Ore i mexü̃ ga Luca ümatüxü̃ 10:28 - Tupanaarü Ore

²⁸ Rü yexguma ga Ngechuchu rü ñanagürü nüxü̃: —Ngẽma ore i choxü̃ namaxã cungãxü̃xü̃ rü marü name. Rü ngẽxguma ngẽma ore quinguxẽẽ̱xgu, rü tá cunayaxu i maxü̃ i taguma gúxü̃ —ñanagürü.

Ore i mexü̃ ga Luca ümatüxü̃ 10:28 Referans Kwoze

Echequié 20:11

Rü yéma nüxna chanaxã ga chorü mugü i maxü̃ tüxna ãxü̃ ya yíxema naga ĩnüexe.

Lebítanüxü̃arü puracüchiga 18:5

Rü chanaxwa̱xe i aixcüma nagu pexĩ i ngẽma chorü mugü rü chorü ucu̱xẽgü. Rü yíxema nagu maxü̃́xẽ rü tá tamaxü̃. Erü choma nixĩ i perü Cori ya Tupana chixĩxü̃.

Ore i mexü̃ ga Matéu ümatüxü̃ 19:17

Rü Ngechuchu nanangãxü̃ rü ñanagürü nüxü̃: —¿Tü̱xcüü̃ “Mecü”, ñacurügü choxü̃? Erü Tupanaxicatama nixĩ ya mecü ixĩcü, rü nataxuma i to. Natürü ngẽxguma cunayauxchaü̃gu i maxü̃ i taguma gúxü̃, rü ¡naga naxĩnü i Tupanaarü mugü! —ñanagürü.

Neemía 9:29

Rü cuyaxucu̱xẽgü nax wena yanguxẽẽgüãxü̃ca̱x ga curü mugü. Natürü ga nümagü rü tama inaxĩnüechaxü̃, rü tama nanayauxgüchaxü̃ ga yema curü mugü. Rü yemaacü nüxü̃ naxoe ga curü mugü i maxü̃ tüxna ãxü̃ ya yíxema naga ĩnüxe. Rü naechitamare namaxẽ rü ínayataiãchiarü maxü̃ã̱xgü rü yemaca̱x tama naga naxĩnüe i curü mugü.

Gálatas 3:12

Natürü ngẽma mugü rü tama ngẽma õwa ne naxũ. Erü Tupanaarü orewa rü ñanagürü: “Rü yíxema aixcüma naga ĩnüxe i guxü̃ma i ngẽma mugü, rü ngẽmagagu tá tüxü̃́ nangẽxma i tümaarü maxü̃”, ñanagürü.

Romanos 10:4

Natürü nüma ga Cristu rü nayanguxẽxẽ ga yema mugü rü yemaacü inayanaxoxẽxẽ nax tama tamaxã inacuáxü̃ca̱x i ngẽma mugü. Rü yemaacü nanaxü ga Cristu nax guxü̃ma i duü̃xü̃gü i nüxü̃́ yaxõgüxü̃ rü aixcüma Tupanape̱xewa yamexü̃ca̱x.

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Ore i mexü̃ ga Luca ümatüxü̃ 7:43

Rü Ngechuchuxü̃ nangãxü̃ ga Chimóü̃, rü ñanagürü: —Cha̱u̱xca̱x ga yema yexeraãcü nüxü̃́ nangetanüxü̃ nixĩ ga yexeraãcü norü corixü̃ ngechaü̃xü̃ —ñanagürü. Rü Ngechuchu rü ñanagürü nüxü̃: —Ngẽmáacü aixcüma nüma nixĩ —ñanagürü.

Ore i mexü̃ ga Márcu ümatüxü̃ 12:34

Rü yexguma Ngechuchu nüxü̃ da̱u̱xgu ga mexü̃gu nax naxĩnüãcüma nax nangãxü̃ãxü̃ ga yema ngúexẽẽruxü̃ ga mugüwa ngu̱xẽẽtaexü̃, rü ñanagürü nüxü̃: —Marü tama taxü̃ cuxü̃́ nataxu nax cunayaxuxü̃ ya Tupana nax curü ãẽ̱xgacü yixĩxü̃ca̱x —ñanagürü. Rü yemawena rü marü taxúema tügü taporaxẽxẽ nax nüxna ticachigüxü̃ca̱x.

Echequié 20:21

—Natürü woo i ngẽma nanegü rü naxacügü rü chomaxã nanueama. Rü tama naga naxĩnüe rü tama nayanguxẽẽgü rü tama nagu namaxẽ i ngẽma chorü mugü i maxü̃ tüxna ãxü̃ ya yíxema nagu maxü̃́xẽ. Rü woo chorü ngü̃chigaarü ngunexü̃gü rü tama nanaxauregü. Rü yexguma ga choma rü chorü numaxã nagu charüxĩnü nax wüxicana chi yexma chianexü̃gu chanadaixü̃.

Echequié 20:13

Natürü yexguma chianexü̃wa nayexmagügu rü chomaxã nanue rü tama chauga naxĩnüechaü̃ rü tama naga naxĩnüechaü̃ ga yema chorü mugü ga maxü̃ chi tüxna ãxü̃ ya guxãma ya naga ĩnüe. Rü woo ga chorü ngü̃chigaarü ngunexü̃gü rü tama nanaxauregü rü tama nagu choxü̃ nicua̱xüü̃gü. Rü yemaca̱x ga choma rü poraãcü namaxã chanu rü nagu charüxĩnü nax wüxicana chi yexma chianexü̃gu chanadaixü̃.

Wenaxarü naxümatü ga Tupanaarü mugü 6:24

Rü yemawena ga nüma ga Cori ya Tupana rü toxü̃ namu nax mea tayanguxẽẽxü̃ca̱x i guxü̃ma i ñaa norü mugü rü naga taxĩnüexü̃ca̱x nax mea toxü̃ naxüpetüxü̃ca̱x rü nüma toxü̃ namaxẽxẽẽxü̃ca̱x ñu̱xmata ñoma i ngunexü̃wa nangu.

Ucu̱xẽgüchiga 19:16

Yíxema nagu ixũxe i mugü, rü tümaarü maxü̃na tadau. Natürü yíxema nüxü̃ oxe ya Cori ya Tupanaarü mugü, rü tümaarü yuca̱x tadau.