Ore i mexü̃ ga Luca ümatüxü̃ 10:29 - Tupanaarü Ore

²⁹ Natürü ga yema ngúexẽẽruxü̃ ga Moichéarü mugüwa ngu̱xẽẽtaexü̃, rü nügüétüwa nachogüchaü̃. Rü yemaca̱x Ngechuchuna naca, rü ñanagürü: —¿Rü texé tixĩ ya chomücü? —ñanagürü.

Ore i mexü̃ ga Luca ümatüxü̃ 10:29 Referans Kwoze

Ore i mexü̃ ga Luca ümatüxü̃ 16:15

Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.

Gálatas 3:11

Rü ngẽmaãcü meama nango̱x nax tama ngẽma mugü inguxẽẽxü̃ca̱x yixĩxü̃ nax Tupanape̱xewa imexü̃. Erü Tupanaarü ore i ümatüxü̃wa rü ñanagürü: “Rü yíxema tümaarü õgagu Tupanape̱xewa mexẽ, rü yíxema tá tixĩ ya aixcüma tüxü̃́ nangẽxmaxẽ i maxü̃ i taguma gúxü̃”, ñanagürü.

Romanos 4:2

Rü dücax, yexguma chi ta̱xacürü mexü̃ nax naxüxü̃ca̱x Tupanape̱xewa namexgu ga Abraáü̃ rü chi yemaca̱x nügü nicua̱xüxü̃, natürü tama yemaca̱x Tupanape̱xewa name. Erü Tupanaarü ore i ümatüxü̃wa rü ñanagürü: “Abraáü̃ rü Tupanaaxü̃́ nayaxõ, rü yemaca̱x Tupana nüxü̃ nixu nax namexü̃”, ñanagürü i ngẽma ore.

Lebítanüxü̃arü puracüchiga 19:34

Rü ngẽma to i nachixü̃anecüã̱x rü mea namaxã ipecua̱x! ¡Rü nüxü̃ pengechaü̃, erü nüma rü wüxi i petanüxü̃rüü̃tama nixĩ! ¡Rü taxṹ i nüxü̃ perüngü̃ma nax pema rü ta rü to i nachixü̃anecüã̱xgü pixĩgüxü̃ ga Equítuanewa! Rü choma nixĩ i perü Cori ya Tupana chixĩxü̃.

Romanos 10:3

Rü woo Tupana ñoma ga naanewa nanamu ga Cristu nax gumágagu Tupanape̱xewa yamexü̃ca̱x i duü̃xü̃gü, natürü nümagü i Yudíugü rü tama nüxü̃ nacua̱xgüchaü̃ i ngẽma. Rü nügütama nimexẽẽgüchaü̃, rü ngẽmaca̱x nagu naxĩãma i ngẽma mugü ga Moiché ümatüxü̃ rü tama Cristuaxü̃́ nayaxõgüchaü̃ nax nagagu Tupanape̱xewa yamexü̃ca̱x.

Ore i mexü̃ ga Luca ümatüxü̃ 10:36

Rü ñanagürü ga Ngechuchu nüxü̃: —Ñu̱xma chanaxwa̱xe i chomaxã nüxü̃ quixu i ngexü̃rüüxü̃ nixĩ ga yema tomaepü̱xtanüwa ga aixcüma namücü ixĩxü̃ ga yema yatü ga ngĩ́ta̱xagüxü̃ ima̱xgüxü̃ —ñanagürü ga Ngechuchu.

Popera ga Chantiágu ümatüxü̃ 2:24

Rü ngẽmawa nüxü̃ tacua̱x nax Tupana namaxã taãẽxü̃ ya yimá yatü ya mexü̃ ücü rü tama yaxõmarecü.

Yox 32:2

Rü yéma nayexma ta ga wüxi ga to ga yatü ga Eriúgu ãégacü. Rü nüma rü Baraqué ga Buchítanüxü̃ nane nixĩ. Rü norü o̱xi rü Ráü̃ nixĩ. Rü nüma ga Eriú rü marü tama yáxna namaxã naxĩnü nax Yoxmaxã nanuxü̃, yerü nüxü̃ naxĩnü nax nügü ínapoxü̃xü̃ rü Tupanana naxugüãxü̃ ga yema guxchaxü̃gü ga naxca̱x ínguxü̃.

Ore i mexü̃ ga Márcu ümatüxü̃ 8:34

Rü yexguma ga Ngechuchu rü norü ngúexü̃güca̱x rü duü̃xü̃güca̱x naca. Rü ñanagürü nüxü̃: —Rü ngẽxguma texé chowe rüxũxchaü̃gu, ¡ẽcü nüxü̃ tarüxo i tümaarü ngúchaü̃, rü namaxã tapora i ngẽma guxchaxü̃gü i tümaca̱x ínguxü̃, rü ngẽmaétüwa chowe tarüxũ!