱xgü, rü aixrüxü̃ ga naxchiru rü ta naxca̱x nangĩ̱xgü. Rü nanacua̱i̱xgü, rü nayayuãchixẽẽgü, rü yemaacü yéma nanata̱xgü.

Ore i mexü̃ ga Luca ümatüxü̃ 10:32

Rü yéma naxüpetü ta ga wüxi ga Lebítanüxü̃, rü yexguma yema yatüxü̃ nada̱u̱xgu, rü nüma rü ta nüxü̃ naxüpetümare.